မြောက်ကိုရီးယားသမ္မတကင်ဂျုံအီ အထ္ထုပ္ပတိစာအုပ်များအား သိမ်းဆည်းဖျက်ဆီး

အံ့ဘုန်းမြတ် ၂၇ ဒီဗွီဘီ ၂၀၁၀ (ဒီဗွီဘီ)

မြန်မာနိုင်ငံဆိုင်ရာ မြောက်ကိုရီးယားသံရုံးတာဝန်ရှိသူတွေက မြန်မာစာရေးဆရာ ဟိန်းလတ်ပြုစုရေးသား ထုတ်ဝေတဲ့ မြောက်ကိုရီးယားသမ္မတ မစ္စတာကင်ဂျုံအီရဲ့ အထ္ထုပ္ပတိစာအုပ်တွေကို ဈေးကွက်ကနေ ပြန်သိမ်းပြီး ဖျက်ဆီး ပစ်လိုက်ပါ တယ်။ နိုင်ငံခြားရေးဝန်ကြီးဌာနနဲ့ ပြန်ကြားရေးဝန်ကြီးဌာနစတဲ့ အစိုးရဌာနတွေရဲ့ အကူအညီနဲ့ ရန်ကုန်အခြေစိုက် မြောက်ကိုရီးယားသံရုံးတာဝန်ရှိသူတွေက ဆရာဟိန်းလတ်ရဲ့ ‘ကင်ဂျုံအီး သို့မဟုတ် မြောက်ကိုရီးယားရဲ့ ချစ်လှစွာသော ခေါင်းဆောင်ကြီး’ အမည်နဲ့ ထုတ်ဝေတဲ့ ဈေးကွက်အတွင်းက စာအုပ် ၅၀၀ ကျော်ကို သိမ်းဆည်းဖျက်ဆီးလိုက်ပါတယ်။ ဒီဖျက်ဆီးမှုကို စာရေးသူနဲ့ ထုတ်ဝေသူတွေရှေ့မှောက်မှာ ဖျက်ဆီးပစ်လိုက်တာလည်း ဖြစ်ပါတယ်။ ဒီအကြောင်းကို စာရေးသူနဲ့ရော ထုတ်ဝေသူနဲ့ပါ နီးစပ်တဲ့ ရန်ကုန်က စာပေထုတ်ဝေသူ တဦးက အခုလို ပြောပြပါတယ်။

“ဘယ်လိုပြောလည်းဆိုတော့ သံရုံးကကန့်ကွက်တယ်။ သံရုံးကနေ စိစစ်ရေး၊ စိစစ်ရေးကနေ နိုင်ငံခြားရေးဝန်ကြီးဌာန၊ နိုင်ငံခြားရေးဌာနကနေ စိစစ်ရေး၊ သူတို့က ပူးပေါင်းဆောင်ရွက်ပါလို့ပြောတယ်။ ပူးပေါင်းဆောင်ရွက်ပါဆိုတော့သိမ်းတဲ့ ဟာက လျော်ကြေးမပေးဘူးလို့ပြောတယ်။ ဒီအတိုင်း သိမ်းပြီး ဖျက်ဆီးလိုက်တယ်။ ဒီဘက်က အစိုးရဆိုဒ်ကတော့ ပူးပေါင်း ဆောင်ရွက်ပါလို့ပဲ ညွှန်ကြားတာ၊ ဘာလုပ်ပေးပါလို့တော့မပြောဘူး။ သူကိုယ်တိုင်လည်းကြောက်တာပေါ့။ ကြောက် တယ်ဆိုတာ သူကိုယ်တိုင်လည်း အစိုးရနဲ့ နည်းနည်းအဆင်ပြေချင်တယ်။ တပိုင်းက ဟိုဘက်က နိုင်ငံကလည်းလက်ရှိ အစိုးရနဲ့လည်း အဆင်ပြေနေတယ်။ ချစ်ကြည်ရေးလည်း လုပ်နေတယ်။”

‘ကင်ဂျုံအီ’ စာအုပ်မှာ ရေးသားထားတဲ့ အကြောင်းအရာတွေကိုလည်း အဲ့ဒီ စာပေထုတ်ဝေသူကပဲ အခုလို ဆက်ပြောပါတယ်။

“သူက အနောက်တိုင်းဟာတွေလည်းပါတယ်။ သူတို့နိုင်ငံထုတ်တာတွေ လည်းပါတယ်။ သူတို့မကြိုက်တဲ့ဟာတွေကို တချို့က လှန်ရေးထားတယ်။ သူတို့က သူတို့သံရုံးက ထုတ်တဲ့ဟာတွေလောက်ပဲ လက်ခံစေချင်တယ်ပြောတယ်။ ဥပမာ အရပ် ၅ ပေ ၂ လက်မတို့ ဘာတို့ သူက ရုပ်ရှင်ချစ်ရုံတင်မဟုတ်ဘူး။ သူကိုယ်တိုင် ရုပ်ရှင်ရိုက်တယ်ဆိုတာမျိုးတွေ လက်မခံနိုင်ဘူး။ အဆိုးမြင် နည်းနည်းပါတဲ့ဟာမျိုးပေါ့။ ပုံရိပ်ဆောင်းသွားနိုင်တဲ့ဟာမျိုးတွေ သူတို့က လုံးဝလက်မခံနိုင်ဘူး။ အချို့ ဟာတွေမရေးဘူးပေါ့။ သူ့အချက်အလက်တွေ ရှိထားတယ်။ အစားအကောင်း ကြိုက်တယ်တို့ဘာတို့ သူက နိုင်ငံတကာခေါင်းဆောင်တွေရှေ့ဆိုရင် ဂျုံမှုန့်လေး ဘာလေးစားပြတာပေါ့။ တကယ်တန်းကျတော့ စားကောင်းသောက်ဖွယ်ကိုကောင်း ကောင်းချက်ပြီးတော့ စားဖိုမှူးနဲ့ ကောင်းကောင်းချက်ပြီးတော့စားတာ၊ အဲဒါမျိုးတွေကိုတော့ ထည့်မရေးဘူးပေါ့။”

အခုချိန်ဟာ နှစ်နိုင်ငံသံတမန်ဆက်ဆံရေး ကောင်းမွန်နေချိန်ဖြစ်တာကြောင့် သံရုံးရဲ့ ဒီလုပ်ရပ်အပေါ် စာရေးဆရာနဲ့ ထုတ်ဝေ သူတွေက စောဒကမတက်ပဲ မြန်မာကျပ်ငွေသိန်း ၂၀ ကျော်ဖိုး ဆုံးရှုံးခံခဲ့ရတာလို့လည်း သူကထင်မြင်ချက်ပေးပါတယ်။ စာအုပ်ဖျက်ဆီးမှုအပေါ် ရန်ကုန်မြို့အခြေစိုက် မြောက်ကိုရီးယားသံရုံးကို ဆက်သွယ်မေးမြန်းဖို့ ကြိုးစားပေမယ့်မရပါဘူး။ အခုလိုမျိုး တပါးနိုင်ငံသံရုံးက ကိုယ့်နိုင်ငံတွင်းထုတ်ဝေတဲ့စာအုပ်ကို ဖျက်ဆီးတဲ့ဖြစ်ရပ်မျိုး မကြုံခဲ့ဖူးဘူးလို့ မြန်မာစာရေးဆရာ အသိုင်းအ၀ိုင်းတွေက ဆိုပါတယ်။ မြောက်ကိုရီးယားနိုင်ငံဟာ မြန်မာနိုင်ငံနဲ့ နှစ်အတန်ကြာ သံတမန်ဆက်ဆံရေး ရပ်ဆိုင်းထားရာက လွန်ခဲ့တဲ့ နှစ်နှစ်ကမှ မြန်မာနိုင်ငံမှာ သံရုံးပြန်လည်ဖွင့်လှစ် ခဲ့ပါတယ်။ လက်ရှိ အခြေအနေမှာတော့ မြန်မာစစ်အစိုးရနဲ့ မြောက်ကိုရီးယားအစိုးရတို့အကြား နျူးကလီးယားနည်းပညာအပါအ၀င် လက်နက်ရောင်းဝယ်မှုတွေရှိနေ တယ်ဆိုတဲ့ စွပ်စွဲချက်တွေထွက်ပေါ်နေပြီး နိုင်ငံတကာက နှစ်နိုင်ငံဆက်ဆံရေးကို အနီးကပ်စောင့်ကြည့်နေချိန်လည်း ဖြစ်ပါတယ်။