ဆောင်းပါး

This category contains 85 posts

ဒီမိုကရေစီနိုင်ငံတော်


ဇော်ဇော်အောင် (ပိတောက်ပွင့်သစ် စာပေအနုပညာမဂ္ဂဇင်း အမှတ် ၄၅ မတ်လ ၂၀၁၂)

ဒီဝေါဟာရတွေဟာ ပေါ့ပေါ့တန်တန် ပြောလို့မရတဲ့ ဝေါဟာရမျိုးတွေဖြစ်တယ်။ နိုင်ငံတော်ဆိုတာ စကြည့်ကြပါစို့။

နိုင်ငံတော်ဆိုတာ

ပထ၀ီဝင်အနေအထားအရ တိတိကျကျသတ်မှတ်ထားတဲ့ နယ်နိမိတ်အတွင်းက နေရာဒေသတစ်ခု၊ အရပ်ဒေသ တစ်ခုကို ခေါ်တယ်။ အဲ့ဒီနေရာဒေသ၊ အရပ်ဒေသရဲ့ နယ်နိမိတ်အတွင်းမှာ နှစ်ရှည်လများ အတူတကွနေထိုင်လာကြတဲ့ လူတွေရှိတယ်။ အဲ့ဒီလူတွေဟာ ဓလေ့ထုံးစံယဉ်ကျေးမှု၊ ဘာသာစကား၊ ကိုးကွယ်မှု စတာတွေ တူကြတာလည်းရှိတယ်။ မတူကြတာလည်းရှိတယ်။ နိုင်ငံလို့ ယေဘုယျခေါ်တယ်။ နိုင်ငံတော်လို့ ၀ိသေသပြုလည်း ခေါ်တယ်။

နိုင်ငံတော်လို့ ခေါ်လိုက်တဲ့အခါ အဲ့ဒီနိုင်ငံရဲ့ နိုင်ငံရေးအရ ဖွဲ့စည်းထားတဲ့ အစိုးရဆိုတာ ပါဝင်လာပြီ။ အဲ့ဒီအစိုးရအဖြစ် ပါဝင်ဖွဲ့စည်းထားတဲ့ လူတစ်စုရဲ့ လုပ်ပိုင်ခွင့်တွေ၊ အာဏာတွေ၊ အစွမ်းသတ္တိတွေကို စုပေါင်းပြီး နိုင်ငံတော်လို့ ခေါ်လိုက်တာလည်း ရှိတယ်။

အဲ့ဒီလို အစိုးရအဖြစ် ပါဝင်စုစည်း တာဝန်ယူထားတဲ့လူတွေကိုပဲ နိုင်ငံတော်လို့ ခေါ်တတ်ကြသေးတယ်။ လူတွေရဲ့ အစုအဝေး အသင်းအဖွဲ့ဆိုတဲ့သဘောပဲ။ Body Politic လို့ ခေါ်တယ်။ အဲ့ဒါက လူတွေကို ခေါ်တာ။ အဲ့ဒီလို အစိုးရအဖွဲ့မှာပါတဲ့ လူတွေရဲ့ အာဏာတွေ၊ အစွမ်းသတ္တိ လုပ်ပိုင်ခွင့်ကိုလည်း နိုင်ငံတော်လို့ ခေါ်တယ်။ အဲ့ဒီတော့ စကားစဉ်ကို ပြန်ချုပ်ရင် နိုင်ငံတော်ဆိုရာမှာ….

၁။         ပထ၀ီဝင်နယ်န၀မိတ်ရဲ့ ကန့်သတ်ထားတဲ့နေရာ

၂။         အဲ့ဒီနေရာမှာနေတဲ့ လူတွေရဲ့အစိုးရ

၃။         အဲ့ဒီအစိုးရအဖြစ် ပါဝင်ဖွဲ့စည်းထားတဲ့ တာဝန်ရှိသူတွေ

၎။         အဲ့ဒီလူတွေရဲ့ သြဇာ၊ အာဏာ၊ လုပ်ပိုင်ခွင့်၊ အစွမ်းသတ္တိ၊ အရှိန်အ၀ါတွေ

၅။    အထက်ပါအချက်တွေအားလုံးကို ပေါင်းရုံထားတဲ့ ဂုဏ်သရေတွေ၊ သိက္ခာတွေ၊ အရည်အချင်း တန်ဖိုးတွေကို ကိုယ်စားပြုထားတဲ့ နာမည်တခုလို့ အတိုချုပ်မှတ်နိုင်တယ်။

ဒီမိုကရေစီဆိုတာဟာလည်း ကျယ်ဝန်ပါတယ်။ ခက်ခဲရှုပ်ထွေးပါတယ်။ အဓိပ္ပါယ်တွေ ထွေပြားတယ်။ အရပ်စကားနဲ့ အရပ်သားနားလည်ဖို့ ကြိုးစားပါ့မယ်။ ဒီအချက်ကို သတိပြုမိစေချင်ပါတယ်။

ဒီမိုကရေစီဆိုတာ

အုပ်ချုပ်ရေးစနစ်တခုဖြစ်တယ်။ နိုင်ငံတစ်နိုင်ငံမှာ လူတွေရှိတယ်။ နိုင်ငံသားလို့လည်းခေါ်တယ်။ ပြည်သူလူထု လို့လည်း ခေါ်တယ်။ အဲ့ဒီလူတွေရဲ့ ကိစ္စကို လုပ်ကိုင်ပေးဖို့ အစိုးရဆိုတာရှိတယ်။ အဲ့ဒီအစိုးရမှာ အုပ်ချုပ်ရေးစနစ်ဆိုတာ ရှိရတယ်။ ဒါမှ အဲ့ဒီနိုင်ငံကို အုပ်ချုပ်နိုင်မှာပေါ့။ အဲ့ဒီအတွက်လည်း အုပ်ချုပ်ရေးအာဏာဆိုတာ လိုတယ်။ အဲ့ဒီအာဏာကို ပြည်သူ့ (သို့မဟုတ်) လူထုက ကိုင်ထားတဲ့ စနစ်။ တစ်နည်းပြောရင် အုပ်ချုပ်ရေးအာဏာကို လူထုလက်ထဲမှာ ထားတဲ့စနစ်ကို ဒီမိုကရေစီစနစ်လို့ ခေါ်တယ်။

စကားတစ်ခွန်းရှိတယ်။ “အအုပ်ချုပ်ခံများက အုပ်ချုပ်သည့်စနစ်“  ဆိုတဲ့စကား။ Rule By The Ruled နိုင်ငံတစ်နိုင်ငံမှာ လူထုဆိုတာရှိတယ်။ အုပ်ချုပ်တဲ့အစိုးရဆိုတာရှိတယ်။ အစိုးရက နိုင်ငံမှာရှိတဲ့ လူထုကို အုပ်ချုပ်တယ်လို့ နားလည်ထားကြတယ်။ တကယ့်ဓမ္မစစ်က အုပ်ချုပ်နေတဲ့ သူတွေဟာ အုပ်ချုပ်ခြင်းကို ခံနေရတဲ့ အအုပ်ချုပ်ခံလူတွေဖြစ်တယ်။ လူထုက အစိုးရကို ရွေးချယ်တင်မြှောက်ထားတာကိုး။ အစိုးရဆိုတာ လူထုကိုယ်စားလှယ်တွေပဲ။ ဒါကြောင့် တကယ်အုပ်ချုပ်နေတာက အအုပ်ချုပ်ံ လူထုဖြစ်တယ်။ အဲ့ဒီ လက္ခဏာတွေရှိတဲ့ အုပ်ချုပ်ရေးစနစ်ဟာ ဒီမိုကရေစီပဲ။ ဒီမိုကရေစီအုပ်ချုပ်ရေး စနစ်ပဲဖြစ်တယ်။

ရွေးချယ်တင်မြှောက်တဲ့ စနစ်ကလည်း အလွန်အရေးကြီးတယ်။ ရွေးကောက်ပွဲစနစ်ပဲပေါ့။ လူထုအရေးကိစ္စတွေ ဆောင်ရွက်ပေးမယ့် အစိုးရကို လူထုက ရွေးချယ်တင်မြှောက်ရတယ်။ လူထုကလွဲလို့ တခြားဘယ်သူမှ ရွေးချယ်တင်မြှောက် ပေးခွင့်မရှိဘူး။ သမ္မတလို အဆင့်အမြင့်ဆုံးပုဂ္ဂိုလ်လည်း အစိုးရအဖွဲ့မှာပါမယ့် လူထုကိုယ်စားလှယ်တွေကို သူ့သဘောနဲ့သူ ရွေျးယ်ခွင့်မရှိဘူး။ တခြားအာဏာပိုင်အကြီးအကဲတွေလည်း ဘယ်သူမှ ရွေးချယ်ခွင့်မရှိဘူး။ အစိုးရအဖွဲ့ထဲမှာပါမယ့် လူထုကိုယ်စားလှယ်တွေကို လူထုကပဲ ရွေးကောက်ပွဲ နည်းလမ်းတကျ ရွေးချယ်တင်မြှောက်ရတယ်။ တစ်နည်း ရှင်းအောင်ပြောရရင် လူထုကိုယ်စားလှယ်တွေကို အပေါ်က ရွေးပြီးခန့်လို့မရဘူး။ အောက်ခြေလူထုက ရွေးပြီးတင်မြှောက် ရတာဖြစ်တယ်။ ဒီအချက်ဟာလည်း အလွန်အရေးကြီးတဲ့ ဒီမိုကရေစီသဘောတရားတစ်ရပ်၊ ဒီမိုကရေစီ လက္ခဏာတစ်ခုဖြစ်တယ်။

အစိုးရအဖွဲ့မှာပါမယ့် လူထုကိုယ်စားလှယ်တွေကို လူထုဆန္ဒသဘောကျ ရွေးချယ်တင်မြှောက်လိုက်ပြီ ဆိုပါစို့။ အစိုးရအဖွဲ့ရယ်လို့ ဖြစ်လာပြီ။ ဒါပေမဲ့ အဲ့ဒီအစိုးရဟာ လူထုအကျိုးစီးပွားကို မဆောင်ရွက်ဘူး။ ဆောင်ရွက်ဖို့ ပျက်ကွက်တယ်။ ဒါ့အပြင် လူထုကို မတရားဖိနှိပ်အုပ်စိုးလာတယ်ဆိုရင် အဲ့ဒီအစိုးရကို လူထုက အကြမ်းမဖက်ဘဲ အချိန်မရွေး ဖြုတ်ချနိုင်တယ်။ ဖယ်ရှားပစ်နိုင်တယ်။ သဘောကတော့ လူထုက ရွေျးယ်တင်မြှောက်တယ်။ နေရာမကျရင် အချိန်မရွေး ဖြုတ်ချနိုင်တဲ့ အခွင့်အရေးရှိတယ်။ ဒီအချက်ဟာလည်း အလွန်အရေးကြီးတဲ့ လက္ခဏာရပ်ဖြစ်တယ်။ စာတွေပေတွေ အတော်များများမှာ ဒီလက္ခဏာရပ်ဟာဖြင့် ဒီမိုကရေစီသဘောတရားများရဲ့ အဓိက၊ အချက်အချာ၊ အထွတ်အထိပ်လို့ ရေးသားဖော်ပြကြတယ်။ သူ့ထက် အရေးကြီးတာ မရှိတော့ဘူး။ သူဟာ အခေါင်အချုပ်လို့ ဆိုကြပါတယ်။ ဒါဟာ လူထုရဲ့ အခန်းကဏ္ဍဟာ ဘယ်လောက်ကြီးမာတယ်ဆိုတာ တစ်နည်းအားဖြင့် ဖော်ပြလိုက်တာပဲဖြစ်တယ်။ လူထုက သဘောမတူရင်၊ သဘောမကျရင် ဘယ်လောက်ပဲ သြဇာအာဏာကြီးတဲ့ အစိုးရဖြစ်စေ ဆင်းပေးရတယ်။ အဖယ်ရှားံရတယ်ဆိုတာ မှတ်ယူထားကြဖို့ပဲ ဖြစ်ပါတယ်။

ထပ်ပြောပါဦးမယ်။ အစိုးရအဖွဲ့တစ်ရပ်ဟာ ပြည်သူလူထုရဲ့ အကျိုးစီးပွားကို မဆောင်ရွက်ဘူးဆိုရင်၊ သို့မဟုတ် ပြည်သူလူထုကို မတရားဖိနှိပ်ချုပ်ချယ်လာမယ်ဆိုရင် အဲ့ဒီအစိုးရကို ပြည်သူလူထုက ဖြုတ်ချနိုင်တယ်။ ဘယ်လောက် သြဇာ အာဏာကြီးမားတဲ့ အစိုးရဖြစ်စေ လူထုက သဘောမကျရင် ဆင်းပေးရတယ်။ ဒါ သိပ်အရေးကြီးတဲ့ အချက်ပါပဲ။

ရွေးကောက်ပွဲအကြောင်း ပြောကြဦးစို့။ ဒီမိုကရေစီစနစ်မှာ အစိုးရကို ရွေးချယ်တင်မြောက် ရတယ်။ ရွေးကောက်ပွဲကျင်းပပြီး ရွေးချယ်တင်မြှောက်ရတယ်ဆိုတဲ့ အဓိပ္ပါယ်ပဲ။ ရွေးကောက်ပွဲကို ဘယ်နှစ်နှစ်တစ်ကြိမ်လို့ ကာလသတ်မှတ်ပြီး မှန်မှန်ကျင်းပရတယ်။ ရွေးကောက်ပွဲဟာ အသတ်တမျှ အရေးကြီးတယ်လို့ ဆိုကြပါတယ်။ ဘာကြောင့်လဲ။ ရွေးကောက်ပွဲနဲ့ ရွေးချယ်တင်မြှောက်ခြင်းမှတပါး တခြားဘယ်နည်းလမ်းနဲ့မှ အစိုးရဖြစ်တည်ခွင့် မရှိလို့ပါပဲ။

ရွေးကောက်ပွဲနဲ့ပတ်သက်လို့ အမြဲတမ်းပြောတဲ့ စကားတစ်ခွန်းရှိတယ်။ လွတ်လပ်ပြီး တရားမျှတသော ရွေးကောက်ပွဲဆိုတဲ့ စကားပဲ။ ဒါက ရှင်းပါတယ်။ မလွတ်လပ်ရင် တရားမျှတမှုမရှိရင် အဲ့ဒါ

၁။    ဒီမိုကရေစီမဟုတ်ဘူး။

၂။    ရွေးကောက်ပဲ (၀ါ) ရွေးချယ်တင်မြှောက်ခြင်းလည်း မဟုတ်ဘူး။ ရိုးရိုးရှင်းရှင်းကလေးပါပဲ။ အထူးပြောနေလို့ မရပါဘူး။

ဇော်ဇော်အောင်

အစိုးရနိုင်ငံတော်နှင့် ဒီမိုကရေစီအကြောင်း


ထွန်းဇော်ဌေး (ပိတောက်ပွင့်သစ် စာပေအနုပညာမဂ္ဂဇင်း အမှတ် ၄၅ မတ်လ ၂၀၁၂)

(ငါဟာနိုင်ငံတော်ဖြစ်တယ်။ (I am the State ) လို့ ဟစ်ကြွေးခဲ့တဲ့ သက်ဦးဆံပိုင်တွေကြောင့် ပြည်သူတွေဟာ နိုင်ငံတော်နဲ့ အစိုးကို အတူတူလို့ မြင်လာကြတယ်။ စစ်အာဏာရှင်ပဲဖြစ်ဖြစ် ပစ္စည်းမဲအာဏာရှင်ပဲဆိုဆို တစ်ပါတီအာဏာရှင် လို့ပဲပြောပြော၊ အာဏာရှင်စနစ်အောက်မှာ နှစ်ရှည်ကြာကြာ အိပ်မက်ဆိုးမက်ခဲ့ကြတဲ့ ပြည်သူတွေဟာလည်း နိုင်ငံတော်နဲ့ အစိုးရကို ကွဲကွဲပြားပြားမမြင်ခဲ့ကြဘူး။ ခွဲခွဲခြားခြား မသိနိုင်ခဲ့ကြဘူး။ ဒါ့အပြင် နိုင်ငံတော်တစ်ခုကို ကာလရှည်ကြာကြာ အုပ်စိုးခဲ့တဲ့သူတွေကိုယ်တိုင်ကလည်း သူတို့ကိုယ်သူတို့ (နိုင်ငံတော်နဲ့ တစ်သားတည်းပဲ) လို့ မြင်နေကြတယ်။ အဲ့ဒီအတွက် ကျွန်တော် ဒီစာကို ရေးပါတယ်။

နိုင်ငံတော်ကို State လို့ အင်္ဂလိပ်လို ပြန်ဆိုကြပါတယ်။ တိုင်းပြည်နဲ့ နိုင်ငံကို Country လို့ ပြန်ပြီး အစိုးရကိုတော့ Government လို့ ပြန်ကြပါတယ်။ ဝေါဟာရတွေ စကားရပ်တွေ မတူသလို စရိုက်လက္ခဏာရပ်တွေလည်း မတူကြပါဘူး။ ပထမဆုံးတော့ နိုင်ငံတော်ကိုခေါ်တဲ့ State or state power အကြောင်း ပြောကြရအောင်။

၁၉၄၇ အခြေခံဥပဒေ အခန်း (၂) မူလအခွင့်အရေးများဆိုတဲ့ကဏ္ဍမှာ (နိုင်ငံတော်) ဆိုတဲ့ စကားရပ်နဲ့ ပတ်သက်ပြီး အဓိပ္ပာယ် ရှင်းလင်းချက်ပေးထားတာက (၉။ ဤအခန်းနှင့် အခန်း (၃)၊ အခန်း (၄)တို့တွင် နိုင်ငံတော်ဟူသော စကားရပ်၏ ဆိုလိုရင်းအဓိပ္ပာယ်မှာ ရှေ့နောက်စကားတို့၏ အဓိပ္ပာယ်ကိုထောက်၍ ပြည်ထောင်စုနိုင်ငံ၏ သို့တည်းမဟုတ် သက်ဆိုင်ရာ ပြည်ထောင်စုအဖွဲ့ဝင်၏ အုပ်ချုပ်မှု အခွင့်အာဏာကိုသော်လည်းကောင်း၊ ဥပဒေပြုမှု အခွင့်အာဏာကိုသော်လည်းကောင်း ဆိုလိုသည်။) (စာ ၂) လို့ ဖော်ပြထားတယ်။ သူကတော့ ဝေါဟာရရှင်းလင်းချက်မဟုတ်ဘဲ အခြေခံဥပဒေ လိုအပ်ချက်အရ ရှေ့နောက်ချိန်ဆ ဖော်ပြထားတာပါ။

နိုင်ငံတော်လို့ဆိုလိုက်တာနဲ့ ပိုင်နက်နယ်မြေ ပထ၀ီသဘောတရား နယ်နိမိတ်တို့ ရှိရပါ့မယ်။ တိုင်းသူပြည်သား ရှိရပါမယ်။ စနစ်တကျဖွဲ့စည်းထားတဲ့ အဖွဲ့အစည်းရှိရပါမယ်။ ဒီအချက်တွေနဲ့ ပြည့်စုံတဲ့ စနစ်တကျဖွဲ့စည်းထားတဲ့ ယူနစ်တစ်ခုဟာ နိုင်ငံတော်ပဲဖြစ်တယ်လို့ ပြောရင် ရနိုင်ကောင်းပါတယ်။ အဓိပ္ပာယ် ဖွင့်ဆိုပေးရာမှာ ဘောင်ကျဉ်းမှာစိုးတဲ့အတွက် ပညာရှင်အများစုက စရိုက်လက္ခဏာရပ်တွေနဲ့ ဖွင့်ဆိုပြလေ့ရှိပါ တယ်။ စောစောက ပြောခဲ့တဲ့ နိုင်ငံတော် State or state power ထဲမှာ ယေဘူယျလက္ခဏာရပ်တွေ ရှိပါတယ်။

အဲ့ဒီယေဘူယျလက္ခဏာရပ်တွေထဲမှာ ပိုင်နက်နယ်မြေရှိခြင်း အခြေတကျ နေထိုင်တဲ့ ပြည်သူပြည်သားတွေ ရှိခြင်း၊ အချုပ်အချာအာဏာပိုင်စိုးမှု ပြည်သူ့ကိုယ်စား နိုင်ငံတော်အရေးကိစ္စတွေဆောင်ရွက်ဖို့ ဖွဲ့စည်းထားတဲ့ အဖွဲ့အစည်းရှိခြင်းဟာ နိုင်ငံတော်ရဲ့ ယေဘူယျလက္ခဏာရပ်တွေဖြစ်တယ်။ နိုင်ငံတော်ရဲ့ အရေးကိစ္စတွေကို ပြည်သူ့ကိုယ်စား ဆောင်ရွက်ဖို့ ဖွဲ့စည်းထားတဲ့ အဖွဲ့အစည်းဟာ အစိုးရတစ်ရပ်ပါပဲ။ နိုင်ငံအရေးကို စီမံခန့်ခွဲဖို့ အဖွဲ့အစည်းတခုပေါ့။ အစိုးရ Government ဆိုတာ နိုင်ငံတော်အကျိုးတစ်စုံတစ်ရာရှိစေလိုတဲ့ ပေါ်လစီတွေကို ကိုယ်စားပြု ဆောင်ရွက်ပေးဖို့ ဖွဲ့စည်းထားတဲ့ ယန္တယားတစ်ခုပါပဲ။ ဒါကြောင့် အစိုးရရဲ့လုပ်ပိုင်ခွင့်ဟာ နိုင်ငံတော်ကနေ ဆင်းသက်လာတာပါ။ နိုင်ငံတော်ကနေ လုပ်ကိုင်ခွင့် အပ်နှင်းခြင်းခံရတဲ့ ယူနစ်တစ်ခုကို အစိုးရလို့ခေါ်တာပါ။ (ဘုန်းသက်ပိုင်ရေးတဲ့ လူငယ်နဲ့ နိုင်ငံရေး၊ အစိုးရနဲ့ ဒီမိုကရေစီ စာ ၂၇)

Continue reading

ပုဂံရှေးဟောင်းသုတေသန ပြတိုက်


သူရ (ရှေးသု)

မြန်မာနိုင်ငံတွင် ကမ္ပည်းကျောက်စာဌာန ဖွင့်လှစ်ပြီးနောက် ပုဂံဒေသရှိ ရှေးဟောင်းအဆောက်အအုံများကို ထိန်းသိမ်းစောင့်ရှောက်ခဲ့သည်။ ၁၉၀၂ ခုနှစ်တွင် ကျောက်စာဝန် မစ္စတာတော်စိန်ခိုက ပုဂံဒေသပတ်ဝန်းကျင်ရှိ ရှေးဟောင်းစေတီ၊ ဂူ၊ ကျောင်းများမှ ရရှိသည့် ရှေးဟောင်းယဉ်ကျေးမှုအမွေအနှစ် ၀တ္ထုပစ္စည်းများနှင့် ကျောက်စာများကိုပြသရန် အာနန္ဒာဘုရား မြောက်ဘက်တွင် ပြတိုက်တည်ဆောက်ပြီး ၁၉၀၄ ခုနှစ်တွင် ပြတိုက်ဖွင့်လှစ်ခဲ့သည်။

နှစ်ကာလကြာမြင့်လာသည်နှင့်အမျှ ပြတိုက်၌ ရှေးဟောင်းပစ္စည်းများ တဖြည်းဖြည်း ထပ်မံစုဆောင်းရရှိလာရာ လက်ရှိပြတိုက်တွင် ရှေးဟောင်းကမ္ပည်းကျောက်စာများနှင့် ရှေးဟောင်းပစ္စည်းများကို ပြသရန်နေရာ မလုံလောက်တော့ပေ။ ထို့ကြောင့် ပုဂံမြို့ဟောင်းအတွင်း ကန်တော့ပလ္လင်ဘုရား၏ တောင်ဘက်  (၈.၁၆) ဧက (၃.၃-ဟက်တာ) ကျယ်ဝန်းသော မြေနေရာတွင် ရှစ်မြှောင့်သဏ္ဌာန် ပြတိုက်တစ်ခုနှင့် ထုထည်ကြီးမားသော ရှေးဟောင်းကျောက်စာများ၊ ကျောက်ဆစ်လက်ရာများ ၊ ကျောက်ဖြစ် ရုပ်ကြွင်းများကို ပြသရန်နှင့် ပုဂံမြို့ဟောင်းနှင့် ဝေးကွာသောဂူဘုရားများအတွင်းမှ မူလကျောက်ဗုဒ္ဓ ဆင်းတုတော်များကို အများပြည်သူများ တစ်စုတစ်ဝေးတည်းကြည့်ရှု လေ့လာနိုင်ရန်အတွက် သစ်သားအဆောင်ကြီး သုံးဆောင် (ရှေးဟောင်း သုတေသန ပြတိုက်အဟောင်း၏ အရှေ့ဘက်တွင်) တည်ဆောက်ကာ  ၁၉၇၉ ခုနှစ်၊ အောက်တိုဘာလတွင် ဒုတိယအကြိမ်ပြတိုက်အသစ်ကြီးကို ဖွင့်လှစ်၍ ပြောင်းရွေ့ပြသထားသည်။

မြန်မာ့ရှေးဟောင်းယဉ်ကျေးမှု အမွေအနှစ်များ တည်ရှိရာ ပုဂံဒေသသို့ လာရောက် ကြသည့် နိုင်ငံခြားသား ကမ္ဘာလှည့်ခရီးသည်များ တစ်နှစ်ထက်တစ်နှစ် ပိုမိုများပြားလာခြင်းကြောင့် စုဆောင်းရရှိထားသော ပြတိုက်ပစ္စည်းများကို ကျယ်ကျယ်ဝန်းဝန်းနှင့် ခန့်ခန့်ထည်ထည် ခင်းကျင်း ပြသနိုင်ရန် ပြတိုက်အသစ်ထပ်မံတည်ဆောက်ရန် လိုအပ်လာပါသည်။ ထို့ကြောင့် ၁၉၉၅ ခုနှစ်တွင် ရှစ်မြှောင့်သဏ္ဌာန် ပြတိုက်ကို ချန်လှပ်၍ ကျန်အဆောက်အအုံများကိုဖျက်သိမ်းကာ မြေဧက (၁၀.၉၇) ဧက အကျယ်အ၀န်းရှိသော မြေကွက်ပေါ်တွင် ခံ့ညားထည်ဝါသည့် ကမ္ဘာအဆင့်မီ လေးထပ်အဆောက် အဦ ပြတိုက်သစ်ကြီးကို ထပ်မံဆောက်လုပ်ခဲ့သည်။ ယနေ့တွေ့မြင်ရသည့် ပုဂံရှေးဟောင်းသုတေသန ပြတိုက်သစ်ကြီးကို ၁၉၉၈ ခုနှစ်၊ ဧပြီလ၊(၁၇)ရက်နေ့တွင် ဖွင့်လှစ်ပြသခဲ့သည်။ ပြတိုက်အားနေ့စဉ် နံနက် (၉း၀၀) နာရီမှ ညနေ (၄း၃၀) နာရီအထိ ဖွင့်လှစ်ထားပါသည်။

ပုဂံရှေးဟောင်းသုတေသနပြတိုက်သစ်ကြီးအား ခိုနန်းချိုးသုံးထပ်ပန္နက်ပုံဖြင့် တည်ဆောက်ထားသည်။ ပြတိုက်ကြီး၏ အပြင်ဘက်နှင့် အတွင်းပိုင်းတို့တွင် မြန်မာမှုလက်ရာ ပုဂံခေတ်ဟန် အင်္ဂတေပန်းများ၊ သစ်ထွင်းပန်းပု ကနုတ်ပန်းလက်ရာများ၊ ရွှေဇ၀ါယွန်းပန်းချီလက်ရာများဖြင့် တင့်တယ်လှပစွာ တန်ဆာဆင် ထားသည်။ ပြတိုက်ကြီး၏ မြေအောက်ခန်းတွင် ဓာတ်ခွဲခန်းတစ်ခန်း၊ ပစ္စည်းသိုလှောင်ခန်းနှင့် လုံခြုံရေးခန်းများပါရှိသည်။ မြေညီထပ်တွင် ပြခန်း (၆) ခန်းနှင့် ပထမထပ်တွင် ပြခန်း (၅) ခန်း တို့ဖြင့် ခင်းကျင်းပြသထားသည်။ အပေါ်ဆုံးထပ်မှာ ပုဂံစေတီ၊ပုထိုးများကို ပြတိုက်ပေါ်မှ လေ့လာကြည့်ရှု၊ ဖူးမျှော်နိုင်ရန် စီစဉ်ထားခြင်း ဖြစ်သည်။

မြေညီထပ်တွင်

၁။    အထူးပြခန်း (သို့မဟုတ်) ပင်မပြခန်းဆောင် (Main Hall)

၂။    ပုဂံနန်းမြို့ပြခန်း (Display Room of Bagan Palace)

၃။    ပုဂံခေတ် စာပေပြခန်း (Show Room of Bagan Period Literatures)

၎။    ပုဂံခေတ် လူနေမှုဘ၀ပြခန်း (Display Room for Social Life of Bagan Period)

၅။    ပုဂံခေတ် ဗိသုကာလက်ရာပြခန်း (Show Room of Bagan Period Architecture)

၆။    ပုဂံခေတ် လက်မှုအနုပညာပြခန်း (Show Room of Bagan Period Arts and Crafts) ဟူ၍ ပြခန်း (၆) ခန်း တို့ဖြင့် ဖွဲ့စည်းပြသထားသည်။

ပထမထပ်တွင်
၁။    ပုဂံခေတ် ဗုဒ္ဓဆင်းတုတော်များပြခန်း (Show Room of Bagan Period Buddha Images)
၂။    ပုဂံခေတ် ဗုဒ္ဓအနုပညာပြခန်း (Show Room of Bagan Period Buddha Art)
၃။    ပုဂံခေတ် ဘုရားပုထိုး ပန်းချီပြခန်း (Art Gallery of Bagan Period Ancient Monuments)
၎။    ပုဂံခေတ် နံရံဆေးရေးပန်းချီပြခန်း (Art Gallery of Bagan Period Mural Paintings)
၅။    နိုင်ငံတော်ဦးတည်ချက် (၁၂) ရပ်နှင့် တိုင်းကျိုးပြည်ပြုပြခန်း (Twelve National Objectives and Nation – Building Endeavours Show Room) ဟူ၍ ပြခန်း(၅)ခန်းဖြင့် ဖွဲ့စည်းခင်းကျင်းပြသထားသည်။

ပင်မပြခန်းဆောင်တွင် ဗုဒ္ဓ၀င်ရှစ်ခန်း သရုပ်ဖော် ကျောက်ဆစ်လက်ရာများ၊ အနော်ရထာမင်း၊ ကျန်စစ်သားမင်း၊ အလောင်းစည်သူမင်းနှင့် ကျစွာမင်းတို့၏ ကြေးရုပ်တု (၄) ရုပ်နှင့် ကျန်စစ်သားမင်း အတ္ထုပတ္တိ ကျောက်စာ (ပလာစတာပုံတူ) တို့ကိုပြသထားသည်။

ပုဂံနန်းမြို့ ပြခန်းတွင် ပုဂံခေတ်၊ ပဉ္စပါဿာဒနန်းတော်နှင့် သက်ဆိုင်သော အဓိကပြကွက်အပြင်၊ ခေတ်အဆက်ဆက်မှ နန်းတော်အဆောင်များ ပန္နက်ပုံ ရှင်းလင်းချက်၊ ကျန်စစ်သားမင်းကြီး၏ ပလာစတာ ရုပ်တုပုံ၊ ပျူရွာ (၁၉) ရွာပြ မြေပုံ၊ ရေနံ့သာကင်းတပ်မြို့ဟောင်းပုံစံငယ်၊ ပုဂံခေတ်စစ်လက်နက်များနှင့် ပုဂံခေတ်ပန်းပဲ လုပ်ငန်းတို့ကို ပြသထားသည်။

ပုဂံခေတ် စာပေပြခန်းတွင် မြန်မာစာပေသမိုင်းတွင် အရေးအကြီးဆုံး အခန်းမှပါဝင်သော ပါဠိ၊ ပျူ၊ မွန်၊ မြန်မာ လေးဘာသာဖြင့် ရေးထိုးထားသည့် ရာဇကုမာရ်ကျောက်စာ မူရင်းကို အဓိကထား၍ ပြသထားပြီး မြန်မာစာပေ ပြောင်းလဲလာပုံ ဇယားနှင့်တကွ ပုဂံခေတ်ထိုးကျောက်စာ၊ နံရံမင်စာ၊ အုတ်ခွက်စာ၊ ခဲပြားစာ၊ ပေစာ၊ သစ်ပြားစာ၊ မြေတံဆိပ်များကို ပြသထားသည်။

ပုဂံခေတ် လူနေမှုဘ၀ပြခန်းတွင် အေဒီ (၁၁) ရာစု၊ ပုဂံခေတ်သီရိပစ္စယာရွာပြကွက်၊ ပုဂံခေတ် ယွန်းလုပ်ငန်း၊ ပုဂံခေတ် လယ်ယာလုပ်ငန်း၊ ပုဂံခေတ် ထန်းလျက်ချက်လုပ်ငန်း၊ ပုဂံခေတ် ယာဂုပွဲနှင့် ပုဂံခေတ်က ကင်းတားဆည် တည်ဆောက်နေပုံများကို ပြသထားသည်။ အေဒီ (၁၁)ရာစု၊ ပုဂံခေတ် သီရိပစ္စယာရွာ ပြကွက်တွင် ပုဂံခေတ်၏ တစ်နေ့တာ လှုပ်ရှားမှုကို အသံစနစ်ဖြင့် သရုပ်ဖော် ပြသထားသည်။

ပုဂံခေတ် ဗိသုကာပြခန်းတွင် ပုဂံဒေသတ၀ိုက် (၁၉) စတုရန်းမိုင်ပတ်လည် ဧရိယာအတွင်းရှိ စေတီပုထိုးများပြ မြေပုံ၊ ဗိသုကာလက်ရာ ထူးခြားထင်ရှားသော စေတီပုထိုးများ၊ ဂင်းပိတ်စေတီအမျိုးအစားဝင် စေတီ (၄) မျိုးနှင့် လိုဏ်ပေါက်စေတီအမျိုးအစားဝင် စေတီ (၁၅) မျိုး၊ ပေါင်းကူး (၇) မျိုးတို့ကို ပုံစံငယ်များဖြင့် ခင်းကျင်းပြသထားသည်။

ပုဂံခေတ် လက်မှုအနုပညာပြခန်းတွင် ပုဂံခေတ်က လက်မှုပညာရှင်များ၏ ဘာသာရေးအပေါ် အခြေခံကာ ပြုလုပ်ခဲ့သော အင်္ဂတေပန်းများ၊ ကျောက်ဆစ်လက်ရာများ၊ ပန်းပုလက်ရာများ၊ မြေထည် ပစ္စည်းများ၊ ငွေထည်ပစ္စည်းများ၊ စဥ့်ထည်ပစ္စည်းများ၊ ကြေးထည်ပစ္စည်းများ၊ နံရံပန်းချီများ၊ အဆင် တန်ဆာများနှင့် ကျောက်ဖြစ်ရုပ်ြွကင်းများကို ပြသထားသည်။

ပုဂံခေတ် ဗုဒ္ဓဆင်းတုတော်များပြခန်းတွင် အေဒီ (၁၁) ရာစုမှ (၁၉) ရာစုအထိ ခေတ်အလိုက် ကွဲပြားခြားနားစွာ ထုလုပ်ခဲ့သောဆင်းတုတော်များကို ပလ္လင်တံကဲ နောက်ခံ၍ ပူဇော်ပြသထားသည်။ ဆင်းတုတော်များတွင် ထုလုပ်လေ့ရှိသော မုဒြာဟန်ရှင်းလင်းချက်များ၊ သိဒ္ဓတဘုရားလောင်း ဗျာဒိတ်ခံ ဆင်းတုများ ကိုပြသထားသည်။

ပုဂံခေတ် ဗုဒ္ဓအနုပညာပြခန်းတွင် ပဉ္စလောဟာဗုဒ္ဓဆင်းတုတော်၊ ဗုဒ္ဓ၀င်ရှစ်ခန်းပါ အန္ဓဂူကျောက်ချပ်၊ ကြေးကြာဖူး၊ ရွှေဖောင်းကြွဆင်းတု၊ သစ်သားဆင်းတု၊ မြေဆင်းတု၊ အုတ်ခွက်ဘုရားများ၊ ရွှေပေလွှာနှင့် သဲကျောက်ဗိုက်ပူရဟန္တာစသော ဆင်းတုများကို ပြသထားသည်။ ထို့ပြင် ဗုဒ္ဓဖြစ်စဉ် ဇာတ်တော်များ ရေးဆွဲထားသော ပုဂံခေတ်ကာလအ၀တ်ပန်းချီကိုလည်း ပြသထားပါသည်။ ယင်းပုဂံခေတ် အ၀တ်ပန်းချီများကို  ကြည့်ရှုလေ့လာခြင်းအားဖြင့် မြန်မာနိုင်ငံတွင် လွန်ခဲ့သော အေဒီ ၁၁ ရာစုပုဂံခေတ် ကတည်းက အ၀တ်အထည်တွင် ပန်းချီရေးဆွဲလေ့ရှိကြောင်းကို လည်းလေ့လာသိရနိုင်သည်။

ပုဂံခေတ် ဘုရားပုထိုးပန်းချီပြခန်းတွင် မြန်မာနိုင်ငံရှိ ထင်ရှားသော ပန်းချီဆရာကြီးများ၏ ပုဂံဒေသတ၀ိုက်ရှိ ဘုရား၊ စေတီ၊ ပုထိုး၊ ကျောင်း စသည့် အဆောက်အအုံများကို ဆီဆေးဖြင့်ရေးဆွဲ ထားသော ပန်းချီကားများနှင့် ပဉ္စလောဟာဗုဒ္ဓဆင်းတုတော်၊ ရွှေဆင်းတု၊ ငွေဆင်းတု တို့ကိုအပူဇော်ခံ ပြသထားသည်။

ပုဂံခေတ် နံရံဆေးရေးပန်းချီပြခန်းတွင် အကြောင်းအရာအလိုက် ဗုဒ္ဓ၀င်ခန်းများ၊ ငါးရာ့ ငါးဆယ်ဇာတ်တော်များ၊ မဟာယာနနှင့် တန္တရပန်းချီများ၊ နတ်ရုပ်၊ ဗြဟ္မာရုပ်များ၊ ပုဂံခေတ်လူတို့၏ပုံများ၊ ပုဂံခေတ်အတီးအမှုတ်၊ အကအခုန်ပုံများ၊ ပုဂံခေတ် ကနုတ်ပန်းများနှင့် တိရစာန်ပုံများကို ပုဂံခေတ် နံရံပန်းချီများမှ ပုံတူကူးရေးဆွဲတင်ပြထားပါသည်။

နိုင်ငံတော်ဦးတည်ချက် (၁၂) ရပ်နှင့် တိုင်းကျိုးပြည်ပြု ပြခန်းတွင်နိုင်ငံတော်ဦးတည်ချက် (၁၂) ရပ်၊ မူဝါဒ လမ်းစဉ် (ရ) ရပ်၊ ပညာရေးဖွံ့ဖြိုးတိုးတက်မှု၊ ကျန်းမာရေးစောင့်ရှောက်မှု၊ တည်ဆောက်ပြီး၊ တည်ဆောက်ဆဲ ဆည်မြောင်း၊ တာတမံများ၊ လမ်းနှင့်တံတားများ တိုးတက်မှုပြဇယားများကို ပြသထားသည်။

ပုဂံရှေးဟောင်းသုတေသနပြတိုက်ကြီးသည် ပြခန်းပေါင်း (၁၁) ခန်းဖြင့် ပုဂံခေတ်၏ ပုံရိပ်များကို ထင်ဟပ်ပေါ်လွင်အောင် ပြသထားသော မြန်မာ့ကျက်သရေဆောင် ပြတိုက်ကြီးဖြစ်ပေသည်။

ရှေးဟောင်းပစ္စည်းထိန်းသိမ်းရေး


ဒေၝက်တာသန်းထွန်း

B.A. (Hons), M.A., B.L., Ph.D., D.Lit(london)

(အဖွဲ့ဝင်၊ မြန်မာသမိုင်းကော်မရှင်)

ရှေးဟောင်းပစ္စည်းကို ရှာတယ်ဆိုတာက အရင်က အဖြစ်အပဵက်တွေကို ဖော်ထုတ်ခဵင်လို့ ဖြစ်ပၝတယ်။ ရှေးပစ္စည်းတွေက ကုန်ခဲ့တဲ့ခေတ်က လူတွေ ဘယ်လိုအစားအစာတွေကို နှစ်သက်မြတ်နိုး စားသောက်ကြ တယ်။ ဘယ်လိုအဝတ်တန်ဆာကို ဝတ်ဆင်ကြတယ်။ ဘယ်လိုနေကြတယ်။ ဘာကို ယုံကြည်တယ်ဆိုတဲ့ အခဵက်သုံးခဵက်ကို ဖော်ထုတ်ခဵင်လို့ ဖြစ်ပၝတယ်။ အဲဒီလို ရှာဖွေလိုႚတွေ့တဲ့ ပစ္စည်းတွေကို တယုတယထုပ်ပိုးပြီး သိမ်းထားလိုက်တာကတော့ အလွယ်ဆုံးပေၝ့။ ဒၝပေမယ့် ပြတိုက်၊ စာကြည့်တိုက်နဲ့ ပညာရှင်တွေကတော့ ရှေးပစ္စည်းတခုရလာရင် လုပ်ရမယ့်အလုပ်က လေးမျိုးပေၞလာတယ်။

(၁) Identification ဘာပစ္စည်းလဲလိုႚ ဖော်ထုတ်ရမယ်။
(၂) Dating ဘယ်တုံးက ဘယ်သူက၊ ဘာအတွက် လုပ်သွားသလဲလိုႚ ရှာရမယ်။
(၃) Conservation ဒီပစ္စည်းကို ရထားတဲ့အတိုင်း ဆက်္ဘပီးထိမ်းရမယ်။
(၄) Preserration ဒီပစ္စည်းကို မပေဵာက်မပဵက်ရအောင် ထိမ်းရမယ်။
(၅) Renovation ပျက်သလောက်ပဲ ပြင်မယ်။

(၁) ဘာပစ္စည်းလဲလို့ ဖော်ထုတ်တဲ့အခၝ လွယ်တာရှိသလို၊ ခက်တာလည်းရှိပၝတယ်။ ခပ်လွယ်လွယ် နမူနာပြရရင် တုတ်ချောင်းတွေ့တဲ့အခၝ ကနုတံလား၊ တူလား၊ သိဖိုႚလိုတယ်။ ပေစာတွေ့တဲ့အခၝ လောကီလား၊ လောကုတ္တရာလား သိဖို့လိုတယ်။ ဇာတာတွေ့တဲ့အခၝ ဖွားတာလား၊ သေတာလား၊ ဥကင်သဖွင့်တာလား သိရမယ်။ စာရင်းဇယားတွေ့ရင် ဖွားသေစာရင်းလား၊ အိမ်ထောင်စာရင်းလား၊ အရောင်းအဝယ်လား၊ အကောက်အခွန်လား၊ အပေၝင်အနှံလား၊ ခွဲပြီးသိဖိုႚလိုပၝတယ်။ မြေပုံတွေရင် သာသနာမြေ၊ မင်းမြေ၊ အသည်မြေ ခွဲပြီး သိဖိုႚလိုပၝတယ်။ အင်္ဂလိပ်မြေပုံမှာ ထိပ်ကမြောက်၊ မြန်မာမြေပုံမှာ ထိပ်က အရှေ့ဖြစ်ပၝတယ်။ ပုရပိုက်မှာ Verso ဝမ်း Recto ကေဵာ ခွဲရပြန်တယ်။ အသုံးပြုတဲ့အခၝ ကေဵာက်စာရဲႚ ဘယ်မဵက်နှာ စာကြောင်း ဘယ်လောက်ပၝတယ်လိုႚ အတိအကဵ ဖော်ပြရပၝတယ်။ လူတွေ့မေးမြန်းခဵက်ဆိုရင် အပိုအလိုတွေ ရှိတတ်တယ်။ှယှဉ်ပြိုင် မစစ်ဆေးဘဲ မသုံးဝံပၝ။ ရက်စွဲ အပိုအလို၊ ရှေ့နောက်မညီမညွတ် ဖြစ်တတ်တယ်။ သူပြောတာကို ပြန်စစ်မယ်ဆိုရင် အမေးခံရသူက စိတ်ဆိုးလိမ့်မယ်။ သူမသိအောင် လုပ်ပၝ။

(၂) ပစ္စည်းတခုကိုရလာရင် ဘယ်သူဘယ်တုံးက ဘာအတွက်လုပ်တာလဲ ဆိုတာသိရမယ်။ သိပ်ဟောင်းတဲ့ ပစ္စည်းဆိုရင် ဓၝတ်ခွဲခန်းတင်ရမယ်။ ပြတိုက်တွေသွားပြီး အလားတူပစ္စည်းမျိုး ရှာရမယ်။ သဲလွန်စရှာရမယ်။ သဲလွန်စဆိုတဲ့ နာမည်ကပဲ မခိုင်မမြဲ အရှာရခက်တဲ့ ပစ္စည်းလိုႚဆိုတယ်။ အင်မတန် ပင်ပန်းတယ်။ အချိန်ကုန်မယ်။ ပင်ပန်းရကျိုးနပ်သလို၊ အကျိုးမဲ့ အချီးအနှီး ဖြစ်သွားတာလဲ ရှိတတ်ပၝတယ်။ ရှာပၝတယ်၊ မတွေ့ဘူးဆိုရင် ခွင့်လွှတ်မယ်။ မရှိလိုႚ မသိဘူးဆိုရင် ခွင့်မလွှတ်ပၝ။ ရှက်ဖိုႚလည်း ကောင်းပၝတယ်။

(၃) ကိစ္စတခု ဘယ်တုန်းကဖြစ်သလဲ၊ ပစ္စည်းတခု ဘယ်တုန်းက လုပ်သလဲ သိဖိုႚလိုပၝတယ်။ Radio Carbon Dating တို့ Thermoluminecent Dating ဆိုရင် ပြည်တွင်းမှာမရ၊ အဖြေကို နဲနဲစောင့်ရမယ်။ ဒေၞလာ နဲနဲသုံးရမယ်။ ရက်စွဲဖော်တဲ့အခၝ Relative Dating နှိုင်းယှဉ်ချက်နဲႚ ဖော်တာလဲရှိတယ်။ Alsolute Dating အတိအကဵ ဖော်နိုင်တာလဲရှိတယ်။ နှိုင်းယှဉ်ချက်လုပ်ရရင် အောက်ကဵမခံဘဲ ဒၝက Studied Guess ချင့်ချင့်ချိန်ချိန်မှန်းတာလိုႚ ပြောလေ့ရှိကြတယ်။ ဒၝက ကျောက်ခေတ်ဟောင်းကလိုႚ ပြောရင် အရင်အနှစ် ၂၀၀၀၀ ဝန်းကျင်လိုႚ ပြောတာဖြစ်လေတော့ ဒၝထက်ပ္ဘိုပီး အနုမစိပ်နိုင်တော့ပၝ။ သမိုင်းသမားရော တူးဖော်ရေးသမားပၝ သတိထားရမယ့်အခဵက်က “လိုချင်တာမရှာနဲႚ၊ တွေ့တာမှတ်” ဆိုတဲ့ အချက်ပဲဖြစ်ပၝတယ်။ နောက်တခဵက်က သိပ်ရှေးကဵတဲ့ အကြိုသမိုင်း Prehistory ဆိုရင် အရှေ့အာဖရိက တွေ့ရှိချက်တွေကို စံတင်ထားပြီး တခြားဒေသကလူတွေက အလုပ်လုပ်ကြရပၝတယ်။ ငွေကုန်ကြေးကျမဵားလိုႚ ခဵမ်းသာသူတွေရဲႚ အထောက်အပံ့မပၝဘဲ လုပ်လိုႚ မဖြစ်သလောက်ဖြစ်ပၝတယ်။ ဒီပစ္စည်းတွေဟာ နှစ်ပေၝင်းရာနဲႚ ထောင်နဲႚချီပြီး မြေကြီးထဲမှာရျိနေတာ မင်းတိုႚဆပ်ဆော့လို အခုပျက်စီးကုန်ပြီလိုႚ အပြောမခံရအောင် ရှေးဟောင်းသုတေသန သမားတွေက အလုပ်စခန်းမှာ သိပ်ပြီး စေ့စပ်သေချာပၝတယ်။ အဲဒၝအတွက် သူတိုႚကို အများကြီး ချီးကဵူးရပၝတယ်။ အင်ဂဵင်နီယာက ပိုက်ဆံ ဘယ်လောက်ကုန်တယ်။ ဒီမှာတိုက်ပြီးပြီလိုႚ လက်ညှိုးထိုးပြသလို ရှေးဟောင်းသုတေသနသမားကလည်း ပိုက်ဆံဘယ်လောက်ကုန်တယ် ဒီမှာ ပုဆိန်အကျိုးလိုႚ ပြရတဲ့လူတွေပၝ။

(၄) ရှေးဟောင်းသုတေသနမှာ နှိုင်းယှဉ်ချက် အမြဲလုပ်ရပၝတယ်။ ဒီနေရာကတူးကွက်နဲႚ ဟိုနေရာက အလားတူတူးကွက် နှိုင်းယှဉ်ကြည့်သင့်သလို ဒီနိုင်ငံက တူးကွက်နဲႚ ဟိုနိုင်ငံက အလားတူတူးကွက် နှိုင်းယှဉ်သင့်ပၝတယ်။ အခု မြန်မာနိုင်ငံရဲႚ အခက်အခဲက တခြားနိုင်ငံက တိုးတက်ပုံနဲႚ ကွာလွန်းတယ်။ နှိုင်းယှဉ်ကြည်ဖိုႚလဲ မလွယ်ပၝ။ ဒၝကို လွန်မြောက်ဖိုႚ နည်းက ပြည်ပဆက်သွယ်ရေး လွယ်ကူဖိုႚနဲႚ ငွေကြေး ပြည်စုံဖို့ လိုပၝတယ်။ ဒၝကို အကဵယ်တဝင့် စဉ်းစားဖိုႚ မလိုပၝ။ အခုအခြေအနေအရ ခက်ခဲနေတာသာ ဖြစ်ပၝတယ်။ လွန်မြောက်နိုင်စရာ အကြောင်းရှိပၝတယ်။

(၅) နောက်ဆုံးအခက်အခဲက တူးဖော်ရေးမှာ အရည်အချင်းရှိတဲ့ ကွပ်ကဲမယ့် လူမလုံလောက်တာ ဖြစ်ပၝတယ်။ ကမ္ဘာနိုင်ငံကြီးတွေရဲႚ ကြီးမားတဲ့ တူးဖော်ရေးစခန်းတွေမှာတောင် ဒီအခက်အခဲမျိုး ရှိတာကြောင့် မြန်မာနိုင်ငံမှာ ပိုပြီး ကြီးကဵယ်မယ်ထင်ပၝတယ်။ နိုင်ငံခြားနဲႚ ပူးတွဲပြီး ဆောင်ရွက်ရင် ဖြစ်နိုစရာရှိတယ်။ ပူးတွဲဆောင်ရွက်တာလဲ ရှိပြီလိုႚသိရပၝတယ်။

(၆) တူးဖော်ရေးက ပစ္စည်းထွက်လာတဲ့အခၝ အားကိုးလောက်တဲ့ ဓၝတ်ခန်းရှိဖိုႚလိုတယ်။ တူးဖော်တဲ့အလုပ် (Field Work) မှာ နိုင်နင်းသူ လိုသလို စစ်ဆေးတဲ့ (Lab Work) မှာ ထူးချွန်တဲ့လူ လိုပၝတယ်။

(၇) စစ်ဆေး္ဘပီးတဲ့အခၝ အကျိုးအကြောင်းစုံအောင် ပြန်ပြောရတယ်။ အကောင်းဆုံးကတော့ အစီရင်ခံစာရေးပြီး ပုံနှိုပ်ဖြန်ႚဝေရပၝတယ်။ ဒၝကိုမလုပ်ဘဲ မနေသင့်ပၝ။ အထူးသဖြင့် ပညာရှင်တွေက သိချင်လိုႚ စောင့်ရပၝတယ်။ အခုပြောပြတဲ့အချက်တွေကို မလုပ်နိုင်ကောင်းလားလိုႚ အပြစ်ရှာတဲ့ သဘောမပၝပၝ။ မပျက်မကွက် လုပ်သင့်တယ်။ ပူးပေၝင်းဆောင်ရွက်ရင် ဖြစ်နိုင်စရာရှိတယ်လို့ ဆွေးနွေးခြင်းသာ ဖြစ်ပၝတယ်။

ဒေၝက်တာသန်းထွန်း

B.A. (Hons), M.A., B.L., Ph.D., D.Lit(london)

(အဖွဲ့ဝင်၊ မြန်မာသမိုင်းကော်မရှင်)

စတိုင်သစ်မဂ္ဂဇင်း။ အမှတ် (၁၃၃)၊ သြဂုတ်လ၊ ၂၀၀၄ ထုတ်မှ ဒေၝက်တာသန်းထွန်း၏ “ရှေးဟောင်းပစ္စည်း ထိန်းသိမ်းရေး”ကို ပြန်လည်ကူးယူ ဖော်ပြတာဖြစ်ပၝတယ်။

ရည်မှန်းချက်နီးရင် သွေးချင်းနီးတာပဲ


Written by လူထုစိန်ဝင်း
Monday, 28 March 2011 13:10

ဟိုတလောက ဂျပန်ငလျင်ကြီးနဲ့ ဆူနာမီ ဒီလှိုင်းကြီး ကြုံတွေ့ခိုက်မှာ ဂျပန်ရောက် မြန်မာတွေချင်း ရိုင်းပင်း ကူညီကြပုံများကို ကြားရပြီး ၀မ်းမြောက်ဂုဏ်ယူမိတဲ့အကြောင်း ရေးခဲ့တယ်။ မရှေးမနှောင်းမှာပဲ မလေးရှားပြန် လူငယ်တစ်ယောက်ရေးတဲ့ ကိုယ်တွေ့အဖြစ်အပျက် စာမူတွေကို အမှာစာရေးဖို့ ဖတ်ရင်းနဲ့ မြန်မာတွေချင်း အရေးကြီးတော့ သွေးနီးကြပုံ အကြောင်းတွေ တွေးပြီး ကြည်နူးပီတိ ဖြစ်ရတယ်။

သွေးမနီးပါဘဲနဲ့ သွေးစည်းကြ
အဲဒီအကြောင်းနှစ်ခုက ဆက်စပ်ပြီး သွေးစည်းမှုနဲ့ သွေးနီးမှု အကြောင်းတွေကို ဆက်တွေးဖြစ်သွားတယ်။ လူမျိုးချင်းတူလို့ ဘာသာအယူဝါဒချင်းတူလို့ သွေးစည်းကြတာမျိုး ရှိသလို၊ လူမျိုးတွေ၊ ဘာသာတွေ မတူပေမယ့်လည်း အတွေးအခေါ် အယူအဆချင်း တူညီလို့ သွေးမနီးပါဘဲနဲ့ သွေးစည်း ကြတာမျိုးတွေလည်း တွေ့ရတတ်တယ်။ တစ်ခါတလေ ကျတော့လည်း ကိုယ်နဲ့လူမျိုးချင်း ဘာသာချင်း တူပါလျက်နဲ့ တစ်ယောက်နဲ့တစ်ယောက် ဘယ်လိုမှ သွေးစည်းလို့ မရနိုင် တာမျိုး ရှိသလို၊ လူမျိုးဘာသာ လုံးဝ ကွဲပြားခြားနားနေပါလျက်နဲ့ ဆွေလိုမျိုးလို ရင်းနှီးချစ်ခင်ကြတာမျိုးလည်း ရှိတတ်တယ်။ အကြောင်းရင်းကို သုံးသပ်ကြည့်တော့ အတွေးအခေါ်၊ အယူအဆချင်း ထပ်တူနီးပါး တူညီကြတဲ့အတွက် ဖြစ်တယ်လို့ ကောက်ချက်ချမိတယ်။ အသွေးအရောင် တူညီတဲ့ ငှက်တွေချင်း အုပ်စုဖွဲ့နေကြတယ်။ (Birds of the Same Feather flock together)ဆိုတဲ့ စကားလိုပေါ့။

ဆရာလုပ်ခဲ့လို့
မြန်မာပြည်မှာ နှစ်ပေါင်းနှစ်ဆယ်ကျော် ကျောင်းဆရာ လုပ်ခဲ့လေတော့ ကိုယ်ကသားလို၊ သမီးလို သဘောထားခဲ့တဲ့ ကျောင်းသူကျောင်းသားတွေ အများအပြား ရှိခဲ့သလို၊ ကိုယ့်ကိုအဖေတို့၊ အဖေကြီးတို့ခေါ်တဲ့ တပည့်တွေလည်း ရှိခဲ့တယ်။ မြန်မာလူမျိုးတွေကြားမှာတော့ ဒီကိစ္စဟာ သိပ်ထူးဆန်းလှတာ မဟုတ်ပါဘူး။ ဆရာသမားကို မိဘနဲ့ တစ်တန်းတည်း ထားလေ့ရှိကြတာကိုး။
ထူးဆန်းတဲ့အကျိုးပေးဘ၀အကျိုးပေးကပဲ ထူးဆန်းလို့လားတော့ မသိဘူး။ နိုင်ငံခြားသူ၊ နိုင်ငံခြားသားတွေ ဖြစ်ပါလျက်နဲ့ ကိုယ့်အပေါ် သံယောဇဉ်ဖြစ်ပြီး အဖေလို့ ခေါ်တဲ့သူ၊ အဖေလို သဘောထား ဆက်ဆံသူ လေး၊ ငါးယောက်ထက်မနည်း ရှိခဲ့တယ်။

ဂျပန်လူမျိုး လူငယ် သတင်းထောက်လေးတစ်ယောက်က ဆရာလိုတစ်မျိုး၊ အဖေလိုတစ်မျိုး လေးစားချစ်ခင်ပြီး အမြဲမပြတ် ဆက်သွယ်နေလေ့ ရှိသလို၊ လူမှုရေးနဲ့ ပရဟိတ လုပ်ငန်းတွေ လုပ်ကိုင်နေတဲ့ ဂျပန်မလေးတစ်ယောက် ဆိုရင်လည်း သူ့အလုပ်တွေနဲ့ ပတ်သက်ပြီး တိုင်ပင်ဆွေးနွေး လုပ်ရုံတင်မက၊ သူ့ကိုယ်ရေးကိုယ်တာကိစ္စ ရင်ဖွင့်စရာတွေ ရှိရင်လည်း မကွယ်မ၀ှက် ရင်ဖွင့်လေ့ရှိတယ်။ ငိုစရာရှိရင်လည်း ငိုပြတယ်။ ဘယ်နိုင်ငံရောက်နေရောက်နေ ခြောက်လတစ်ကြိမ်တော့ ရောက်အောင်လာ တွေ့တယ်။ တစ်ခါတလေ နှစ်လ၊ သုံးလတစ်ခါ ရောက်လာတတ်တယ်။ ပါပါလို့ ခေါ်ပါရစေလို့ ခွင့်တောင်းပြီး အမြဲတမ်းခေါ်တယ်။စာရေးရင်၊ အီးမေးလ်ပို့ရင်လည်း ပါပါလို့ပဲ ရေးတယ်။

မတွေ့ဖူးဘဲနဲ့
မြန်မာပြည်မှာ နှစ်အတော်ကြာအောင် အမှုထမ်းခဲ့တဲ့ အနောက်နိုင်ငံသူတစ်ယောက်ဆိုရင် အဖေတစ်ယောက်ကို ဂရုစိုက်သလိုကို ဂရုစိုက်ခဲ့တယ်။ အခု သူ့နိုင်ငံပြန်သွားတော့လည်း အမြဲမပြတ် အီးမေးလ်ပို့ပြီး ကျန်းမာရေးကို မေးမြန်းတယ်။ ဖတ် သင့်ဖတ်ထိုက်တဲ့ စာအုပ်မှန်သမျှ ပို့ပေးရှာတယ်။ သမီးတစ်ယောက်လိုကို စိတ်ထဲမှာ မှတ်ယူထားခဲ့တယ်။

အခုပြောခဲ့သူအားလုံးက လူချင်းတွေ့ဆုံ ရင်းနှီးခဲ့ကြလို့ သံယောဇဉ် ဖြစ်သွားကြတာ။ အခုတစ်ယောက်ကျတော့ လူချင်းတွေ့ဖူးတာ မဟုတ်ဘဲနဲ့ သတင်းကြားနဲ့ ရင်းနှီးချစ်ချင်ပြီး အဖေလို့ ခေါ်ခွင့်တောင်းခဲ့တာ ဖြစ်တယ်။
သြစတြေးလျနိုင်ငံ ဆစ်ဒနီ တက္ကသိုလ်မှာ မဟာဘွဲ့တစ်ခုအတွက် ကျောင်းတက်နေတဲ့ ကျောင်းသူတစ်ယောက်ဆီက သူကသိသွားခဲ့တာပါ။

ကာတွန်းဆရာမ
သူကလည်း ဆစ်ဒနီတက္ကသိုလ်မှာ မဟာဘွဲ့လာတက်တဲ့ သီရိလင်္ကာနိုင်ငံသူ ဖြစ်တယ်။ သူ့နိုင်ငံမှာ အတော်အသင့် နာမည်ကျော်ကြားတဲ့ ကာတွန်းဆရာမတစ်ယောက် ဖြစ်ပါတယ်။ သူကသတင်းကြားနဲ့ ခင်မင် ရင်းနှီးနေပြီး အဖေလို့ ခေါ်ခွင့်တောင်း ရုံမက မြန်မာလို ဖေဖေလို့ ရေးတာပါ သင်ယူပြီး သူ့လက်ရေးနဲ့ ဖေဖေဆိုပြီး ရေးလိုက်ပါတယ်။ (သူ့လက်ရေး နမူနာနဲ့ သူ့ကာတွန်းလက်ရာကို အကဲခတ်နိုင်အောင် ထည့်သွင်း ဖော်ပြပေးလိုက်ပါတယ်)။

သူက ကာတွန်းဆွဲရုံတင်မက ကဗျာလေးတွေလည်း ရေးပါတယ်။ သူ့ကဗျာလေးတွေနဲ့ ကာတွန်းလက်ရာလေးတွေလည်း ပို့ပေးလိုက်ပါသေးတယ်။ သူကျောင်းပြီးသွားရင် လာဖြစ်အောင်လာပြီး တွေ့မယ်လို့လည်း
ကတိပေးထားပါတယ်။

အသွေးအရောင်တူတဲ့ငှက်
မမြင်ဖူး၊ မတွေ့ဖူးဘဲနဲ့ ရင်းနှီးချစ်ခင်တယ် ဆိုတာ ဖြစ်နိုင်သလား။ လူမျိုးဘာသာမတူ ကွဲပြားခြားနားပါလျက်နဲ့ သွေးသားရင်းချာလို သဘောထားတယ်ဆိုတာ ဖြစ်နိုင်သလား။ အများစုကတော့ မဖြစ်နိုင်ဘူးလို့ ထင်ကြမှာပဲ။
လောကွတ်အနေနဲ့ ပြော တာပဲ ဖြစ်လိမ့်မယ်လို့ ယူဆကြမှာ ဖြစ်တယ်။ ဒါပေမဲ့ လောကွတ်အနေနဲ့ ပြောစရာ ဘာအကြောင်းမှ မရှိပါဘူး။ ကိုယ်ကလည်း ဘာမှအရေးပါ အရာရောက်တဲ့သူ မဟုတ်တော့ ဟန်လုပ်ပြီး ပြောနေဖို့ မလိုပါဘူး။ တစ်ဦးနဲ့တစ်ဦး အပြန်အလှန် အကျိုးမျှော်ကိုးစရာလည်း ဘာမှရှိတာ မဟုတ်ဘူး။ ဒီတော့ ဒီလိုချစ်ခင်ရင်းနှီးမှုမျိုး ရှိနိုင်တယ်လို့ ယုံတယ်။ အသွေးအရောင်တူတဲ့ ငှက်တွေချင်း အုပ်ဖွဲ့နေလေ့ ရှိတယ်ဆိုတဲ့ စကားအတိုင်းပေါ့။

ရည်မှန်းချက်တူရင်
နိုင်ငံခြားသားတွေ ဖြစ်ပေမယ့် စိတ်ဓာတ်ချင်း၊ စရိုက်ချင်း၊ ယုံကြည်ချက်ချင်း၊ ရည်မှန်းချက်ချင်း တူညီကြသူတွေ ဖြစ်ကြတော့ သွေးမနီးပေမယ့် သွေးစည်းနိုင်ကြတဲ့ သဘောလို့ပဲ ယူဆမိတယ်။ ဒီသွေးစည်းမှုက ကျွမ်းဝင်ရင်းနှီးမှုနဲ့ ချစ်ခင်လေးစားမှုတို့ ပေါ်ထွန်းလာတာ ဖြစ်တယ်။ အဲဒီကတစ်ဆင့် သံယောဇဉ်တို့၊ တွယ်တာမှုတို့ ဖြစ်လာနိုင်တယ် မဟုတ်ဘူးလား။ အာဂျင်တီးနားနိုင်ငံသား ချေဂွေဗားရားဟာ ကျူးဘားလူမျိုးများရဲ့ လွတ်မြောက်ရေး တိုက်ပွဲအတွက် ကက်စထရိုနဲ့ လက်တွဲ တိုက်ခိုက်ခဲ့ပြီး နောက်ဆုံးမှာ ဘော်လစ်ဗီးယား လွတ်မြောက်ရေးအတွက် ဘော်လစ်ဗီးယား လူမျိုးတွေနဲ့ လက်တွဲတိုက်ခိုက်ရင်း ကျဆုံးခဲ့ရပါတယ်။ ယုံကြည်ချက်ချင်း၊ ခံယူချက်နဲ့ ရည်မှန်းချက်ချင်း တူရင် လူမျိုးတူမှ မဟုတ်ဘူး၊ ဆွေမျိုးတော်မှ မဟုတ်ဘူး၊ ဘယ်သူနဲ့မဆို သွေးစည်းနိုင်တယ်။ ချစ်ခင်ရင်းနှီးနိုင်တယ်။ သံယောဇဉ် ဖြစ်နိုင်တယ်လို့ ယုံကြည်တယ်။

ဓမ္မတာပဲ
နိုင်ငံခြားရောက် မြန်မာတွေလည်း သာမန်အချိန်တွေမှာ တစ်ယောက်နဲ့တစ်ယောက် ဂရုစိုက်ချင်မှ စိုက်နိုင်ကြလိမ့်မယ်။ ဒါပေမယ့် ဂျပန်ငလျင်ကြီးလို အဖြစ်ဆိုးကြီး ကြုံကြရတဲ့အခါကျတော့ အားလုံးဟာ ဘ၀တူတွေ ဖြစ်သွားကြတယ်။ ဘ၀တူတွေ ဖြစ်တော့ အလိုလိုနေရင်း သွေးစည်းသွားကြတယ်လေ။ ဘ၀ချင်းတူရင်၊ ယုံကြည်ချက်ချင်းတူရင်၊ ရည်မှန်းချက်ချင်းတူရင် အားလုံးဟာ အရေးကြီးတဲ့အခါမှာ အလိုလိုနေရင်း သွေးနီးသွားကြတာဟာ ဓမ္မတာပါပဲ။

( ၀ီးကလီးအလဲဗင်းဝက်ဆိုက် မှ ပြန်လည်ကူးယူဖော်ပြထားပါတယ်။ )

Categories

%d bloggers like this: