အံ့ဘုန်းမြတ်
စစ်ရေး
တိုင်းရင်းသားလက်နက်ကိုင်အဖွဲ့များ မရိုးသားဟု ပြန်ကြားရေးဝန်ကြီး ထပ်မံပြောကြား
အံ့ဘုန်းမြတ် (၆ စက်တင်ဘာ ၂၀၁၁) (ဒီဗွီဘီ)
အစိုးရနဲ့ ပဋိပက္ခဖြစ်နေတဲ့ တိုင်းရင်းသားလက်နက်ကိုင် အဖွဲ့အစည်းတွေဟာ အမျိုးမျိုးတောင်းဆိုပြီး မရိုးမသား အခွင့်အရေးယူတယ်လို့ အစိုးရပြောခွင့်ရပုဂ္ဂိုလ် ပြန်ကြားရေး ၀န်ကြီးက ပြည်သူ့လွှတ်တော်မှာ ထပ်ပြီးပြောလိုက်ပါတယ်။
ငြိမ်းချမ်းရေးကော်မရှင်ဖွဲ့စည်းရေး၊ အစိုးနဲ့ တိုင်းရင်းသားလက်နက်ကိုင် အဖွဲ့အစည်းတွေ ဆွေးနွေးမှုအခြေအနေတို့နဲ့ ပတ်သက်ပြီး ရှမ်းတိုင်းရင်းသားများဒီမိုကရက်တစ် ပါတီ ရှမ်းပြည်နယ် ကွန်ဟိန်းမဲဆန္ဒနယ်က ကိုယ်စားလှယ် ဒေါ်နန်းဝါနုက မေးမြန်းရာမှာ ပြန်ကြားရေးဝန်ကြီး ဦးကျော်ဆန်းက အဲဒီလို ပြောသွားတာပါ။ Continue reading
တိုင်းရင်းသားကိုယ်စားလှယ်များ လွှတ်တော်ရုံးအစီအစဉ်ဖြင့် ငြိမ်းချမ်းရေး အိတ်ဖွင့်ပေးစာပေးပို့
အံ့ဘုန်းမြတ် (၉ သြဂုတ် ၂၀၁၁) (ဒီဗွီဘီ)
သောတရှင်များရှင်။ တိုင်းရင်းသားလွှတ်တော်ကိုယ်စားလှယ် ၂၃ ဦးက လွှတ်တော်ရုံးတွေရဲ့ အစီအစဉ်နဲ့ ငြိမ်းချမ်းရေးနဲ့ပတ်သက်တဲ့ အိတ်ဖွင့်ပေးစာတစ်စောင်ကို ဒီလ ၈ ရက်နေ့ ရက်စွဲနဲ့ ထုတ်ပြန်ကြေညာပြီး ငြိမ်းချမ်းရေးလိုလားသူတွေကို ရည်ရွယ်ပေးပို့လိုက်ပါတယ်။
ရှစ်လေးလုံး မြန်မာ့ဒီမိုကရေစီရေးလှုပ်ရှားမှု ၂၃ နှစ်ပြည့်မြောက်တဲ့နေမှာပဲ ရွေးကောက်ပွဲအနိုင်ရ ပြည်သူ့လွှတ်တော်နဲ့ အမျိုးသားလွှတ်တော်တွေရဲ့ ကိုယ်စားလှယ် ၂၃ ဦးက လွှတ်တော်ရုံးတွေရဲ့ အစီအစဉ်နဲ့ ဒီငြိမ်းချမ်းရေးအိတ်ဖွင့်ပေးစာကို ထုတ်ပြန်လိုက်တာပါ။
ဒီစာပေးပို့ သူတွေထဲမှာတော့ ကြံ့ခိုင်ရေးပါတီက အနိုင်ရ တိုင်းရင်းသားကိုယ်စားလှယ်တွေ အများစုပါဝင်ပြီး တိုင်းရင်းသားကိုယ်စားလှယ်အချို့သာ ပါဝင်ပါတယ်။ ဒီအိတ်ဖွင့်ပေးစာကို အစိုးရပိုင်ရုပ်မြင်သံကြားလိုင်းတွေနဲ့ သတင်းစာတွေက နေလဲ ဖော်ပြခဲ့ပါတယ်။
ဒီစာထဲမှာတော့ ငြိမ်းချမ်းရေးလိုလားသူများအတွက်လို့ ရည်ရွယ်ဖော်ပြထားပြီး အစိုးရအဆက်ဆက်နဲ့ ပြည်သူတွေက ဒို့တာဝန် အရေးသုံးပါးအပေါ် ရပ်တည်ခဲ့ကြပေမယ့် တိုင်းရင်းသား လက်နက်ကိုင်အဖွဲ့အစည်းတွေဘက်က သံသယလွန်ကဲမှုတွေ၊ အစွန်းရောက်မှုတွေ၊ ဘေးပယောဂ၀င်ရောက် နှောက်ယှက်ခံရမှုတွေ၊ ကတိပျက်ကွက်မှုတွေကြောင့် ငြိမ်းချမ်းရေးဆွေးနွေးပွဲတွေ ပျက်ခဲ့ရတယ်လို့ အဓိက ဖော်ပြထားပါတယ်။
ဒါ့အပြင် သြဂုတ်လ ၂ ရက်နေ့က KIA ထိန်းချုပ်နယ်မြေအတွင်း ဖြစ်ပွားခဲ့တဲ့ ပစ်ခက်မှုတွေနဲ့ပတ်သက်ပြီးတော့လည်း ငြိမ်းချမ်းရေးအတွက် ခြောက်လှန့်မှုတရပ်အဖြစ်လည်း ရေးသားထားပြန်ပါတယ်။
ဒီအခြေအနေတွေကြောင့် ငြိမ်းချမ်းရေးကို အမှန်တတယ်ရရှိလိုရင် ပြည်ထောင်စုကြီးတခုလုံးရဲ့ အကျိုးစီးပွားကိုသာ ရှေ့ရှု့ ဆွေးနွေးမှုအမှန်တွေ လုပ်ဆောင်ကြဖို့ကိုလည်း လွှတ်တော်ကိုယ်စားလှယ်တွေက အလေးအနက် တိုက်တွန်းထားပါတယ်။
ဒီစာထုတ်ပြန်လိုက်တာနဲ့ပတ်သက်ပြီး လက်မှတ်ရေးထိုးသူတွေထဲမှာပါဝင်တဲ့ အမျိုးသားဒီမိုကရေစီအင်အားစုပါတီရဲ့ ပြည်သူ့လွှတ်တော်ကိုယ်စားလှယ် ဒေါက်တာသန်းဝင်းက အခုလို ပြောကြားပါတယ်။
“ကျနော်ဖြေလို့ ရလားမရလား မသိဘူး။ လွှတ်တော်အတွင်းရေးတွေ ဖြစ်နေတော့။ ရေးတာတော့ ငြိမ်းချမ်းရေးအတွက်ပဲ။ အဲဒီဒေသတွေမှာ မအေးချမ်းတော့ ပြည်သူတွေအတွက်က စိတ်ပူစရာဖြစ်တာပေါ့။ တကယ်လို့ အပစ်အခတ်ရပ်တယ်။ ငြိမ်းချမ်းရေး ရတယ်ဆိုရင် နှစ်ဖက် နားလည်မှုရပါစေဆိုတဲ့ စေတနာတခုတည်းနဲ့ လုပ်တာ။”
လွှတ်တော်ကနေပြီးတော့ အန်ကယ်တို့ကို အစည်းအဝေးတွေဘာတွေ ခေါ်ပြီးတော့ ထုတ်ခိုင်းတာလား။ ဒါမှမဟုတ် အန်ကယ်တို့ လွှတ်တော်ကိုယ်စားလှယ်တွေကြီးပဲ သီးခြားအပြင်မှာ တွေ့ဆုံပြီးတော့ ဒါကိုထုတ်ဖို့ စီစဉ်တာလား။ ဘယ်လိုများရှိနိုင်မလဲ။
“အဲဒါက အတွင်းရေးဖြစ်သွားပြီ၊ ကျနော့်အနေနဲ့လည်း ဖြေရခက်တယ်။ တိုင်းရင်းသား ခေါင်းဆောင်တွေ အများကြီးတက်တယ်။ တိုင်းရင်းသား ခေါင်းဆောင်တွေထဲမှာ ကျနော်တယောက်ပဲ တိုင်းရင်းသားခေါင်းဆောင် မပါတာလေ။”
ဒီလို လွှတ်တော်ကိုယ်စားလှယ်တွေရဲ့ တောင်းဆိုချက်တွေအပေါ် အမျိုးသား ဒီမိုကရေစီအင်အားစုပါတီရဲ့ ခေါင်းဆောင် တဦးဖြစ်တဲ့ ဦးခင်မောင်ဆွေကလည်း အခုလို အကြံပြုပြောဆိုပါတယ်။
“ဒေါ်အောင်ဆန်းစုကြည် အပါအ၀င် ကျနော်တို့ တခြားသော နိုင်ငံရေးပါတီတွေရဲ့ လွှတ်တော်ကိုယ်စားလှယ်တွေ အားလုံးအပါအ၀င် တောင်းဆိုနေတာ ဖြစ်ပါတယ်။ အဓိကတော့ အမျိုးသားပြန်လည်သင့်မြတ်ရေးကို ဘယ်လိုရောက်အောင် သွားမလဲဆိုတဲ့ အခြေခံကြီးပေါ်မှာပဲ တည်ပါတယ်။ သဘောကတော့ ပြည်ထောင်စု ညီလာခံလိုဟာမျိုးကို ခေါ်ယူပြီးတော့မှ စားပွဲခုံပေါ်မှာ အားလုံးပါတဲ့ တွေ့ဆုံဆွေးနွေးပြီးတော့မှ တဖက်နဲ့ တဖက် နားလည်ပြီးတော့မှ ကတိက၀တ်တွေကို စာရွက်ပေါ်မှာ အဖြူအမဲ လက်မှတ်ထိုးပြီးတော့ စာချုပ်ချုပ်ဆိုပြီးတော့ နိုင်ငံရေးပြဿနာကို ဖြေရှင်းမှသာလျှင် အပြီးတိုင်ရှိမယ်လို့ ကျနော်တို့ ယူဆထားတာရှိပါတယ်။ အဲတော့ အဲဒီထိ ရောက်အောင် သွားဖို့ နိုင်ငံတော်အစိုးရ အနေနဲ့ ဆောင်ကျဉ်းပေးမယ်ဆိုရင်တော့ ငြိမ်းချမ်းရေးမြင်ကွင်းကို မကြာခင် သိနိုင်မယ်လို့ ထင်ပါတယ်။”
ဒီအိတ်ဖွင့်ပေးစာ အပေါ် အစိုးရမူဝါဒ လွှမ်းမိုးမှုတွေ ရှိနေတယ်လို့လည်း အခြားနိုင်ငံရေးပါတီခေါင်းဆောင်တွေက ဝေဖန်ပြောဆို မှုတွေရှိနေပါတယ်။
ဒီအရင်ကလည်း မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်အပါအ၀င် နိုင်ငံရေးပါတီခေါင်းဆောင်တွေနဲ့ လွှတ်တော်ကိုယ်စားလှယ်တွေက ငြိမ်းချမ်းရေးအတွက် အစိုးရသစ်ကို တွေ့ဆုံဆွေးနွေးအဖြေရှာဖို့ တိုက်တွန်းခဲ့ကြပေမယ့် လည်း အစိုးရဘက်ကတော့ အကောင်အထည်ဖော် ဆောင်ရွက်တာမျိုး မတွေ့ရသေးပါဘူး။
တိုက်ပွဲတွေရပ်ပြီး ဆွေးနွေးရေးလုပ်ဖို့ ဒီမိုကရေစီ မိတ်ဆွေပါတီတွေ ပြောကြား
အံ့ဘုန်းမြတ် (၂၀ ဇွန် ၂၀၁၁) (ဒီဗွီဘီ)
တိုင်းရင်းသားဒေသတွေမှာ မြန်မာ့တပ်မတော်နဲ့ တိုင်းရင်းသား လက်နက်ကိုင်အင်အားစုတွေကြား တိုက်ပွဲတွေ အမြန်ဆုံးရပ်ပြီး ငြိမ်းချမ်းရေးအတွက် တွေ့ဆုံဆွေးနွေးရေးလုပ်ဖို့ ဒီမိုကရက်တစ် အင်အားစု နိုင်ငံရေးပါတီ (၁၁) ပါတီ ပူးပေါင်းဖွဲ့စည်းထားတဲ့ ဒီမိုကရေစီမိတ်ဆွေပါတီတွေကနေ မေတ္တာရပ်ခံ ပြောကြားလိုက်ကြပါတယ်။
ဒီကနေ့မှာ ထုတ်ပြန်တဲ့ ဒီမိုကရေစီမိတ်တွေပါတီ (၁၁) ပါတီရဲ့ ကြေညာချက်မှာ အခုလို ရေးသားဖော်ပြ ပြောကြားလာတာ ဖြစ်ပါတယ်။
ဒါနဲ့ပတ်သက်ပြီး မိတ်ဆွေပါတီ (၁၁) ပါတီရဲ့ ပြောရေးဆိုခွင့်ရှိသူ ဒီမိုကရက်တစ်ပါတီ (မြန်မာ) ရဲ့ ဥက္ကဋ္ဌ ဦးသုဝေက အခုလိုပြောပါတယ်။
“တိုင်းရင်းသားနယ်စပ်တွေမှာ တိုက်ပွဲတွေ အရှိန်နဲ့ ဖြစ်လာတာကို အင်မတန်မှဝမ်းနည်းတယ်။ မဖြစ်စေချင်ပါဘူးဆိုတဲ့ အကြောင်းကိုပဲ ပြောခဲ့တာ။ အဲဒါကြောင့်မို့လို့ ကျနော်တို့ အားလုံးညှိနှိုင်းပြီးတော့ ငြိမ်းချမ်းရေးရအောင် လုပ်ကြပါဆိုတာကို တိုက်တွန်းတာပါ။ သမ္မတကြီးပြောတဲ့ မိန့်ခွန်းထဲမှာလည်း ပါတယ်။ အားလုံးငြိမ်းငြိမ်းချမ်းချမ်းနဲ့ ဖြစ်စေချင်တယ်ဆိုတာ။ အဲတော့ အစိုးရအသစ်အနေနဲ့ ဒီလိုငြိမ်းချမ်းတဲ့နည်းကို ပေးပြီးတော့မှ ဒါဟာတိုင်တိုင်ပင်ပင်နဲ့ လုပ်စေချင်တာပေါ့။ အနှစ်ချုပ်တော့ အခုဟာက ကျနော်တို့ တိုက်တွန်းတယ်ဆိုတာ အဘက်ဘက်က ဝိုင်းပြီးတိုက်တွန်းပြီးပြောရမှာပေါ့။ အားလုံးကောင်းစေချင်တာကိုး။”
ဒီလိုတိုက်တွန်းပြောကြားတာတွေကို အစိုးရအနေနဲ့ အလေးအနက်ထားဖို့ လိုတယ်လို့လည်း ဦးသုဝေက ဆိုပါတယ်။
“ဒီလိုတိုက်ပွဲတွေ ဖြစ်နေတာကြောင့် တိုင်းသူပြည်သားလူထုတွေ အများကြီးနစ်နာရတယ်။ အိုးအိမ်တွေဆုံးရှုံးရတယ်။ အဲဒါတွေကြောင့် ဒါတွေက ပိုကျယ်ပြန့်သွားမယ်ဆိုရင် မကောင်းဘူးပေါ့။ ဒါကြောင့်မို့လို့ အခုကတည်းကနေ ငြိမ်းချမ်းရေးရအောင် ကြိုးစားကြပါလို့ ပြောရတာပါ။ ဒီလိုတိုက်တွန်းတာတွေ များလာတော့ အစိုးရက အရေးတယူတော့ လုပ်လာရမှာပေါ့။ နက်နဲလာရမှာပေါ့။”
ပြီးခဲ့တဲ့ နိုဝင်ဘာ (၇) ရက် ရွေးကောက်ပွဲနေ့ကနေ စတင်ပြီး ကရင်ပြည်နယ်၊ ရှမ်းပြည်နယ်နဲ့ နောက်ဆုံး ကချင်ပြည်နယ်တွေမှာ မြန်မာ့တပ်မတော်နဲ့ တိုင်းရင်းသားလက်နက်ကိုင် အဖွဲ့အစည်းတွေကြား တိုက်ပွဲတွေ ဆက်တိုက်လိုလို ဖြစ်ပွားလာတာနဲ့ ပတ်သက်ပြီး အတိုက်အခံနိုင်ငံရေး အင်အားစုအချို့ကတော့ အစိုးရသစ်ဟာ ငြိမ်းချမ်းရေးကို လိုလားဖွယ်မရှိတာကို ပေါ်လွင်စေစတယ်လို့ ပြစ်တင်ဝေဖန်မှုတွေလည်း ရှိနေပါတယ်။
ဒီလ (၉) ရက်နေ့က စတင်ပြီး ကချင်ပြည်နယ်တွင်း ဖြစ်ပွားနေတဲ့ တိုက်ပွဲတွေကိုရပ်ဖို့ ကချင်လွတ်မြောက်ရေး တပ်မတော် (ကေအိုင်အေ) က ဆန္ဒရှိနေပေမယ့် ပြည်ထောင်စုအစိုးရနဲ့ အမျိုးသားကာကွယ်ရေးနှင့် လုံခြုံရေးကောင်စီတို့က တာဝန်ယူ ကမ်းလှမ်းလာတမျိုးတော့ မရှိသေးပါဘူး။ လက်ရှိအခြေအနေမှာတော့ အဲ့ဒီဒေသတွေမှာ စစ်ပြေးဒုက္ခသည် နှစ်သောင်းလောက်ရှိနေပြီ ဖြစ်ပါတယ်။
ဒီလို တိုင်းရင်းသားဒေသတွေက တိုက်ပွဲတွေနဲ့ ပတ်သက်ပြီး အစိုးရပိုင်မီဒီယာတွေမှာ ဝါဒဖြန့်ချိရေးသားမှု အချို့သာရှိပေမယ့် သတင်းဂျာနယ်တွေမှာတော့ ဒီကိစ္စတွေနဲ့ပတ်သက်ပြီး စာပေစိစစ်ရေးက တင်းတင်းကြပ်ကြပ်ထိန်းချုပ် ပိတ်ပင်ထားပါတယ်။
သမ္မတအစိုးရသစ် ငြိမ်းချမ်းရေးလိုလားဖွယ် မရှိဟုဆို
အံ့ဘုန်းမြတ် ၁၅ ဇွန် ၂၀၁၁ (ဒီဗွီဘီ)
သုံးလနီးပါး သက်တမ်းရှိလာပြီဖြစ်တဲ့ သမ္မတ ဦးသိန်းစိန် အစိုးရသစ်အနေနဲ့ တိုင်းရင်းသား လက်နက်ကိုင် အဖွဲ့အစည်းတွေနဲ့ ပတ်သက်ပြီး အမှန်တကယ် ငြိမ်းချမ်းရေးကို လိုလားဖွယ်မရှိဘူးလို့ တိုင်းရင်းသားပါတီတွေ အပါအဝင် အတိုက်အခံ နိုင်ငံရေးပါတီ ခေါင်းဆောင်အချို့က ဝေဖန် ပြောကြားလိုက်ပါတယ်။
ရွေးကောက်ပွဲကာလအတွင်းက စတင်ပြီး ကရင်ပြည်နယ်၊ ရှမ်းပြည်နယ်နဲ့ ကချင်ပြည်နယ်တွေမှာ မြန်မာ့တပ်မတော်က ထိုးစစ်ဆင် တိုက်ခိုက်မှုတွေကြောင့် ဖြစ်ပွားလာရတဲ့ တိုက်ပွဲတွေကို ထောက်ရှုပြီး ပါတီခေါင်းဆောင်တွေက ပြောကြားလိုက်ကြတာပါ။
လက်ရှိအခြေအနေမှာလည်း ကချင်ပြည်နယ်အတွင်းက ကေအိုင်အေ (ခေါ်) ကချင်လွတ်လပ်ရေးတပ်မတော်နဲ့ မြန်မာ့တပ်မတော်တို့အကြား တိုက်ပွဲတွေဖြစ်ပွားနေချိန်မှာ အရင်နဝတနဲ့ နအဖစစ်အစိုးရလက်ထက်တွေက သဘောတူညီချက်တွေနဲ့ အစိုးရသစ်က လွဲချော်သွားပြီလို့ ပြီးခဲ့တဲ့ရွေးကောက်ပွဲတုန်းက အစိုးရက ပါတီထူထောင်ခွင့် မပေးခဲ့တဲ့ ကချင်ပြည်နယ် တိုးတက်ရေးပါတီ အထွေထွေအတွင်းရေးမှူး ဦးတူးရော်က ဆိုပါတယ်။
“အဓိက သူတို့ပြောခဲ့တာက အခုရွေးကောက်တင်မြှောက်ပြီး တက်လာတဲ့အစိုးရသစ်နဲ့ ဆွေးနွေးပါ။ နိုင်ငံရေးကိစ္စတွေ အဲဒီအခါကျမှ သူတို့နဲ့ဆွေးနွေးပါဆိုပြီး အရင် နဝတ လူကြီးတွေက ပြောထားတဲ့ကိစ္စကတော့ ဖြစ်မလာဘူး။ အခုပြောင်းပြန်ဖြစ်နေတယ်။ စစ်အစိုးရ လက်ထက်မှာတောင်မှ ငြိမ်းချမ်းရေးက တည်တန့်နေခဲ့ပြီးတော့မှ အခု ဒီအစိုးရလက်ထက်မှာမှ ဖြစ်လာတယ် ဆိုတာတော့ တော်တော်လေး ခွကျတယ်။ ပြောဆို ဝေဖန်ဖို့ကလည်း လူတိုင်း သိပြီးသားဆိုတော့ ဘာမှ မဝေဖန်ချင်တော့ဘူး။ အခုအစိုးရက ငြိမ်းချမ်းရေးကို တပ်မတော် အစိုးရလောက် မလိုချင်ဘူး ထင်တယ်။ တပ်မတော်အစိုးရတောင်မှ ငြိမ်းချမ်းရေး နည်းနည်းလိုချင်တယ်။”
ရွေးကောက်ပွဲအနိုင်ရ ရခိုင်တိုင်းရင်းသားများတိုးတက်ရေးပါတီရဲ့ ဥက္ကဋ္ဌ ဒေါက်တာအေးမောင်ကတော့ အစိုးရအနေနဲ့ လက်နက်ကိုင်အဖွဲ့အစည်းတွေအကြား ငြိမ်းချမ်းရေးအတွက် တွေ့ဆုံဆွေးနွေးဖြစ်ဖို့က အရေးကြီးတယ်လို့ ဆိုပါတယ်။
“တိုင်းရင်းသားဒေသတွေမှာ ငြိမ်းချမ်းတဲ့နည်းကို ရှာဖို့အတွက် နှစ်ဖက်တွေ့ဆုံဆွေးနွေးနိုင်ရင်တော့ ပိုကောင်းတာပေါ့။ နှစ်ဖက်ဆွေးနွေးနိုင်အောင် နိုင်ငံရေးအားဖြင့်လည်း ဖြေရှင်းသင့်တာတွေ ရှိမယ်။ စစ်ရေးကြီးပဲ နှစ်ဖက် ခုနလို လက်နက်ကိုင်တဲ့ လမ်းစဉ်နဲ့ပဲ ပစ်ကိုပစ်ဆိုတာမျိုးကို တခြားနည်းလမ်းကို ပြောင်းစေချင်တယ်။ ကျနော်တို့က ငြိမ်းချမ်းစေချင်တယ်။ ငြိမ်းချမ်းမှုရမှပဲ ဖွံ့ဖြိုးနိုင်တယ်။ ဖွံ့ဖြိုးမှပဲ ပြည်ထောင်စုကြီးရဲ့ သွေးစည်းညီညွတ်မှုက ပိုခိုင်မြဲလာမယ်။”
ဒါပေမယ့် အခု ကချင်ပြည်နယ်အတွင်းက တိုက်ပွဲတွေနဲ့ ပတ်သက်ပြီး ပြည်ထောင်စုအစိုးရကိုယ်တိုင်နဲ့ အသစ်ဖွဲ့စည်းထားတဲ့ ကာကွယ်ရေးဦးချုပ်သစ် ဗိုလ်ချုပ်ကြီးမင်းအောင်လှိုင် ဦးစီးတဲ့ အမျိုးသားကာကွယ်ရေးနှင့် လုံခြုံရေးကောင်စီ ကိုယ်တိုင်က ဆောင်ရွက်နေတာ ဖြစ်တယ်လို့လည်း ဦးတူးရော်က မှတ်ချက်ပေး ပြောကြားပါတယ်။
“ဒီစစ်ရေးနဲ့ ပတ်သက်လို့ကတော့ ပြည်နယ်အစိုးရနဲ့ ပြည်နယ်ဝန်ကြီးချုပ်တွေကတော့ တစုံတရာဝင်စွက်ဖို့ကတော့ အခွင့်အလမ်း သိပ်မရှိဘူးလို့ ကျနော်ထင်တယ်။ လုံခြုံရေးကောင်စီနဲ့ ကာကွယ်ရေးဝန်ကြီးဌာနပေါ့လေ၊ ကာကွယ်ရေးဦးစီးချုပ်စသဖြင့် သူတို့ရဲ့ အကြံပေးချက်ပေါ့လေ။ သူတို့ရဲ့ တောင်းဆိုချက်။ သူတို့ရဲ့ တင်ပြချက်ပေါ်မှာ မူတည်ပြီးတော့ နိုင်ငံတော်လုံခြုံရေး ကောင်စီက ဆုံးဖြတ်ချက်ချပြီး တိုက်မှာတို့ ဒါမှမဟုတ် ဆွေးနွေးမှာတို့ အဲလိုမျိုး သူတို့ ဆုံးဖြတ်ကြမယ် ထင်တယ်။”
ဒီလိုတိုင်း ရင်းသားလူမျိုးစုတွေနဲ့ အစိုးရတို့ကြား ဖြစ်ပွားနေတဲ့ ပဋိပက္ခတွေတွေနဲ့ ပတ်သက်ပြီး အမျိုးသားပြန်လည် သင့်မြတ်ရေးအတွက် တိုင်းရင်းသားလူမျိုးစုတွေဘက်က လုပ်ဆောင်စေချင်ပေမယ့် လက်ရှိအစိုးရဘက်က အကောင်အထည်ဖော်ဖို့ လိုအပ်နေတယ်လို့ အဓိကအတိုက်အခံပါတီကြီး တခုဖြစ်တဲ့ အမျိုးသားဒီမိုကရေစီအဖွဲ့ချုပ်ရဲ့ ဗဟိုပြန့်ကြားရေးအဖွဲ့ဝင် ဦးဉာဏ်ဝင်းက ပြောပါတယ်။
“ကျနော့်သ ဘောထားအမြင်ကတော့ အရေးကြီးတာ တိုင်းရင်းသား စည်းလုံးညီညွတ်ရေး၊ ပြည်ထောင်စုစိတ်ဓာတ်၊ ဒီနှစ်ခုနဲ့ ပတ်သက်ပြီးတော့ လက်ရှိအစိုးရက လက်တွေ့ဆောင်ရွက်နေတာ မတွေ့ဘူး။ အဲတော့ ဒီဟာက အားနည်းသွားတဲ့အခါမှာ ခုနလို ပဋိပက္ခက ပွားများလာမယ်။ အဲတော့ ဒီပဋိပက္ခတွေ မပွားအောင်ဆိုရင် ပြည်ထောင်စုစိတ်ဓာတ်နဲ့ တိုင်းရင်းသားစည်းလုံးညီညွတ်ရေးကို ဦးတည်လုပ်ဆောင်ဖို့လိုတယ်လို့ ကျနော်တော့ အဲလိုပဲမြင်တယ်။ အဲတော့ ကျနော်တို့က အခု တိုင်းရင်းသား စည်းလုံးညီညွတ်ရေးနဲ့ အမျိုးသားရင်ကြားစေ့ရေး၊ အမျိုးသားရင်ကြားစေ့ရေး ဆောင်ရွက်မယ်ဆိုရင် ကျနော်တို့ တိုင်းသူပြည်သား အားလုံးလည်း ပါဝင်သင့်တယ်။ ပါဝင်ဖို့လည်း လိုအပ်တယ်။ အဲဒါကို မလုပ်နှိုင်မခြင်းတော့ အခုလို ပဋိပက္ခတွေကတော့ ပွားနေမှာပဲ။ အဲ့ဒီတော့ တိုင်းရင်းသားစည်းလုံး ညီညွတ်ရေးနဲ့ ပတ်သက်လို့ကြည့်ရင် တိုင်းရင်းသားတွေဘက်ကတော့ အပြည့်အဝဆောင်ရွက်မယ်လို့ ကျနော်တို့ မျှော်လင့်တယ်။ အဲတော့ လက်ရှိတိုင်းပြည်ကို အုပ်ချုပ်နေတဲ့ အစိုးရအနေနဲ့လည်း အဲဒီလို ဦးတည်တဲ့ လုပ်ဆောင်မှုတွေ လိုအပ်နေတယ်လို့ ကျနော်အဲဒီလိုပဲ မြင်ပါတယ်။”
၁၉၉၄ ခုနှစ်မှာ ငြိမ်းချမ်းရေးယူခဲ့တဲ့ ကေအိုင်အေက အစိုးရရဲ့ လက်နက်ချရေး တောင်းဆိုချက်ကို ပယ်ချခဲ့ပြီးတဲ့နောက် ပြီးခဲ့တဲ့ရက်ပိုင်းကစတင်ပြီး နှစ်ဘက် တိုက်ပွဲတွေ ပြင်းပြင်းထန်ထန် ဖြစ်ပွားလာတာလည်း ဖြစ်ပါတယ်။
ဗိုလ်ချုပ်မှူးကြီးသန်းရွှေ ကာကွယ်ရေးဦးစီးချုပ်ရာထူးမှ အနားယူမည်ဟုဆို
အံ့ဘုန်းမြတ် ၄ ဖေဖော်ဝါရီ ၂၀၁၁ (ဒီဗွီဘီ)
နိုင်ငံကို ၁၉ နှစ်ကျော် စစ်အုပ်ချုပ်ရေးနဲ့ အုပ်ချုပ်ခဲ့တဲ့ ဗိုလ်ချုပ်မှူးကြီးသန်းရွှေ တပ်မတော်ရာထူးကနေ မကြာခင် အနားယူတော့မယ်လို့ တပ်မတော်ထိပ်ပိုင်းခေါင်းဆောင်တွေနဲ့ နီးစပ်တဲ့ တပ်မတော်အရာရှိဟောင်း တွေက ပြောပါတယ်။
၁၉၉၂ ခုနှစ်ကနေ စတင်ပြီး နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (န၀တ) နဲ့၊ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ (နအဖ) စစ်အစိုးရတို့ရဲ့ ဥက္ကဋ္ဌ၊ ကာကွယ်ရေးဦးစီးချုပ် အဖြစ် ၁၉ နှစ်ကြာ တိုင်းပြည်ကို စစ်အုပ်ချုပ်ရေးနဲ့ အုပ်ချုပ်ခဲ့တဲ့ ဗိုလ်ချုပ်မှူးကြီးသန်းရွှေ မကြာခင် သမ္မတအစိုးရ ဖွဲ့စည်းချိန်မှာ တပ်မတော်ရာထူးကနေ အနားယူပေးတော့မှာ ဖြစ်ပါတယ်။ သူနဲ့အတူ ဒုတိယ ကာကွယ်ရေးဦးစီးချုပ်အဖြစ် တာဝန်ယူထားတဲ့ ဒုတိယ ဗိုလ်ချုပ်မှူးကြီးမောင်အေးလည်း အနားယူတော့မှာ ဖြစ်တယ်လို့ တပ်မတော်ထိပ် ပိုင်းခေါင်းဆောင်တွေနဲ့ နီးစပ်သူ တပ်မတော် အငြိမ်းစားအရာရှိကြီးတဦးက ပြောပါတယ်။
“ဦးသန်းရွှေနဲ့ ဦးအေးနဲ့က နားမယ်လို့ ပြောကြတာပေါ့ဗျာ။ ပြောကြတဲ့ နေရာမှာလည်း တချို့ကျတော့လည်း သူ့မိန်းမ ဒေါ်ကြိုင်ကြိုင်က ဘာဘာညာညာပြောလို့တဲ့ ဆိုတော့ သူတို့က တရုတ်ပြည်လို စစ်ကော်မရှင် ဥက္ကဋ္ဌ ဆိုပြီးတော့များ အဲဒီလိုများ နေမလားပေါ့။ ကျနော်တို့လည်း အဲဒါတော့လည်း မပြောတတ်ဘူး။ သူတို့လည်း အသက် ၈၀ တောင် ရှိနေပြီ။ ၈၀ လောက် ရှိနေပြီပေါ့ဗျာ ဦးသန်းရွှေ ဆိုလို့ရှိရင်။ ဦးအေးဆိုလို့ရှိရင်လည်း စစ်တက္ကသိုလ် အပတ်စဉ် (၁) ပဲဗျာ မရှိဘူး ဆိုရင် ၇၃-၇၄ လောက် ရှိနေပြီး ဦးအေးဆိုလို့ရှိရင်လည်းလေ။ အဲဒီတော့ သူတို့တတွေကတော့ နည်းနည်းပြောမယ်ဆိုရင်တော့ ကျနော်တို့ ကလေးစကား ပြောရရင်တော့ အနိုင်နဲ့ ပိုင်းပြီးတော့ သူတို့က ရှောင်ထွက်တော့မယ် ပုံစံမျိုး ကျနော်တို့က အဲဒီလိုပဲ မြင်တာပဲလေ။”
ဒါ့အပြင် ဖွဲ့စည်းပုံအခြေခံဥပဒေ အခန်း (၅) အုပ်ချုပ်ရေး၊ အစိုးရအဖွဲ့ ဖွဲ့စည်းခြင်း အခန်းအပိုဒ် ၂၀၁ အမျိုးသားကာကွယ်ရေးနှင့် လုံခြုံရေးကောင်စီ ဖွဲ့စည်းခြင်းအခန်းမှာ ပြဋ္ဌာန်းထားတဲ့ အချက်တွေအရ အသစ်ဖြစ်လာတဲ့ နိုင်ငံတော်သမ္မတ ဦးသိန်စိန်က ဦးဆောင်ပြီး အမျိုးသားကာကွယ်ရေးနှင့် လုံခြုံရေးကောင်စီကို ဒုတိယ သမ္မတနှစ်ဦး၊ ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌတွေ၊ ၀န်ကြီး တွေနဲ့အတူ ကာကွယ်ရေးဦးစီးချုပ်တွေက တာဝန်ထမ်းဆောင်ရမယ်ဆိုတဲ့ ပြဋ္ဌာန်းချက်တွေကြောင့်လည်း လက်ရှိ ကာကွယ်ရေဦးစီးချုပ်တွေ အနားယူတော့မှာ ဖြစ်နိုင်တယ်လို့လည်း အခြားနိုင်ငံရေးနဲ့ စစ်ရေးအကဲခက်အချို့က ဆိုပါတယ်။ ဒီလိုအနားယူမယ့် ကာကွယ်ရေးဦးစီးချုပ်နဲ့ ဒုတိယ ကာကွယ်ရေးဦးစီးချုပ် နေရာတွေအတွက် လျာထားမှုတွေလည်း တပ်မတော်အတွင်း သတင်းတွေ ထွက်ပေါ်နေပြီး ဒီနေရာတွေကို ဒုတိယဗိုလ်ချုပ်ကြီး မင်းအောင်လှိုင်နဲ့ ဒုတိယဗိုလ်ချုပ်ကြီး လှဌေးဝင်းတို့ ဖြစ်လာနိုင်ခြေရှိသလို ဒုတိယဗိုလ်ချုပ်ကြီး သူရမြင့်အောင်နဲ့ ဒုတိယဗိုလ်ချုပ်ကြီးကိုကိုတို့လည်း ဖြစ်လာနိုင်ခြေ ရှိနေတယ်လို့ တပ်မတော် ထိပ်ပိုင်းခေါင်းဆောင်တွေနဲ့ နီးစပ်သူတွေက ဆိုပါတယ်။ အဲ့ဒီလို ခန့်မှန်းကြတဲ့ထဲက တပ်မတော်အငြိမ်းစားအရာရှိကြီးကပဲ အခုလို ပြောပါတယ်။
“အဲဒီ ဗိုလ်ချုပ်ကြီး သူရမြင့်အောင်နဲ့ ဗိုလ်ချုပ်ကြီး ကိုကိုက တပ်ချုပ်နဲ့ ဒု-တပ်ချုပ်ဖြစ်မယ်ဆိုတာ ကျနော်တို့ နဂိုတုန်းကတော့ သူတို့ ပထမကတည်းက စာရင်း ပေးပြီးသား။ ပေးပြီးတော့ သူတို့ ၂ ယောက်ကို ရာထူးကို ဘာမှ မလုပ်ဘဲနဲ့ နေရာကို ချန်ထားပြီးတော့ သူတို့ကို မပေးဘဲနဲ့ ကျန်တဲ့လူတွေကို ပေးလိုက်တယ်။ ဗိုလ်ချုပ်မင်းအောင်လှိုင်တို့ ဘာတို့ကို ပေးလိုက်တာ။ သူတို့ကို နေရာပေးပြီးသားတွေ။ ဗိုလ်ချုပ်မင်းအောင်လှိုင်က ပေးပြီးသား၊ သူက အခုဗိုလ်ချုပ်ရွှေမန်းနေရာကို မင်းအောင်လှိုင်ကို ပေးလိုက်ပြီး။ ထည့်ပေး ပြီးပြီပေါ့ဗျာ အဲဒီမှာ သူတို့က ကျန်နေ တာပေါ့ဗျာ။ ကျန်တော့ ရာထူးကလည်း ဒု-ဗိုလ်ချုပ်ကြီး ပေးထားတယ်ဆိုတော့ အဲဒီအထဲမှာ သူရမြင့်အောင်က စစ်တက္ကသိုလ် အပတ်စဉ် (၁၈) က ဖြစ်ဖို့များ တယ်လို့တော့ ကျနော့်ကို အဲဒီလိုပဲ ပြောတယ်။”
အခုအနားယူတော့မယ့် ဗိုလ်ချုပ်မှူးကြီးသန်းရွှေနဲ့ ဒု-ဗိုလ်ချုပ်မှူးကြီး မောင်အေးတို့ဟာ သမိုင်းဝင် ၁၉၈၈ ခုနှစ် ဒီမိုကရေစီအရေးလှုပ်ရှားမှုကို တပ်မတော်က အကြမ်းဖက်ဖြိုခွဲပြီး အာဏာသိမ်းခဲ့စဉ်မှာ ကာကွယ်ရေးဦးစီးချုပ် အဖြစ် တာဝန်ယူခဲ့တဲ့ ဗိုလ်ချုပ်မှူးကြီး စောမောင်နဲ့အတူ ပါဝင်ခဲ့ကြသူတွေဖြစ်ပါတယ်။ ၁၉၉၂ ခုနှစ်မှာတော့ ကာကွယ်ရေးဦးစီးချုပ် ဗိုလ်ချုပ်မှူးကြီးစောမောင်ကို ဖယ်ရှားပြီး ကာကွယ်ရေးဦးစီးချုပ်နဲ့ ဒုတိယကာကွယ်ရေးဦးစီးချုပ်တွေ ဖြစ်လာကြတာဖြစ်ပါတယ်။ ၁၉၉၇ ခုနှစ်မှာတော့ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ န၀တကို ဖျက်သိမ်းပြီး နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ နအဖ အဖြစ် ပြောင်းလဲပြီး အခုအချိန်အထိ အုပ်ချုပ်နေတာ ဖြစ်ပါတယ်။
