ဒီမိုကရက်တစ်ပါတီ (မြန်မာ)

This category contains 7 posts

အပြုသဘော ပူးပေါင်းဆောင်ရွက်ရေး လက်တွေ့အကောင်အထည်ဖော်ဖို့လို


အံ့ဘုန်းမြတ် (၁၅ သြဂုတ် ၂၀၁၁) (ဒီဗွီဘီ)

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ၀န်ကြီးဦးအောင်ကြည်တို့ ဒုတိယအကြိမ်တွေ့ဆုံမှုကနေ သဘောတူညီခဲ့ကြတဲ့ အပြုသဘော နှစ်ဖက်ပူးပေါင်း ဆောင်ရွက်ရေးကိစ္စတွေ လက်တွေ့ အကောင်အထည်ဖော်ဖို့ လိုအပ်ကြောင်း ဒီမိုကရက်တစ်အင်အားစု နိုင်ငံရေးပါတီ ခေါင်းဆောင်တွေက ပြောကြား လိုက်ကြပါတယ်။

ဒေါ်အောင်ဆန်းစုကြည်နဲ့ ဦးအောင်ကြည်တို့ရဲ့ ဒုတိယအကြိမ် တွေ့ဆုံမှုမှာ သဘောတူညီခဲ့ကြတဲ့ တိုင်းပြည် တည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေး အတွက် နိုင်ငံတော်အစိုးရနဲ့ နှစ်ဖက်လက်တွဲ ဆောင်ရွက်သွားဖို့အပါအ၀င်  မြန်မာနိုင်ငံတွင် ဒီမိုကရေစီစနစ် ဆက်လက် တိုးတက်ထွန်းကား လာစေရေး၊ စီးပွားရေးနဲ့ လူမှုရေးလုပ်ငန်းတွေ ပိုမိုဖွံ့ဖြိုးတိုးတက်လာစေရေးတွေအတွက် အပြုသဘော ပူးပေါင်းဆောင်ရွက် သွားကြဖို့ စတဲ့ နှစ်ဘက် သဘောတူညီချက်တွေ အပေါ် ၂၀၁၀ ရွေးကောက်ပွဲဝင် နိုင်ငံရေးပါတီ ခေါင်းဆောင်တွေက လက်တွေ့ အကောင်အထည်ဖော်ဖို့ တိုက်တွန်း ပြောကြားလိုက်ကြတာ ဖြစ်ပါတယ်။

အဲ့ဒီထဲက အမျိုးသားဒီမို ကရေစီအင်အားစု NDF ပါတီခေါင်းဆောင် တဦးဖြစ်တဲ့ ဦးခင်မောင်ဆွေက အခုလိုပြောပါတယ်။

“အစိုးရဘက်ကလည်း လိုက်လျောသင့်သလောက် လိုက်လျောမယ်။ ဒေါ်အောင်ဆန်းစုကြည် ဘက်ကလည်း ပူးပေါင်းဆောင်ရွက်ခြင်း မကတော့ဘူး။ ညှိနှိုင်း ဆွေးနွေးတဲ့အဆင့်ကို ကျော်ပြီးတော့ ပူးပေါင်း ဆောင်ရွက်မယ်ဆိုတဲ့ အဆင့်ကိုတောင် ပြောလိုက်ပြီဆိုတော့ ပူးပေါင်းပြီးတော့ ဆောင်ရွက်မှာကို၊ တွေ့ဆုံညှိနှိုင်းတဲ့ အဆင့်ကို ကျော်ပြီးတော့ ပြောလိုက်တော့ မျှော်လင့်စရာတွေတော့ ပိုပိုလာတယ်။ ဒါပေမယ့် နှစ်ဖက်စလုံးက အပြည့်အ၀ ပူးပေါင်းဆောင်ရွက်မှုတွေကို လုပ်မယ်ဆိုရင် ပြည်သူတွေအတွက် ကောင်းကျိုးချမ်းသာတွေက မလွှဲမသွေ ရောက်လာမှာပါ။ ပါးစပ်က ပြောနေရုံနဲ့မဟုတ်ဘဲနဲ့ လက်တွေ့ဘယ်လို ပူးပေါင်းဆောင်ရွက်မလဲဆိုတဲ့ လုပ်ငန်းသဘောဆောင်တဲ့ အချက်တွေကို ကျနော်တို့ မသိရသေးဘူး။”

ဝန်ကြီး ဦးအောင်ကြည်နဲ့ ဒေါ်အောင်ဆန်းစုကြည်ဟာ ပဋိပက္ခအသွင်ဆောင်နေတဲ့ အမြင်သဘောထားတွေကို ရှောင်ရှားပြီး အပြန်အလှန် ကူညီသော ပူးပေါင်းဆောင်ရွက်ရေး လုပ်ငန်းစဉ်တွေကို ဦးတည်သွားဖို့နဲ့ တွေ့ဆုံ ဆွေးနွေးမှုတွေကို ဆက်လက် လုပ်ဆောင်သွားဖို့ဆိုတဲ့ အချက်တွေကိုလည်း ဒုတိယအကြိမ် တွေ့ဆုံမှုမှာ သဘောတူညီခဲ့ကြပါတယ်။

ဒေါ်အောင်ဆန်းစုကြည် ကတော့ ပထမဆုံးအကြိမ် ပြန်လည်တွေ့ဆုံ မှုအပြီးမှာ တိုင်းရင်းသား ဒေသတွေက လက်နက်ကိုင် ပဋိပက္ခတွေနဲ့ ပတ်သက်တဲ့ ငြိမ်းချမ်းရေး အိတ်ဖွင့်ပေးစာ အပါအ၀င် ဧရာဝတီမြစ်ဆုံဆည် စီမံကိန်းတွေနဲ့ ပတ်သက်ပြီးတော့လည်း ပြန်လည် သုံးသပ်ဖို့စတဲ့ ပူးပေါင်းဆောင် ရွက်မှုတွေကို စတင် ပြုလုပ်လာပါတယ်။

ဒီအပေါ်ကိုလည်း ဒီမိုကရက်တစ်ပါတီ (မြန်မာ)ရဲ့ ဥက္ကဋ္ဌ ဦးသုဝေက အခုလို ပြောပါတယ်။

“အစိုးရအနေနဲ့တော့ ဘာမှပြောတာ မကြားသေးဘူး။ ဥပမာအားဖြင့် ငြိမ်းချမ်းရေး ဆိုပါတော့၊ တနေ့က သတင်းစာ ရှင်းလင်းပွဲမှာဆိုရင် ငြိမ်းချမ်းရေးကို သူတို့လည်းလုပ်နေတယ်။ အားလုံးလည်း လုပ်ကြပါဆိုတာမျိုးကို ယေဘုယျပဲ ပြောသွားတာ။ အဲဒါကို သူတို့  နှစ်ဦးဆွေးနွေးတဲ့အခါမှာ ဘယ်လောက်ပါသလဲတော့ မသိဘူး။”

အတိုက်အခံ နိုင်ငံရေးအင်အားစုတွေ ကတော့ ၂၀၀၂ ခုနှစ် ဒေါ်အောင်ဆန်းစုကြည် ဒုတိယအကြိမ် ပြန်လည်လွတ်မြောက်ချိန်တွေကလို တွေ့ဆုံ ဆွေးနွေးမှုတွေကနေ နောက်ဆုံးမှာ ၂၀၀၃ ခုနှစ် ဒီပဲယင်းအကြမ်းဖက်မှုနဲ့ အဆုံးသတ်ခဲ့သလို ဖြစ်ရပ်မျိုးတွေ အစိုးရသစ်အနေနဲ့  နောက်ပိုင်းမှာ လုပ်ဆောင်လာမှာကို သံသယ ရှိနေကြပါတယ်။

Advertisements

အာဇာနည်နေ့ အခမ်းအနား နိုင်ငံရေးပါတီများကို ဖိတ်ကြားခြင်းမရှိ


အံ့ဘုန်းမြတ် (၁၈ ဇူလိုင် ၂၀၁၁) (ဒီဗွီဘီ)

ဇူလိုင်လ ၁၉ ရက်နေ့မှာ ကျရောက်မယ့် ၆၄ နှစ်မြောက် အာဇာနည်နေ့အခမ်းအနားမှာ နိုင်ငံရေးပါတီတွေကို တက်ရောက်ဂါရ၀ပြုဖို့ တိုင်းဒေသကြီးအစိုးရအဖွဲ့က ဖိတ်ကြားခြင်း မရှိပါဘူး။

မနှစ်ကတော့ ရွေးကောက်ပွဲဝင် နိုင်ငံရေးပါတီတွေကို အသိအမှတ်ပြု  ဖိတ်ကြားခဲ့ပေမယ့် ဒီနှစ်မှာတော့ ဖိတ်ကြားခြင်း မရှိတော့တာလို့ အမျိုးသား ဒီမိုကရေစီအင်အားစုပါတီရဲ့ ခေါင်းဆောင်တဦးဖြစ်တဲ့ ဦးခင်မောင်ဆွေက ပြောပါတယ်။

“ဒီနှစ်တော့ မဖိတ်ဘူး။ တက်ရောက်ချင်တဲ့သူတွေ အကြောင်းကြားပါဆိုပြီး သတင်းစာမှာ ပါတယ်။ သီးခြား ဖိတ်တာတော့ မရှိဘူး။”

ကြံ့ခိုင်ရေးပါတီရဲ့ ရန်ကုန်တိုင်း တာဝန်ခံမြို့တော်ဝန်ဟောင်း ဦးအောင်သိန်းလင်း ကတော့ နိုင်ငံရေးပါတီအားလုံးကို ဖိတ်ကြားမယ်လို့ ပြည်တွင်း မီဒီယာတွေမှာ ပြောကြားထားပေမယ့် အခုလို ဖိတ်ကြားခြင်း မရှိတော့တာလည်း ဖြစ်ပါတယ်။

ဒီလို အစိုးရအနေနဲ့ တာဝန်ခံဖိတ်ကြားတာမျိုး မရှိတဲ့အတွက် ပါတီအနေနဲ့ပဲ အာဇာနည်နေ့ အခမ်းအနားကို ကျင်းပမယ်လို့ ဒီမိုကရက်တစ်ပါတီ (မြန်မာ) ရဲ့ ဥက္ကဋ္ဌ ဦးသုဝေကသ ဆိုပါတယ်။

“သူတို့က တက်ချင်ရင် စည်ပင်သာယာရုံးမှာ သွားပြီး ကိုယ့်ဘာသာကိုယ် လျှောက်ရမှာပေါ့နော်။ လျှောက်လွှာတင်ပြီးမှ လျှောက်တဲ့သူတွေက သွားတက်ပေါ့။ အဲလိုမျိုး ပြောပါတယ်။ သပ်သပ် မဖိတ်ဘူးဗျ။ ကျနော်တို့ မလျှောက်တော့ဘူးဗျာ။ မဖိတ်တော့လည်း မသွားဘူးပေါ့ဗျာ။ ကိုယ့်ပါတီမှာပါပဲ ကိုယ့်အခမ်းအနားနဲ့ကိုယ် လုပ်တော့မယ်။ မနက်ဖြန် ကျနော်တို့ ပါတီရုံးမှာ ပါတီဝင်တွေ စုပြီးတော့ အာဇာနည်နေ့နဲ့ ပတ်သက်ပြီး ဟောပြောတာ၊ ဆွေးနွေးတာတို့ ရှိမှာပေါ့ဗျာ။”

တမျိုးသားလုံးနဲ့ သက်ဆိုင်တဲ့ အာဇာနည်နေ့ အခမ်းအနားကို တိုင်းဒေသကြီး အစိုးရအဆင့်ကပဲ ဦးဆောင်ပြုလုပ်ဖို့ စီစဉ်တာဟာ ရွေးကောက်ပွဲ အနိုင်ရ ကြံ့ခိုင်ရေး ပါတီအနေနဲ့ ဒီအခမ်းအနားအပေါ် အလေးအနက် မထားတာ ဖြစ်တယ်လို့လည်း ဦးသုဝေက ဝေဖန်ထားပါတယ်။

“ကျနော်တို့ အမြင်ကတော့ အာဇာနည်နေ့ဆိုတာ အားလုံးနဲ့ ပတ်သက်တဲ့ အာဇာနည်ခေါင်းဆောင်ကြီးများကို အလေးပြုချင်ကြမှာပေါ့။ အားလုံးပြည်သူတွေက သွားပြီးတော့ အလေးပြုချင်ကြတဲ့ပုဂ္ဂိုလ်များကို ပြုနိုင်ပါတယ်။ စည်းကမ်းက ဘယ်လိုဆိုတာမျိုး ရှင်းပြရင် လူထုတွေက အများကြီး သွားတက်မှာပေါ့။ အခုတော့ တိုင်းမြူနီစပါယ်ကပဲ ဦးဆောင်ကျင်းပမယ်လို့ ဆိုတယ်။ ပြီးတော့ သူတို့ကလည်း သိပ်ပြီးတော့ လေးလေးနက်နက်ထားပုံမရဘူး သူတို့က။ ပြီးတော့ သူတို့စီစဉ်ပြီး လုပ်ပေးမှာပေါ့။”

အခြားပြည်တွင်း ဒီမိုကရက်တစ်အင်အားစုဝင် အချို့ကတော့ အမျိုးသား ဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်နဲ့ အတူ အာဇာနည်ဗိမာန်ကို လမ်းလျှောက်ချီတက်ပြီး ကျဆုံးခဲ့တဲ့ အာဇာနည် ခေါင်းဆောင်ကြီးတွေကို ဂါရ၀ပြုဖို့ စီစဉ်ထားကြပါတယ်။

ရန်ကုန်မြို့မှာတော့ အာဇာနည်နေ့ နီးကပ်လာတာနဲ့အတူ လုံခြုံရေးတွေကိုလည်း အထူးတင်းကျပ်ထားပါတယ်။

အီးယူအဆင့်မြင့် ကိုယ်စားလှယ်အဖွဲ့ နိုင်ငံရေးပါတီများနှင့်တွေ့ဆုံ


အံ့ဘုန်းမြတ် (၂၁ ဇွန် ၂၀၁၁) (ဒီဗွီဘီ)

မနေ့က မြန်မာနိုင်ငံကို ရောက်ရှိနေတဲ့ အီးယူဥရောပသမဂ္ဂ နိုင်ငံခြားရေး မူဝါဒရေးရာ အကြီးအကဲ ကက်သရင်း အက်ရ်ှတန် (Catherine Ashton) ရဲ့ အထူးအကြံပေးပုဂ္ဂိုလ် ရောဘတ် ကူးပါး (Robert Cooper) နဲ့ မြန်မာနိုင်ငံဆိုင်ရာ ဥရောပသမဂ္ဂရဲ့ အထူးကိုယ်စားလှယ် ပီယာရို ဖက်ဆီနို (Piero Fassino) တို့ဟာ ဒီကနေ့ ညနေပိုင်းမှာ ရွေးကောက်ပွဲဝင် ဒီမိုကရက်တစ်အင်အားစု နိုင်ငံရေးပါတီ ခေါင်းဆောင်အချို့နဲ့ အတူ ကရင်လူမှုရေးအဖွဲ့ အစည်းတခု ပုဂ္ဂိုလ်တွေနဲ့ တွေ့ဆုံခဲ့ပါတယ်။

ဒီကနေ့ ညနေ ၄ နာရီခွဲ ကနေ ၅ နာရီခွဲအထိ ရန်ကုန်မြို့၊ ကန်တော်ကြီးစောင်းရှိ ချက်ရီယမ် (Chatrium Hotel) ဟိုတယ်မှာ တွေ့ဆုံခဲ့ကြတာဖြစ်ပါတယ်။

ဒီလိုတွေ့ဆုံတဲ့နေရာမှာ အမျိုးသားဒီမိုကရေစီအင်အားစု NDF ပါတီက ခေါင်းဆောင်တွေဖြစ်တဲ့ ဒေါက်တာသန်းငြိမ်း၊ ဦးခင်မောင်ဆွေ၊ ဒီမိုကရက်တစ်ပါတီ (မြန်မာ) ဥက္ကဋ္ဌ ဦးသုဝေနဲ့ အထွေထွေအတွင်းရေးမှူး ဒေါ်သန်းသန်းနုတို့အပါအ၀င် ကရင်လူမှုရေးအဖွဲ့အစည်း တခုဖြစ်တဲ့ Karan Development Network က စောအယ်လ်အမ်စောဦးနဲ့ ဒေါက်တာမိုးမင်းထွန်းတို့ တက်ရောက်ခဲ့ကြပါတယ်။

တိုင်းရင်းသားပါတီတွေက ကိုယ်စားလှယ်တွေကို ဖိတ်ကြားထားပေမယ့်လည်း အကြောင်းကြောင်းတွေကြောင့် လာရောက်တာ မတွေ့ခဲ့ဘူးလို့ ပါဝင်တွေ့ဆုံခဲ့တဲ့ ဒေါ်သန်းသန်းနုက ပြောပါတယ်။

အီးယူ ကိုယ်စားလှယ်တွေနဲ့ နိုင်ငံရေးပါတီခေါင်းတွေ အပြန်အလှန် ဆွေးနွေးကြတဲ့ အကြောင်းအရာတွေကိုလည်း ဒေါ်သန်းသန်းနုက “အဓိကကတော့ ကျမတို့က အခု အစိုးရအဖွဲ့သစ် ဖွဲ့ပြီးတဲ့ နောက်ပိုင်းပေါ့နော် အခြေအနေပေါ့။ အခြေအနေဘယ်လို ရှိသလဲ၊ နောက် ကျမတို့ ပါတီတွေရဲ့ ရပ်တည်ချက်က ဘယ်လိုရှိသလဲ အဲဒါတွေ သူတို့ မေးတာပါ။ ပြီးတော့ နောက်တခုက သူတို့ကတော့ ကျမတို့ အခုဒီလို ရွေးကောက်ပွဲဝင်ဖို့ ဆုံးဖြတ်လိုက်တာတို့၊ အခု ဒီ ၁၁ ပါတီပေါ့နော် မိတ်ဆွေများပါတီအဖြစ်နဲ့ ဖွဲ့စည်းပြီးတော့ ရပ်တည်နိုင်တာ၊ အဲဒီအတွက်တွေကိုလည်း သူတို့ သိပ်ပြီးတော့ ကျေနပ်အားရ တယ်ဆိုတဲ့အကြောင်း ပြောပါတယ်။”

ဒါ့အပြင် အီးယူကိုယ်စားလှယ်တွေနဲ့ လတ်တလောဖြစ်ပေါ်နေတဲ့ တိုင်းရင်းသားဒေသတွေက ပဋိပက္ခတွေကိုလည်း ထည့်သွင်း ဆွေးနွေးဖြစ်ခဲ့ပြီး ဒါတွေနဲ့ပတ်သက်ပြီး ကိုယ်စားလှယ်တွေဘက်က ဒီအပေါ်ကို စိုးရိမ်မိတဲ့အကြောင်း၊ မဖြစ်သင့်တဲ့အကြောင်း မှတ်ချက်ပေး ပြောကြားခဲ့တယ်လို့လည်း ဒေါ်သန်းသန်းနုက ပြောပါတယ်။

ဒီကိုယ်စားလှယ်အဖွဲ့ဟာ မြန်မာအစိုးရသစ် တက်လာပြီးတဲ့ နောက်ပိုင်း အီးယူ ဥရောပသမဂ္ဂ အထူးကိုယ်စားလှယ်အဖွဲ့ အနေနဲ့ မြန်မာနိုင်ငံကို ပထမဆုံးအကြိမ် လာရောက်ခဲ့တာဖြစ်ပါတယ်။

ဒီခရီးစဉ် အတွင်းမှာတော့ သူတို့ဟာ  မြန်မာအစိုးရ တာဝန်ရှိပုဂ္ဂိုလ်တွေနဲ့လည်း ဒီလ ၂၁ ရက် နေ့က နေပြည်တော်မှာ တွေ့ဆုံခဲ့ပါတယ်။

ရွေးကောက်ပွဲကော်မရှင်ရဲ့ စီရင်ချက်အပေါ် ဒေါ်ချိုချိုကျော်ငြိမ်း ဝေဖန်


အံ့ဘုန်းမြတ် (၂၀ ဇွန် ၂၀၁၁) (ဒီဗွီဘီ)

ပြီး​ခဲ့​တဲ့​ နိုဝင်ဘာ ၇ ရက် ​ရွေး​ကောက်ပွဲရလဒ် အငြင်း​ပွား​ဖွယ်ရာ​တွေနဲ့ပတ်သက်ပြီး​ တိုင်ကြား​ထား​တဲ့​ ဒီမိုကရက်တစ်ပါတီ (မြန်မာ) က​နေ ပဲခူး​တိုင်း​ဒေသကြီး​၊​ ကြို့ပင်​ကောက်မြို့နယ် မဲဆန္ဒနယ်​မြေက​နေ ဝင်​ရောက်ယှဉ်ပြိုင်ခဲ့​တဲ့​ လွှတ်တော်ကိုယ်စား​လှယ်​လောင်း​ ​ဒေါ်ချိုချို​ကျော်ငြိမ်း​က ဒီက​နေ့မှာ ချမှတ်ခဲ့​တဲ့​ ပြည်​ထောင်စု ​ရွေး​ကောက်ပွဲ ကျင်း​ပ​ရေး​ကော်မရှင်ရဲ့ စီရင်ချက်အ​ပေါ် စိတ်ပျက်မိတယ်လို့ ​ပြောဆိုလိုက်ပါတယ်။

သက်​သေ​တွေ အခိုင်အလုံတင်ပြခဲ့​ပေမယ့်​ ပြည်​ထောင်စု ​ရွေး​ကောက်ပွဲကျင်း​ပ​ရေး​ ​ကော်မရှင်က အသိအမှတ်ပြု လက်မခံဘဲ ကြံ့​ခိုင်​ရေး​ပါတီရဲ့ ပြည်သူ့လွှတ်​တော်ကိုယ်စား​လှယ် ဦး​သန့်ဇင်ကို အနိုင်​ပေး​လိုက်တဲ့​အ​ပေါ် ​ဝေဖန်​ပြောကြား​လိုက်တာ ဖြစ်ပါတယ်။

“အန်တီတ​ ယောက်တည်း​ပဲ မတရား​ဘူး​ဆိုပြီး​ ကန့်ကွက်တာပါ။ ဒီရဲ့နောက်မှာ အန်တီတို့ အချိန်​တွေ အများ​ကြီး​ပေး​ရတယ်။ ပိုက်ဆံဆိုတာ ​ပြောဖွယ်ရာမရှိဘူး​။ လူ​တွေလည်း​ အရမ်း​ပန်း​ပါတယ်။ အန်တီတို့က​တော့​ မှန်မှန်ကန်ကန်လုပ်​ပေး​လိမ့်​မယ်လို့ ယုံကြည်ခဲ့တယ်။ ​မျှော်လင့်​ခဲ့တယ်။ ဒါ​ပေမယ့်​ ထွက်လာတဲ့​အ​ဖြေက ​တော်​တော်ကို ထူး​ဆန်း​ပါတယ်။ အထူး​သဖြင့်​ တရား​ဥပ​ဒေစိုး​မိုး​ရေးကို မြင်ချင်လို့၊​ တရား​ဥပ​ဒေနဲ့အညီ ​ရွေး​ကောက်ပွဲ ဝင်မယ်ဆိုကတည်း​က တရား​ဥပ​ဒေနဲ့အညီလုပ်ခဲ့တာက ဒီ​နေ့မှာ​တော့​ ရလိုက်တာက အဲ့ဒါရဲ့ အ​ဖြေပါပဲ။ ဥပ​ဒေနဲ့မညီတဲ့​ အ​ကြောင်း​တွေကို တဖက်သတ် လက်ခံခဲ့​တဲ့​အတွက် အန်တီက​တော့​ အံ့​လည်း​အံ့​ဩတယ်။ စိတ်လည်း​မ​ကောင်း​ဘူး​။”

ပြည်​ထောင်စု ​ရွေး​ကောက်ပွဲ ​ကော်မရှင်မှာ အမှုအတွက် အာမခံ​ငွေအဖြစ် ကျပ်​ငွေ ၁၀ သိန်း​ တင်ပြ တိုင်ကြား​ခဲ့​တာဖြစ်ပြီး​ အဲ့​ဒီထဲက နစ်နာ​ကြေး​အဖြစ် ကျပ်ငါး​သိန်း​ကို ကြံ့​ခိုင်​ရေး​ပါတီက ကိုယ်စား​လှယ်ကို ​ပေး​အပ်ရဦး​မှာ ဖြစ်ပါတယ်။

ဒါ့​အပြင် တရား​ရုံး​မှာ ထပ်မံပြီး​ ​လျှောက်လွှဲချက် ထက်တင်ဦး​မယ်ဆိုရင်လည်း​ အာမခံ​ငွေ ကျပ် ၁၀ သိန်း​ ထပ်မံတင်ပြရမှာ ဖြစ်တယ်လို့ ​ဒေါ်ချိုချို​ကျော်ငြိမ်း​က ​ပြောပါတယ်။

“စီရင်ချက်​တွေကို ကျမကို ကူး​ခွင့်​ပေး​ပါလို့ ​တောင်း​တော့​ ကူး​ခွင့်​မ​ပေး​နိုင်ဘူး​လို့ပြောတယ်။ တလအတွင်း​ ကူး​ခွင့်​မ​ပေး​ဘူး​။ တကယ်လို့ ကူး​ချင်တယ်ဆိုရင် ​ငွေ ၁၀ သိန်း​တင်ပါတဲ့​။ တခါအမှုဆက်တက်မယ်ဆိုရင် ဒုတိယအဆင့်​တင်မယ်ဆိုရင်​တော့​ ​လော​လောဆယ် ၅ သိန်း​မသွင်း​ရ​သေး​ဘူး​။ တကယ်လို့ အဲလိုဆက်တက်မယ်ဆိုရင် ​နောက်ထပ် ၁၀ သိန်း​ တင်ရဦး​မယ်။”

ဒီမိုကရက်တစ်ပါတီ (မြန်မာ) ရဲ့ အ​ထွေ​ထွေအတွင်း​ရေး​မှူး​ ကိုယ်စား​လှယ်​လောင်း​ ​ဒေါ်ချိုချို​ကျော်ငြိမ်း​ဟာ ပြီး​ခဲ့​တဲ့​ ​ရွေးကောက်ပွဲကာလတုန်းက ပဲခူး​တိုင်း​ဒေသကြီး​၊​ ပြည်သူ့လွှတ်တော်၊​ ကြို့ပင်​ကောက်မြို့နယ်မဲဆန္ဒနယ်​မြေမှာ ကြံ့​ခိုင်​ရေးပါတီက အနိုင်ရ ကိုယ်စား​လှယ် ဦး​သန့်ဇင်၊​ တိုင်း​ရင်း​သား​စည်း​လုံး​ညီညွတ်​ရေး​ပါတီက ကိုယ်စား​လှယ်​လောင်း​ ဦး​မြင့်​စိုး​တို့နဲ့အတူ ဝင်​ရောက်ယှဉ်ပြိုင်ခဲ့​တာ ဖြစ်ပါတယ်။

လက်ရှိအ​ခြေအ​ နေမှာ​တော့​ ​ရွေး​ကောက်ပွဲ ရလဒ်​တွေနဲ့​ပတ်သက်ပြီး​ ​ကော်မရှင်ကို တိုင်ကြား​ထား​တဲ့​ အမှု​ပေါင်း​ ၂၉ မှု ရှိပြီး​ ဒီမိုကရက်တစ် အင်အား​စု​တွေက တိုင်ကြား​ထား​တဲ့​ အမှု နှစ်မှုသာပါဝင်​နေတာပါ။ အဲဒီထဲက တမှုဖြစ်တဲ့​ ​ဒေါ်ချိုချို​ကျော်ငြိမ်း​အမှုကို ​ရွေး​ကောက်ပွဲ​ကော်မရှင်က အခုလို ဆုံး​ဖြတ်ချက် ချမှတ်ခဲ့​တာဖြစ်ပါတယ်။

ဒီအမှု​တွေထဲက ​ကော်မရှင်က ခုချိန်ထိ ၁၁ မှုကို ဆုံး​ဖြတ်ချက်ချထား​ပေး​ပြီး​ ဖြစ်ပြီး​ အဲ့​ဒီထဲက ၁ဝ မှုဟာ ကြံ့​ခိုင်​ရေး​ပါတီက တိုင်ကြား​ခဲ့​တဲ့​ အမှု​တွေချည်း​ဖြစ်ပြီး​ ဒီမိုကရက်ပါတီ ကိုယ်စား​လှယ်​တွေပဲ အနိုင်ရရှိထား​ပါတယ်။

တိုက်ပွဲတွေရပ်ပြီး ဆွေးနွေးရေးလုပ်ဖို့ ဒီမိုကရေစီ မိတ်ဆွေပါတီတွေ ပြောကြား


အံ့ဘုန်းမြတ် (၂၀ ဇွန် ၂၀၁၁) (ဒီဗွီဘီ)

တိုင်း​ရင်း​သား​ဒေသ​တွေမှာ မြန်မာ့​တပ်မ​တော်နဲ့ တိုင်း​ရင်း​သား ​လက်နက်ကိုင်အင်အား​စု​တွေကြား​ တိုက်ပွဲ​တွေ အမြန်ဆုံးရပ်ပြီး​ ငြိမ်း​ချမ်း​ရေး​အတွက် ​တွေ့ဆုံ​ဆွေး​နွေး​ရေး​လုပ်ဖို့ ဒီမိုကရက်တစ် အင်အား​စု နိုင်ငံ​ရေး​ပါတီ (၁၁) ပါတီ ပူးပေါင်း​ဖွဲ့စည်း​ထား​တဲ့​ ဒီမိုက​ရေစီမိတ်​ဆွေပါတီ​တွေက​နေ ​မေတ္တာရပ်ခံ ​ပြောကြား​လိုက်ကြပါတယ်။

ဒီက​နေ့မှာ ထုတ်ပြန်တဲ့​ ဒီမိုက​ရေစီမိတ်​တွေပါတီ (၁၁) ပါတီရဲ့ ​ကြေညာချက်မှာ အခုလို ​ရေး​သား​ဖော်ပြ ​ပြောကြား​လာတာ ဖြစ်ပါတယ်။

ဒါနဲ့ပတ်သက်ပြီး​ မိတ်​ဆွေပါတီ (၁၁) ပါတီရဲ့ ​ပြော​ရေး​ဆိုခွင့်​ရှိသူ ဒီမိုကရက်တစ်ပါတီ (မြန်မာ) ရဲ့ ဥက္ကဋ္ဌ ဦး​သု​ဝေက အခုလို​ပြောပါတယ်။

“တိုင်း​ရင်း​သား​နယ်စပ်​တွေမှာ တိုက်ပွဲ​တွေ အရှိန်နဲ့ ဖြစ်လာတာကို အင်မတန်မှဝမ်း​နည်း​တယ်။ မဖြစ်​စေချင်ပါဘူး​ဆိုတဲ့​ အကြောင်း​ကိုပဲ ​ပြောခဲ့​တာ။ အဲဒါ​ကြောင့်​မို့လို့ ကျ​နော်တို့ အား​လုံး​ညှိနှိုင်း​ပြီး​တော့​ ငြိမ်း​ချမ်း​ရေး​ရ​အောင် လုပ်ကြပါဆိုတာကို တိုက်တွန်း​တာပါ။ သမ္မတကြီး​ပြောတဲ့​ မိန့်ခွန်း​ထဲမှာလည်း​ ပါတယ်။ အား​လုံး​ငြိမ်း​ငြိမ်း​ချမ်း​ချမ်း​နဲ့ ဖြစ်​စေချင်တယ်ဆိုတာ။ အဲတော့​ အစိုး​ရအသစ်အ​နေနဲ့ ဒီလိုငြိမ်း​ချမ်း​တဲ့​နည်း​ကို ​ပေး​ပြီး​တော့​မှ ဒါဟာတိုင်တိုင်ပင်ပင်နဲ့ လုပ်​စေချင်တာ​ပေါ့​။ အနှစ်ချုပ်​တော့​ အခုဟာက ကျ​နော်တို့ တိုက်တွန်း​တယ်ဆိုတာ အဘက်ဘက်က ဝိုင်း​ပြီး​တိုက်တွန်း​ပြီး​ပြောရမှာ​ပေါ့​။ အား​လုံး​ကောင်း​စေချင်တာကိုး​။”

ဒီလိုတိုက်တွန်း​ပြောကြား​တာ​တွေကို အစိုး​ရအ​နေနဲ့ အ​လေး​အနက်ထား​ဖို့ လိုတယ်လို့လည်း​ ဦး​သု​ဝေက ဆိုပါတယ်။

“ဒီလိုတိုက်ပွဲတွေ ဖြစ်​နေတာ​ကြောင့်​ တိုင်း​သူပြည်သား​လူထု​တွေ အများ​ကြီး​နစ်နာရတယ်။ အိုး​အိမ်​တွေဆုံး​ရှုံး​ရတယ်။ အဲဒါတွေ​ကြောင့်​ ဒါ​တွေက ပိုကျယ်ပြန့်သွား​မယ်ဆိုရင် မ​ကောင်း​ဘူး​ပေါ့​။ ဒါ​ကြောင့်​မို့လို့ အခုကတည်း​က​နေ ငြိမ်း​ချမ်း​ရေး​ရအောင် ကြိုးစား​ကြပါလို့ ​ပြောရတာ​ပါ။ ဒီလိုတိုက်တွန်း​တာ​တွေ များ​လာ​တော့​ အစိုး​ရက အ​ရေး​တယူ​တော့​ လုပ်လာရမှာ​ပေါ့​။ နက်နဲ​လာရမှာ​ပေါ့​။”

ပြီး​ခဲ့​တဲ့​ နိုဝင်ဘာ (၇) ရက် ​ရွေး​ကောက်ပွဲ​နေ့က​နေ စတင်ပြီး​ ကရင်ပြည်နယ်၊​ ရှမ်း​ပြည်နယ်နဲ့ ​နောက်ဆုံး​ ကချင်ပြည်နယ်တွေမှာ မြန်မာ့​တပ်မ​တော်နဲ့ တိုင်း​ရင်း​သား​လက်နက်ကိုင် အဖွဲ့အစည်း​တွေကြား​ တိုက်ပွဲ​တွေ ဆက်တိုက်လိုလို ဖြစ်ပွား​လာတာနဲ့ ပတ်သက်ပြီး​ အတိုက်အခံနိုင်ငံ​ရေး​ အင်အား​စုအချို့​က​တော့​ အစိုး​ရသစ်ဟာ ငြိမ်း​ချမ်းရေး​ကို လိုလား​ဖွယ်မရှိတာကို ပေါ်လွင်စေစတယ်လို့ ​ ပြစ်တင်​ဝေဖန်မှု​တွေလည်း​ ရှိ​နေပါတယ်။

ဒီလ (၉) ရက်​နေ့က စတင်ပြီး​ ကချင်ပြည်နယ်တွင်း​ ဖြစ်ပွား​နေတဲ့​ တိုက်ပွဲ​တွေကိုရပ်ဖို့ ကချင်လွတ်​မြောက်​ရေး​ တပ်မ​တော် (ကေအိုင်အေ) က ဆန္ဒရှိ​နေ​ပေမယ့်​ ပြည်​ထောင်စုအစိုး​ရနဲ့ အမျိုး​သား​ကာကွယ်​ရေး​နှင့်​ လုံခြုံရေး​ကောင်စီတို့က တာဝန်ယူ ကမ်း​လှမ်း​လာတမျိုး​တော့​ မရှိ​သေး​ပါဘူး​။ လက်ရှိအ​ခြေအ​နေမှာ​တော့​ အဲ့​ဒီ​ဒေသ​တွေမှာ စစ်​ပြေး​ဒုက္ခသည် နှစ်​သောင်း​လောက်ရှိ​နေပြီ ဖြစ်ပါတယ်။

ဒီလို တိုင်း​ရင်း​သား​ဒေသ​တွေက တိုက်ပွဲ​တွေနဲ့ ပတ်သက်ပြီး​ အစိုး​ရပိုင်မီဒီယာ​တွေမှာ ဝါဒဖြန့်ချိ​ရေး​သား​မှု အချို့သာရှိပေမယ့်​ သတင်း​ဂျာနယ်​တွေမှာ​တော့​ ဒီကိစ္စ​တွေနဲ့ပတ်သက်ပြီး​ စာ​ပေစိစစ်​ရေး​က တင်းတင်းကြပ်ကြပ်ထိန်း​ချုပ် ပိတ်ပင်ထား​ပါတယ်။

Categories

%d bloggers like this: