Archive for

အမျိုးသားဒီမိုကရေစီအဖွဲ့ချုပ် နိုင်ငံရေးသိပ္ပံသင်တန်း ဖွင့်လှစ်မည်


အံ့ဘုန်းမြတ် ၃၁ မေ ၂၀၁၁ (ဒီဗွီဘီ)

အမျိုးသားဒီမိုကရေစီအဖွဲ့ချုပ်က နိုင်ငံရေးသိပ္ပံသင်တန်းကို မကြာခင် ဖွင့်လှစ်တော့မှာ ဖြစ်ပါတယ်။ သင်တန်းကို ဇွန်လ ၂၀ ရက်နေ့ကနေ ၂၈ ရက်နေ့အထိ တပတ်ကြာ အမျိုးသားဒီမိုကရေစီအဖွဲ့ချုပ်ဌာနချုပ်မှာ ဖွင့်လှစ်မှာလဲ ဖြစ်ပါတယ်။ လူငယ်တွေနဲ့ ပြည်နယ်နှင့်တိုင်းအသီးသီးက အဖွဲ့ချုပ်စည်းရုံးရေး ကော်မတီဝင်တွေအတွက် အရည်အချင်း မြှင့်တင်ရေး အနေနဲ့ အထွေထွေအတွင်းရေးမှူး ဒေါ်အောင်ဆန်းစုကြည်ရဲ့ လမ်းညွှန်မှုနဲ့ ဒီသင်တန်းကို ဖွင့်လှစ်ရတာဖြစ်တယ်လို့ အဖွဲ့ချုပ် ဗဟိုပြန်ကြားရေးအဖွဲ့ဝင် ဦးအုန်းကြိုင်က ပြောပါတယ်။ ပြည်နယ်တိုင်းစည်းရုံးအရေးအဖွဲ့တွေနဲ့ မြို့နယ်စည်းရုံးရေး အဖွဲ့ဝင်တွေထဲက သင့်လျှော်တဲ့ ပုဂ္ဂိုလ် ၄ ဦးစီကို ရွေးချယ်ပြီးတော့ သင်တန်းကို စေလွှတ်ပေးဖို့ ပြည်နယ်တိုင်းအသီးသီးကို အကြောင်းကြားထားပြီးပြီလို့ ပြောပါတယ်။

ဒီနိုင်ငံရေးသိပ္ပံသင်တန်းမှာတော့ ဖွဲ့စည်းပုံအခြေခံဥပဒေနဲ့ သက်ဆိုင်တဲ့ဥပဒေတွေ ဥပဒေကြောင်းဆိုင်ရာ ဆင်ခြင်တွေး ခေါ်ပုံများ၊ သုတေသနထုံး၊ အရှေ့တောင်အာရှနိုင်ငံတွေရဲ့ နိုင်ငံတကာဆက်ဆံရေး၊ နိုင်ငံရေးအသွင်ကူးပြောင်းမှုဆိုင်ရာ သီအိုရီများ၊ ကောင်းမွန်သောအုပ်ချုပ်ရေးစနစ်ရဲ့ အခြေခံများစတဲ့ ခေါင်းစဉ်တွေနဲ့ ပို့ချမှာဖြစ်ပြီး ပြည်ပတက္ကသိုလ် အသီးသီးက ပါမောက္ခတွေကိုယ်တိုင် ပို့ချပေးကြမှာဖြစ်တယ်လို့လည်း ဦးအုန်းကြိုင်က ပြောပါတယ်။

“ဟောင်ကောင်တက္ကသိုလ်နဲ့ စင်ကာပူ အမျိုးသားတက္ကသိုလ်က ဆရာတွေအပါအ၀င် ကျနော်တို့ Institute of Southeast Asian Studies၊ အဲဒီက ပါမောက္ခ တချို့ပါ လာရောက်ပြီးတော့ ပို့ချမှာ ဖြစ်ပါတယ်။ အင်္ဂလိပ်လို ပို့ချမှာ ဖြစ်ပေမယ့် အဖွဲ့ချုပ် တာဝန်ရှိ ပုဂ္ဂိုလ်တွေက မြန်မာလို ပြန်ပေးမှာ ဖြစ်ပါတယ်။”

အမျိုးသာဒီမိုကရေစီအဖွဲ့ချုပ်ကနေ အထွေထွေအတွင်းရေးမှူး ဒေါ်အောင်ဆန်းစုကြည် ပြန်လည်လွတ်မြောက်လာပြီးတဲ့ နောက်ပိုင်း လယ်သမားပညာပေးသင်တန်းနဲ့ သတင်းစာပညာသင်တန်းအပါဝင် အခြားသင်တန်းတွေကိုလည်း ပို့ချ ပေးနေပါတယ်။

Advertisements

ထောင်တွင်း အစာငတ်ခံဆန္ဒပြ တောင်းဆိုချက်များ မလိုက်လျော


အံ့ဘုန်းမြတ် ၃၀ မေ ၂၀၁၁ (ဒီဗွီဘီ)

ဒီလ ၂၂ ရက် နေ့ကစတင်ပြီး အင်းစိန်အကျဉ်းထောင်ထဲက သီးသန့်အကျဉ်းသား (ခေါ်) နိုင်ငံရေးအကျဉ်းသားတွေရဲ့ အစာငတ်ခံ ဆန္ဒပြတောင်းဆိုနေကြတဲ့ အကျဉ်းသားအခွင့်အရေးတွေထဲက အချက် (၆) ချက်ကို ထောင်အာဏာပိုင်တွေက မလိုက်လျောနိုင်ဘူးလို့ ပြောကြားပါတယ်။

ပြည်တွင်းထုတ် ဂျာနယ်အချို့မှာ ဖော်ပြပါရှိလာတဲ့ အင်းစိန်အကျဉ်းထောင်ထဲက နိုင်ငံရေးကျဉ်းသားတွေရဲ့ အစာငတ်ခံ ဆန္ဒပြမှုနဲ့ပတ်သက်တဲ့ အကျဉ်းဦးစီဌာနက ဖော်ပြခိုင်းတဲ့သတင်းတွေမှာ ထောင်အာဏာပိုင်တွေက လုံခြုံရေးနဲ့ ဘဏ္ဍာရေး ဆိုင်ရာအခက်အခဲတွေကို အကြောင်းပြ မလိုက်လျော နိုင်ကြောင်း ပြောကြားထားတာလဲ ဖြစ်ပါတယ်။

ထောင်အာဏာပိုင်တွေရဲ့ ပြောကြားချက်တွေမှာ နိုင်ငံရေးအကျဉ်းသားတွေ တောင်းဆိုချက်တွေထဲက အိပ်ဆောင်တွေ ထဲမှာ ခြင်ထောင်ထားရှိဖို့ ဒါမှမဟုတ် ပန်ကာတပ်ဆင်ပေးဖို့ တောင်းဆိုချက်တွေကို ထောင်လုံခြုံရေးနဲ့ ကုန်ကျစရိတ်များပြားမယ်ဆိုတဲ့အကြောင်း ပြချက်နဲ့ မလိုက်လျောထားပါဘူး။

နောက်တခါ တောင်းဆိုချက်တွေထဲက လူ့ဂုဏ်သိက္ခာနဲ့ လျှော်ညီစွာ စီမံချုပ်လုပ်ထားတဲ့ ထောင်တွင်းသတ်မှတ်ပုံစံ ၀တ်စုံကို ၆ လ တကြိမ် ထုတ်ပေးဖို့ တောင်းဆိုချက်ကိုလည်း ချမှတ်ထားတဲ့ ရန်ငွေထဲကနေ စီစဉ်ပေးနေရတာဖြစ်တာကြောင့် ဒီရန်ပုံငွေဟာလည်း ပြည်သူလူထုဆီက ကောက်ခံထားတဲ့ အခွန်အခတွေဖြစ်တာကြောင့် ထပ်မံတိုးပေးနိုင်မယ့် အခြေအနေမရှိဘူးလို့ ဆိုထားပါတယ်။

စာရေးကိရိယာ တရားဝင်ကိုင်ဆောင်ခွင့်မှာဆိုရင်လည်း စာရေးသားခွင့်က အရင်ကတည်းက ရှိပြီးဖြစ်ပြီး စာရေးကိရိယာ တရားဝင်ကိုင်ခွင့်ကတော့ အရင်တုန်းကတည်းက မရှိတာကြောင့် ထပ်မံတင်ပြပေးမယ်လို့ ဆိုထားပါတယ်။ လျှော့ရက် မခံစားရတဲ့ သီးသန့်အကျဉ်းသားတွေကို သီးသန့်အဆောင်နဲ့ ထားပေးဖို့ တောင်းဆိုချက်ကိုလည်း နေရာအခက်အခဲ ရှိတာကြောင့် မထားပေးနိုင်ကြောင်း၊ ထောင်ဝန်စာတွေ့တဲ့နေရာမှာလဲ လွတ်လပ်စွာပြောဆိုခွင့်ပေးထားပြီး ဖြစ်ပြီး တစုံတရာ ပိတ်ပင်ထားခြင်းမရှိပေမယ့် ထောင်ရဲ့မူဝါဒတွေအရ မှတ်တမ်းထားရှိရေးအတွက် မှတ်တမ်းယူရတာ ဖြစ်တယ်လို့ ထောင်အာဏာပိုင်တွေရဲ့ ပြောကြားချက်တွေက ဆိုပါတယ်။

ဒီလိုထောင်အာဏာပိုင်တွေရဲ့ တစုံတရာ လိုက်လျှောခြင်းမရှိတဲ့ ပြောကြားချက်တွေနဲ့ပတ်သက်ပြီး ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) ရဲ့ အတွင်းရေးမှူး ကိုတိတ်နိုင်က ပြန်လည်ဝေဖန်ပြောကြားလိုက်ပါတယ်။

“ဒီနိုင်ငံရေးအကျဉ်းသားတွေ တောင်းဆိုတဲ့အချက် (၆) ချက်က ကျနော်တို့ အကျဉ်းထောင်လက်စွဲ ဥပဒေမှာပါတဲ့ အတိုင်းပေးဖို့ တောင်းဆိုတာဖြစ်တယ်။ ဒီထက်ပိုပြီး တောင်းဆိုတာ ဘာမှမရှိဘူး။ ဒါကို အချက် (၆) ချက်စလုံး ဆင်ခြေတွေနဲ့ ပြောနေတယ်ဆိုတာကတော့ ဒါကပြည်သူလူထုကို တမင်သက်သက် လှည့်စားတာပဲ။ ဒီလူတွေကို တမင်သက်သက် ဖိနှိပ်ချင်လို့လုပ်တဲ့ အခြေအနေမျိုးပဲ။ သူတို့က အကျဉ်းထောင်ထဲ ထည့်ထားဆိုကတည်းက အကျဉ်းထောင်လက်စွဲ ဥပဒေအရကို အကျဉ်းသားတယောက်အတွက် အကျဉ်းသားရပိုင်ခွင့်ဆိုတာ ရှိကိုရှိရမယ်။ အဲဒါကို လုံခြုံရေးအရ၊ ဘတ်ဂျက်အရဆိုတဲ့ ဖြေရှင်းချက်တွေက လုံးဝအခြေအမြစ်မရှိတဲ့ ဖြေရှင်းချက်မျိုးပဲဖြစ်ပါတယ်။ ဒါကိုမပေးချင်လို့ သူတို့ နည်းမျိုးစုံနဲ့ ကစားနေတာတာပဲလို့ မြင်ပါတယ်။”

အကျဉ်းဦးစီးဌာနက ဖော်ပြခိုင်းတဲ့သတင်းတွေထဲမှာ အစာငတ်ခံဆန္ဒပြသူတွေကို စစ်ခွေးတိုက်ပို့ဆောင်တာ မမှန်ကန်ဘူးလို့ ရေးသားဖော်ပြချက်နဲ့ပတ်သက်ပြီး နေပြည်တော်က စစ်ဆေးရေးအဖွဲ့လာခါနီးမှသာ ပြစ်ဒဏ်ခန်းတွေကို ပြန်ပို့တာဖြစ်တယ်လို့ ကိုတိတ်နိုင်က ထပ်လောင်း အတည်ပြုပြောကြားပါတယ်။ ဒီလို ထောင်တွင်းအစာငတ်ခံဆန္ဒပြ သတင်းတွေကို အကျဉ်းဦးစီဌာနက ညွှန်ကြားရေးမှူးချုပ်ကိုယ်တိုင်က ပြည်တွင်းထုတ်ဂျာနယ်တွေကို ခေါ်ယူပြီး ထည့်သွင်းဖော်ပြဖို့ ပေးအပ်လာတာ ဖြစ်တယ်ပြီး ဒီဂျာနယ်တွေက ကိုယ်တိုင်သတင်းယူခွင့်မရှိပဲ ဖော်ပြပေးရတာသာ ဖြစ်တယ်လို့လည်း သတင်းဂျာနယ် အယ်ဒီတာတဦးက အခုလိုပြောပြထားပါတယ်။

“အကျဉ်းဦးစီးက အဲဒီဂျာနယ်နှစ်စောင်ကိုခေါ်ပြီး အဆင်သင့် ရေးပြီးသား ချပေးလိုက်တယ်။ နောက်ပုံတချို့လည်း ထုတ်ပေးလိုက်တယ်။ ထုတ်ပေးလိုက်တော့ အဲဒီဂျာနယ်နှစ်စောင်က အဲဒါကို ဖော်ပြလိုက်တယ်။ ဖော်ပြတဲ့နေရာမှာ ဇာဂနာ ပုံကော၊ မင်းကိုနိုင်ပုံကော၊ အဲဒါတွေကတော့ သေးသေးလေးတွေပါ။ အခုဟာက အဲလို အဆင်သင့် ပေးလိုက်တာတွေ နည်းနည်းရှိလာတယ်လေ။ သူတို့ရေးပြီးသား တွေချည်းပဲ။ သူတို့ရေးပြီးသားကို လျှပ်တပြက်ကျတော့ အကုန်လုံးဖော်ပြလိုက် တယ်။ အဲ့ဒီမှာဆိုရင်တော့ အစာငတ်ခံဆန္ဒပြတဲ့ အကျဉ်းသားတွေကို စစ်ခွေးတိုက်ကိုပို့တယ်လို့ ပြည်ပမီဒီယာတွေက မှားယွင်းဖော်ပြခဲ့တယ်လို့ ပါပြီးတော့ ဖလားဝါးဂျာနယ်ကျတော့ အဲ့ဒီနောက်ဆုံးပိုဒ်ကို ဖြုတ်ထားတယ်။ စာတွေကတော့ အကုန်အတူတူကြီးပဲ။ အဲဒါကတော့ ပေါ်လစီ သတင်းလို့ ပြောလို့ရပါတယ်။”

အခြားအကျဉ်းထောင်တွေက အစာငတ်ခံဆန္ဒပြတဲ့သတင်းတွေကို ဖော်ပြခွင့်ပေးမလားဆိုတာ စောင့်ကြည့်ရမှာဖြစ်ပြီး အမှန်တကယ်သာ ပွင့်လင်းမြင်သာ မှုရှိမယ်ဆိုရင် ဆန္ဒပြသူတွေနဲ့ မီဒီယာတွေကို တွေ့ဆုံခွင့်ပေးဖို့ လိုတယ်လို့လည်း သူကဆိုပါတယ်။ ပြီးခဲ့တဲ့ရက်ပိုင်းတွေကလည်း အရှင်ဂမ္ဘီရဦးဆောင်တဲ့ ကလေးထောင်က နိုင်ငံရေးအကျဉ်းသားတွေနဲ့ ခန္တီးထောင်က နိုင်ငံရေးအကျဉ်းသား ကိုနေ၀င်းစိုးတို့လည်း အစာငတ်ခံဆန္ဒပြနေကြပါတယ်။

နိုင်ငံရေးသမားအချို့ နိုင်ငံရေးအကျဉ်းသား လွတ်မြောက်ရေး ဆန္ဒပြမည်


အံ့ဘုန်းမြတ် ၃၀ မေ ၂၀၁၁ (ဒီဗွီဘီ)

ပြီးခဲ့တဲ့ ၂၀၁၀ ရွေးကောက်ပွဲမှာ ၀င်ရောက်ယှဉ်ပြိုင်ခဲ့တဲ့ နိုင်ငံရေးသမားအချို့ နိုင်ငံရေးအကျဉ်းသားတွေ လွတ်မြောက်ရေးအတွက် ၂၀၀၈ ဖွဲ့စည်းပုံအခြေခံဥပဒေပါ အခွင့်အရေးတွေအရ ဆန္ဒထုတ်ဖော် တောင်းဆိုကြမယ်လို့ သိရပါတယ်။ ရွေးကောက်ပွဲဝင် လွှတ်တော်ကိုယ်စားလှယ်လောင်း (၄) ဦးက လာမယ့် ဇွန်လ (၅) ရက်နေ့မှာ နှစ်ရှည်ထောင်ဒဏ်တွေ ချမှတ်ခံထားရတဲ့ နိုင်ငံရေးအကျဉ်းသားတွေကို လွတ်ငြိမ်းချမ်းသာခွင့်ပေးဖို့ ဆန္ဒပြ တောင်းဆိုကြမှာပါ။

ဒီလိုဆန္ဒပြတောင်းဆိုကြမယ့်ထဲမှာတော့ သန်လျင်မြို့နယ်က ၀င်ရောက်ယှဉ်ပြိုင်ခဲ့တဲ့ ဒီမိုကရက်တစ်ပါတီ (မြန်မာ) က ဦးစိုးကြည်၊ မင်္ဂလာဒုံမြို့နယ်က ၀င်ရောက်ယှဉ်ပြိုင်ခဲ့တဲ့ မတူကွဲပြားခြင်းနှင့် ငြိမ်းချမ်းရေးပါတီက ဦးနေမျိုးဝေ၊ ဗိုလ်တထောင်မြို့နယ်က ၀င်ရောက်ယှဉ်ပြိုင်ခဲ့တဲ့ အမျိုးသားဒီမိုကရေစီ အင်အားစုပါတီမှ ဦးမင်းအောင်နဲ့ ဒလမြို့နယ်က တသီးပုဂ္ဂလ ၀င်ရောက်ယှဉ်ပြိုင်ခဲ့တဲ့ ဦးဝင်းချိုတို့ ဖြစ်ပါတယ်။ နိုင်ငံရေးအကျဉ်းသားတွေကို လွှတ်ပေးဖို့ ဆန္ဒပြဖို့စီစဉ်ရတာနဲ့ပတ်သက်ပြီး ပါဝင်ဆန္ဒပြမယ့် ဦးဝင်းချိုက အခုလို ပြောပြပါတယ်။

“နိုင်ငံရေးအကျဉ်းသားလို့ လက်ရှိသုံးစွဲနေပြီး အခုသူတို့က မရှိပါဘူးလို့ ငြင်းနေတဲ့ အကျဉ်းသားကိစ္စက အဲဒီအချိန်တုန်း ကတည်းက ဖွဲ့စည်းပုံအခြေခံဥပဒေ အသက်ဝင်ရင် သူတို့က ဒီလိုမျိုးထောင်ကျမယ့်လူတွေ မဟုတ်ဘူးလေ။ အဲတော့အခုက အစိုးရကနေ ဖွဲ့စည်းပုံအခြေခံဥပဒေကစပြီးတော့ အာဏာသက်ရောက်သွားပြီ ပြောတဲ့အတွက် အမှန်တကယ် အာဏာသက်ရောက်ပြီလားဆိုတာကို သိချင်လို့ ဒီအကြောင်းအရာကနေ စရတာပါ။”

နိုင်ငံရေးအကျဉ်းသား လွတ်မြောက်ရေး ဆန္ဒထုတ်ဖော်ခွင့်ပေးဖို့ မြို့တော်ခန်းမရှေ့၊ ရန်ကုန်တိုင်းဒေသကြီး လွှတ်တော်အရှေ့နဲ့ ဘေးဘက်စတဲ့ သုံးနေရာမှာ ပြုလုပ်ဖို့တင်ပြထားပြီး အဲ့ဒီထဲက ရန်ကုန်တိုင်း ဒေသကြီးအစိုးရက ခွင့်ပြုမယ့်နေရာ တနေရာမှာသာ ဆန္ဒထုတ်ဖော်ကြမှာ ဖြစ်တယ်လို့လည်း ဦးဝင်းချိုက ဆိုပါတယ်။

“ရွေးချယ်ပေးတဲ့ နေရာတနေရာမှာသာ လုပ်မှာဖြစ်ပါတယ်။ ဟောပြော ခြင်းလည်း ရှိမှာမဟုတ်ဘူး။ စာဝေမှာနဲ့ အင်တာဗျူးတာကို လက်ခံမယ်လို့ ကျနော်တို့ ရေးထားပါတယ်။ လုံခြုံရေး လေးယောက်နဲ့အထက် တောင်းထားပါတယ်။ နောက်ပြီးတော့ ကျနော်တို့ ဆန္ဒပြသူလေးယောက်အပြင် နောက်ထပ် တဦးတယောက်မှ ၀င်ရောက်ပါဝင် ပူးပေါင်းခြင်းမပြုဘူးလို့လည်း ကျနော်တို့ ပြောထားပါတယ်။”

သူတို့ဟာ ဖွဲ့စည်းပုံအခြေခံဥပဒေပါ အခန်း (၈) နိုင်ငံသား၊ နိုင်ငံသားများ၏ မူလအခွင့်အရေးနှင့် တာဝန်များအခန်း ပုဒ်မ ၃၅၄ (က) (ခ) လွတ်လပ်စွာ ဆန္ဒထုတ်ဖော်ခွင့်နဲ့ ဥပဒေတွေနဲ့အညီ ဆန္ဒပြခွင့်ကို တောင်းဆိုထားကြတာ ဖြစ်ပါတယ်။ ဒါပေမယ့်လည်း ခွင့်မပြုခဲ့ဘူးဆိုရင်တော့ ဖွဲ့စည်းပုံအခြေခံဥပဒေ ဒီအခန်းက ပုဒ်မ ၃၇၈ (က) (ခ) တွေနဲ့အညီ ပြည်ထောင်စုတရားလွှတ်တော်ချုပ်အထိ အဆင့်ဆင့် ထပ်မံတင်ပြတောင်းဆိုပြီး ဖွဲ့စည်းပုံအခြေခံဥပဒေပါ အခွင့်အရေးတွေ ရလာအောင် လုပ်ဆောင်သွားမှာဖြစ်တယ်လို့လည်း ဆန္ဒထုတ်ဖော်မှုကို ဦးဆောင်ပြုလုပ်နေတဲ့ အခြားခေါင်းဆောင် တဦးကလည်း ဆိုပါတယ်။

ဒါ့အပြင် အတိုက်အခံနိုင်ငံရေးအင်အားစုတွေကို တိုင်းပြည်တည်ဆောက်ရေးမှာ ပါဝင်ခွင့်မပေးသမျှ ကာလပတ်လုံး အခုလိုဆန္ဒပြတောင်းဆိုမှုတွေနဲ့ ဆန္ဒပြမှုတွေဟာ ဆက်ရှိနေမှာပဲဖြစ်တယ်လို့ ဦးဝင်းချိုက အစိုးသစ်ကို သတိပေး ပြောကြား လိုက်ပါတယ်။

“အတိုက်အခံ နိုင်ငံရေးသမားလို့ ပြောတဲ့လူအကုန်လုံးက နိုင်ငံတိုးတက်ရေးအတွက် ၀ိုင်းဝန်းလုပ်ဆောင်ချင်တဲ့ လူတွေ ဖြစ်ပါတယ်။ အဲဒီတော့ အဲဒီလူတွေ ထောင်ထဲက လူတွေအပါအ၀င် ကျနော်တို့အပါအ၀င် နိုင်ငံတိုးတက်ရေးအတွက် အားလုံးပါဝင် ဆောင်ရွက်ခွင့်ရှိမယ်ဆိုရင် ဆန္ဒပြတဲ့ကိစ္စတွေနောက်ထပ်ဖြစ်မှာ မဟုတ်တော့ပါဘူး။ အဲတော့ ပူးပေါင်း ပါဝင်ဆောင်ရွက်ခွင့် မရှိရင်တော့ ဒီအကြောင်းအရာမျိုးတွေ နောက်ထပ်လည်း ရှိလာနိုင်ပါတယ်။”

ဖွဲ့စည်းပုံအခြေခံဥပဒေပါ အခန်း(၈) နိုင်ငံသား၊ နိုင်ငံသားများ၏ မူလအခွင့်အရေးနှင့် တာဝန်များအခန်း ပုဒ်မ ၃၅၄ မှာတော့ နိုင်ငံသားတိုင်းဟာ နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး ဒါမှမဟုတ် ပြည်သူတို့ရဲ့ ကိုယ်ကျင့်တရားအကျိုးငှာ ပြဌာန်းထားတဲ့ ဥပဒေတွေနဲ့ မဆန့်ကျင်လျှင် (က) မိမိ၏ ယုံကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင့်၊ ရေးသားဖြန့်ဝေခွင့်၊ ( ခ ) လက်နက်မပါဘဲ ငြိမ်းချမ်းစွာစုဝေးခွင့်၊ စီတန်းလှည့်လည်ခွင့်၊ (ဂ) အသင်းအဖွဲ့ သို့မဟုတ် အစည်းအရုံးများ ဖွဲ့စည်းဆောင်ရွက်ခွင့်၊ (ဃ) တိုင်းရင်းသားလူမျိုး တမျိုးနှင့်တမျိုး သို့မဟုတ် တိုင်းရင်းသားလူမျိုး အချင်းချင်းကို လည်းကောင်း၊ အခြားဘာသာသာသနာကိုလည်းကောင်း ထိခိုက်နစ်နာမှုမရှိစေဘဲ မိမိ ချစ်ခင်မြတ်နိုးသည့် စကား၊ စာပေ၊ ယဉ်ကျေးမှု၊ ကိုးကွယ်သည့်ဘာသာသာသနာနှင့် ဓလေ့ထုံးတမ်းများကို လွတ်လပ်စွာ ဆောင်ရွက်ပိုင်ခွင့်ရှိတယ်လို့ ဖော်ပြထားပါတယ်။

ကြားဖြတ်ရွေးကောက်ပွဲအတွက် စိုးရိမ်ရမည့် အခြေအနေရှိဟု အန်ဒီအက်ဖ်ဆို


အံ့ဘုန်းမြတ် ၂၉ မေ ၂၀၁၁ (ဒီဗွီဘီ)

ရွေးကောက်ပွဲအနိုင်ရ လွှတ်တော်ကိုယ်စားလှယ်တွေထဲက ပြည်ထောင်စုအစိုးရအဖွဲ့ဝင်တွေနဲ့ တိုင်းဒေသကြီး၊ ပြည်နယ် အစိုးရအဖွဲ့ဝင်တွေအဖြစ် တာဝန်ထမ်းဆောင်သွားကြရတဲ့ လွှတ်တော်ကိုယ်စားလှယ်တွေရဲ့ လစ်လပ်နေရာတွေအတွက် ဖြည့်ဆည်းဖို့ မကြာခင်မှာ ကျင်းပလာမယ့် ကြားဖြတ်ရွေးကောက်ပွဲတွေအတွက် စိုရိမ်ပူပန်မိတယ်လို့ အမျိုးသား ဒီမိုကရေစီအင်အားစု အန်ဒီအက်ဖ် ပါတီခေါင်းဆောင် ဦးခင်မောင်ဆွေက ပြောကြားလိုက်ပါတယ်။

အာဏာရကြံ့ခိုင်ရေးပါတီဝင်တွေနဲ့ ပါတီဝင်ဟောင်းတွေပဲ ကျေးရွာ၊ ရပ်ကွက်နဲ့ မြို့နယ်အုပ်ချုပ်ရေးမှူးတာဝန်တွေကို ပြန်လည်ထမ်းဆောင်နေကြတာကြောင့် ပြီးခဲ့တဲ့ရွေးကောက်ပွဲတုန်းကလို အာဏာရပါတီရဲ့ မဲအောင်နိုင်ရေး အတွက် လုပ်ဆောင်ပေးနိုင်မယ့် အခြေအနေတွေ ရှိနေတဲ့အပေါ် ဦးခင်မောင်ဆွေက ပြောကြားလိုက်တာလဲ ဖြစ်ပါတယ်။

“အခုကြားဖြတ်ရွေးကောက်ပွဲပုံစံတွေက နိုဝင်ဘာ ၇ ရက်နေ့ကလို မဟုတ်ဘဲနဲ့ ပိုပြီးတော့ တိတိကျကျ အာဏာပိုင်အဖွဲ့အစည်းတွေက မှန်ကန်ဖို့ လိုပါတယ်။ ကော်မရှင်က ဘယ်လိုပဲ စည်းမျဉ်း ချထားချထား ကျေးရွာ ကောက်စီက အာဏာပိုင် အဖွဲ့အစည်း အဆင့်ဆင့်က မှန်မှန်လုပ်မယ်ဆိုရင်တော့ ကျနော်တို့ နိုင်ခြေတွေတော့ ရှိပါတယ်။ ဟိုးအရင်တုန်းကလို အချိန်နီးတော့မှ ကြိုတင်မဲဆိုပြီး ရောက်လာတာမျိုးတွေ မဖြစ်အောင် ကြိုးစားအားထုတ်ဖို့တော့ လိုပါတယ်။ အခုမှာလည်း ဘာဖြစ်နေလဲဆိုတော့ ရပ်ကွက်တွေမှာရှိနေတဲ့ ပြန်ပြီးတော့ တာဝန်ယူနေတဲ့ ပုဂ္ဂိုလ်တွေက ယခင် ပုဂ္ဂိုလ်တွေများတယ်လို့ အသံတွေကထွက်နေတော့ ကြားဖြတ် ရွေးကောက်ပွဲမှာလည်း စိုးရိမ်စရာ အခြေအနေ ရှိနေတယ်လို့ ကျနော်တို့ တွေးရမှာ ဖြစ်ပါတယ်။”

ဒီလ ၂၈ ရက်နေ့က အမျိုးသားဒီမိုကရေစီအင်အားစုပါတီရဲ့ ပါတီထူထောင်ခြင်း တနှစ်ပြည့်၊ ဗဟိုဦးစီးအဖွဲ့ အစည်းအဝေးအပြီး ကြားဖြတ်ရွေးကောက်ပွဲဝင် ရောက်မယ့် အခြေအနေနဲ့ ပတ်သက်ပြီး ဦးခင်မောင်ဆွေက ပြောကြား လိုက်တာလဲ ဖြစ်ပါတယ်။ ဒါ့အပြင် ဒီမိုကရေစီမိတ်ဆွေပါတီတွေအနေနဲ့ ကြားဖြတ်ရွေးကောက်ပွဲတွေကို စုပေါင်းပြီး ဖြန်သန်းမယ့် ပုံစံတွေကိုလည် ဦးခင်မောင်ဆွေက အခုလို အကြံပြု ပြောဆိုပါတယ်။

“ညှိနှိုင်းရမယ့် အပိုင်းတွေ ရှိတယ်ဗျ။ ဒီမိုကရေစီအင်အားစုကြားမှာ မဲမပြားအောင် စီမံချက်ရှိရှိနဲ့ ပါတီတွေရဲ့ ထောက်ခံမှု ရှိတဲ့နယ်တွေမှာ ကိုယ့်ပါတီကို ထောက်ခံမှုမရှိဘဲ ဇွတ်ဝင်တာမျိုးကလည်း မသင့်တော်ဘူးပေါ့ဗျာ။ သူများပါတီ ထောက်ခံမှုရှိတဲ့နေရာမှာ ကျနော်တို့ပါတီက ဇွတ်သွားပြီးတော့ ငါ့ပေးပါ ဆိုတာမျိုး မလုပ်သင့်ဘူး။ ပြည်သူတွေကို ဒီမိုကရေစီအင်အားစုတွေ လွှတ်တော်ထဲရောက်ဖို့ သာလျှင် အဓိက၊ သူ့ပါတီ ကိုယ့်ပါတီရောက်ဖို့က အဓိကမဟုတ်ဘူးဆိုတဲ့ အခြေခံအပေါ်မှာ စဉ်းစားမယ်ဆိုရင် အဲလိုစဉ်းစားဖို့ အကြောင်း ရှိပါတယ်။”

လက်ရှိအခြေအနေမှာတော့ လွှတ်တော်သုံးရပ်လုံးမှာ လစ်လပ်သွားတဲ့ လွှတ်တော်ကိုယ်စားလှယ် ၄၀ လောက်ရှိပြီး အဲဒီနေရာတွေကိုတော့ ရွေးကောက်ပွဲ ကျင်းပရေးကော်မရှင်ကတော့ တိတိကျကျ စာရင်းထုတ်ပြန်တာမျိုး မရှိသေးပါဘူး။ ကြားဖြတ်ရွေးကောက်ပွဲတွေကို ၂၀၁၁ ခုနှစ် အောက်တိုဘာလ၊ နိုဝင်ဘာလတွေလောက်မှာ ကျင်းပနိုင်လိမ့်မယ်လို့ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌဟောင်း ဦးသိန်းစိုးက ပြီးခဲ့တဲ့ ပြည်သူ့လွှတ်တော်အစည်းအဝေးတွေမှာ ပြောကြားခဲ့ပါတယ်။

မန္တလေးတောင်ပေါ်မှာ ပလတ်စတစ်များ သိမ်းဆည်းရန် လူငယ်များ ပြင်ဆင်


အံ့ဘုန်းမြတ် ၂၉ မေ ၂၀၁၁ (ဒီဗွီဘီ)

လာမယ် ဇွန်လ ၅ ရက်နေ့မှာ ကျရောက်မယ့် “ကမ္ဘာ့ပတ်ဝန်းကျင် ထိန်းသိမ်းစောင့်ရှောက်ရေးနေ့”မှာ မန္တလေးမြို့က လူငယ်တွေစုပေါင်းပြီး မန္တလေးတောင်ပေါ်က ပြန့်ကျဲနေတဲ့ ပလတ်စတစ်တွေလိုက်လံ သိမ်းဆည်းကြဖို့ ပြင်ဆင် နေကြပါတယ်။

မန္တလေးမြို့ပေါ်က ဘာသာပေါင်းစုံက လူငယ်တွေပါဝင်တဲ့ Youth for Social Change Myanmar (YSCM) က ဖွဲ့စည်းထားတဲ့ မန္တလေးလူမှုရေးကွန်ရက် (ကမ္ဘာမြေကြီးကို ချစ်ကြသူများ) က ဒီအစီအစဉ်ကို ဦးဆောင်ပြုလုပ်နေတာ ဖြစ်ပြီး အဲ့ဒီနေ့မှာတော့ မန္တလေးတောင်ခြေက ခြင်္သေကြီးနှစ်ကောင်ရှေ့ကနေ စတင်ပြီး ပလတ်စတစ်တွေကို ကောက်ယူသိမ်းစည်းကြမှာ ဖြစ်ပါတယ်။ ဒီလိုအစီအစဉ် ပြုလုပ်မှာနဲ့ ပတ်သက်ပြီး မန္တလေးလူမှုရေး ကွန်ရက်တာဝန်ခံ လူငယ်တဦးက အခုလို ရှင်းပြပါတယ်။

“မန္တလေးက တော်တော်လေး ညစ်ပတ်နေပါပြီ။ ရေစီးရေလာလည်း မကောင်းတော့ပါဘူး။ ပတ်ဝန်းကျင်တခုလုံးလည်း ညစ်ပတ်နေပါတယ်။ အဲဒီဟာကနေ ကျနော်တို့ လူမှုအဖွဲ့အစည်းတွေက တဒေါင့်တနေရာကနေ ပါဝင်လှုပ်ရှားရင်းနဲ့ နိုင်ငံတော်အစိုးရကလည်း ကျနော်တို့အဖွဲ့တွေရဲ့ လုပ်ဆောင်ချက်ကို မြင်သာထင်သာ ရှိလာပြီးတော့ သူတို့ တကယ် အလုပ်လုပ်လာမယ် ဆိုရင် ကျနော်တို့မြို့က သာယာလှပလာမှာပေါ့။ နောက်တချက်က ပလတ်စတစ်ရဲ့ အန္တရာယ်တွေက တအား ကျယ်ပြန့်တဲ့အတွက် ဒါတွေကို ပညာပေးအစီအစဉ်လေး လုပ်ဆောင်ပြီး ကျနော်တို့ တဖြည်းဖြည်း ဒီလိုပဲ လုပ်ဆောင် လာကြတာပေါ့။”

မန္တလေးက လူမှုရေးလုပ်ငန်းတွေ ၀ါသနာပါတဲ့ ကျောင်းသူကျောင်းသားတွေ၊ ဘာသာရေးအသင်းအဖွဲ့တွေ၊ ၀န်ထမ်းလူတွေ စုပေါင်းပြီး ဒီအစီအစဉ်ကို ဆောင်ရွက်နေကြတာ ဖြစ်ပါတယ်။ ဒါ့အပြင် မန္တလေးမြို့နဲ့ ပတ်ဝန်းကျင်တွေမှာ စိမ်းလန်းစို ပြေဖို့အတွက် စာရေးဆရာညီပုလေးအပါအ၀င် စာနယ်ဇင်းလောကသားတွေနဲ့ အနုပညာ လောကသားတွေလည်း သဘာဝပတ်ဝန်းကျင် ထိန်းသိမ်းစောင့်ရှောက်ရေး အတွက် သစ်ပင်စိုက်ပျိုးတာ၊ အမှိုက်သိမ်းစည်းတာတွေကို ပြုလုပ်လျက် ရှိနေပါတယ်။

Categories

%d bloggers like this: