ဆောင်းပါး, နိုင်ငံရေး

တရားမျှတမှု ဒဿန


“လူသားသည် တရားမျှတမှုဖြင့် ပြည့်စုံနေချိန်တွင် အကောင်းမြတ်ဆုံး သတ္တ၀ါဖြစ်၏။ သို့သော် တရားမျှတမှု ကင်းမဲ့သွားသောအခါတွင်မူ အဆိုးယုတ်ဆုံး သတ္တ၀ါ ဖြစ်သွားတော့သည်”

(အရစ္စတိုတယ်)

ဤလောကတွင် လူတချို့သည် ထားစရာမရှိအောင် ချမ်းသာကြွယ်ဝနေကြသည်။ လူတချို့ကမူ စားစရာမရှိအောင် ဆင်းရဲမွဲတေနေကြသည်။ လူတချို့သည်ရွှေလင်ပန်းနှင့် အချင်းဆေးကာမွေးဖွားလာကြ၏။ တချို့အတွက်မူ မွေးဖွားစဉ်တွင် ပတ်စရာပုဆိုးစုတ်ပင် အနိုင်နိုင် ဖြစ်၏။ လောကကြီးတွင် တရားမျှတမှုဆိုတာ ရှိပါသေးရဲ့လား။ မျှတမှုမရှိတဲ့လောကြီး ၊ မတရားတဲ့လောကကြီးပါလား။ ယင်းမမျှတမှု၊ မတရားမှုတို့အတွက် တစ်စုံတစ်ခုမလုပ်သင့်ဘူးလား။ ဒါမှမဟုတ် ဘာမျှမလုပ်နိုင်ကြတော့ဘူးလား။

တကယ်တော့ ကမ္ဘာလောကကြီးတွင် မညီမျှမှုတို့ဖြင့် ပြည့်လျှမ်းနေ၏။ ယင်းမညီမျှချက်တို့သည် နိုင်ငံတစ် နိုင်ငံချင်းစီ အတွင်း၌လည်းရှိ၏။ တစ်နိုင်ငံနှင့် တစ်နိုင်ငံကြားတွင်လည်း ရှိပေသည်။ ကလေးတချို့သည် ချမ်းသာကြွယ်ဝသော မိဘတို့ထံတွင်  သက်တောင့်သက်သာ ပြည့်ပြည့်စုံစုံဖြင့် မွေးဖွားလာခဲ့ကြပြီး အစာအာ ဟာရဖူလုံပြည့်ဝစွာဖြင့် ကြီးပြင်းလာကာ ပညာသင်ကြားခွင့်ကိုလည်း ကောင်းမွန်စာ ရရှိခဲ့ကြသည်။ ကလေးတ ချို့ကမူ ဆင်းရဲစုတ်ပြတ်စွာဖြင့် ခက်ခက်ခဲခဲ မွေးဖွားလာကြရပြီး အစားအစာချို့ချို့တဲ့တဲ့ ငတ်ငတ်ပြတ်ပြတ်ဖြင့် ကြီးပြင်းလာကြကာ ပညာသင်ခွင့်ကိုလည်း မရနိုင်ရှာကြပေ။ ဤမညီမျှမှုသည် လူသားတစ်ဦးချင်းစီ ကံကြမ္မာ ကိစ္စဖြစ်သည်ဟု ဆိုနိုင်၏။ လူသားတစ်ဦးသည် မိမိမွေးဖွားရာမိဘနှင့် ပတ်သက်၍လည်ကောင်း၊ လူမျိုးနှင့် ပတ်သက်၍လည်ကောင်း၊ နိုင်ငံနှင့်ပတ်သက်၍လည်ကောင်း မည်သို့မျှ ရွေးချယ်ပိုင်ခွင့်ရှိသည် မဟုတ်သည်မှာ လည်း အမှန်ပင်ဖြစ်၏။ သို့သော် ဤသို့သော မွေးရာပါ မညီမျှမှု ဒဏ်ရာဒဏ်ချက်များ နည်းနိုင်သမျှနည်းသွား စေရန်၊ လျော့ပါးစေရန် သက်ဆိုင်ရာလူ့အဖွဲ့အစည်းနှင့် သက်ဆိုင်ရာအစိုးရတို့သည် လုပ်ဆောင်သင့်သည် မဟုတ်ပါလော။

တချို့သော လူမှုမညီမျှချက်များ (Social inequalities) သည် ကံကြမ္မာကြောင့် သူ့အလိုလို ဖြစ်ပေါ် လာသည် မဟုတ်ချေ။ လူ၏ ရည်ရွယ်ချက်ရှိရှိ ဖန်တီးလုပ်ဆောင်ချက် ပယောဂကြောင့် ပေါ်ပေါက်လာကြခြင်း ဖြစ်ပေသည်။ ဥပမာ လူမျိုးရေးခွဲခြားမှုမျိုးဖြစ်၏။ လူမျိုးတစ်မျိုးလုပ်ပိုင်ခွင့်ရသော အလုပ်မျိုးကို အခြားလူမျိုးတို့ အားပိတ်ပင်ထားရှိသည့် ကိစ္စမျိုးဖြစ်၏။ တစ်ချိန်က တောင်အာဖရိကနိုင်ငံတွင် ရှိခဲ့သည့် “အသားမည်းနှင့် ခွေးများဝင်ခွင့်မပြု” ဟူသော ကန့်သတ်ချက်မျိုးဖြစ်၏။ ထိုနည်းတူ ယောက်ျားနှင့် မိန်းမ ခွဲခြားဆက်ဆံခြင်းမှာ လည်း ကံကြမ္မာအကြောင်းမလှလို့ဖြစ်လာသော မညီမျှမှုမဟုတ်ချေ။ လူသားတို့ တမင်သက်သက်ရည်ရွယ်ချက် ရှိရှိ ဖန်တီးမှုကြောင့် ပေါ်ပေါက်လာခဲ့ခြင်း ဖြစ်၏။ အမှန်စစ်စစ် လူဖြစ်တာချင်း အတူတူဆိုလျှင် အရည်အချင်း တူညီပါက တူညီသောအခွင့်အလမ်း ပေးထားပါမှ  တရားမျှတမှု ရှိပေမည်။ ထို့ကြောင့်လည်း အစိုးရအဖွဲ့ အစည်းများအနေဖြင့် လူတိုင်းတူညီသော အခွင့်အလမ်းရရှိစေမှုကို ချမှတ် ပြဌာန်းပေးထားကြသည်များမှာ မင်္ဂလာရှိသော အရာဖြစ်ပေသည်။

သို့သော် ဤသို့တူညီသော အခွင့်အလမ်းရှိနေသော်လည်း လူသားတို့နေ့စဉ်ဘ၀တွင် မမျှတမှုများ မတူညီမှုများ အထင်အရှားကျန်ရှိနေသေးသည်ကို တွေ့ရပေသေး၏။ လူ့အဖွဲ့အစည်းတစ်ရပ်တွင် လူတစ်ဦးနှင့် တစ်ဦး မွေးရာပါဇာတိ အရည်အချင်း တူစေဦးတော့ ချမ်းသာသူတို့သည် ဆင်းရဲသားများထက် ဘ၀တွင်အစ ကောင်းကြပြီး အနှောင်းသေချာမည်သာ ဖြစ်ပေသည်။ ပိုမိုချမ်းသာသော သို့တည်းမဟုတ် အခွင့်အာဏာရှိသော မိသားစုမှပေါက်ဖွားသော သူများသည်မွေးကတည်းက ပိုမိုကောင်းမွန်သော ရေခံမြေခံများ ပိုမိုကောင်းမွန်သောပညာရေးနှင့် ပိုမိုကောင်းမွန်သော လေ့ကျင့်မှုများ ရရှိကြပြီး ပိုမိုကောင်းမွန် သော အလုပ်အကိုင်များကိုလည်း ရရှိနေကြပေသည်။ ဤသို့သော မမျှတမှုများသည် လူမျိုးရေးခွဲခြားမှုနှင့် လိင်ပိုင်းဆိုင်ရာ ခွဲခြားမှုကြောင့် ဖြစ်ပေါ်လာသော ရလဒ်များနှင့်မတူပေ။လူသားတို့၏ရည်ရွယ်ချက်ရှိရှိ ဖန်တီးလုပ်ဆောင်ချက်များ ကြောင့် ဖြစ်ပေါ်လာရသည့် မမျှတမှုမျိုး ဖြစ်သည်ဟူ၍လည်း ပြော၍မရပေ။

ဖွံ့ဖြိုးမှုမရှိသည့်(undeveloped) အာဖရိက၊ အာရှနိုင်ငံများတွင် နိုင်ငံသားအများစုသည် မျိုးဆက်တစ် ဆက်ပြီးတစ်ဆက် ဆင်းရဲတွင်းနက်ခဲ့ကြပြီး လူစကားပြောတတ်သော တိရစ္ဆာန်များဘ၀ပမာ စားရမဲ့၊သောက်ရမဲ့ ဖြစ်နေချိန်တွင် လက်တစ်ဆုပ်စာ အာဏာရှင်တစ်စုနှင့် သူတို့၏အပေါင်းပါ Crony တစ်အုပ် တို့သည် အလျံပယ် ကြွယ်ဝနေ၏။ ကမ္ဘာတွင် အချမ်းသာဆုံးနိုင်ငံဖြစ်သော အမေရိကန်၌ပင် နိုင်ငံသား အများအပြားသည် မိမိတို့၏ ဘ၀ကို စီးပွားရေး မဖူလုံမှု၊ ပညာရေးမပြည့်စုံမှုတို့ဖြင့် အစပြုခဲ့ကြရ၏။ ယင်းတို့အထဲမှ တချို့တ၀က်သာလျှင် ယင်းအခက်အခဲများကို ကျော်လွှားနိုင်ကြပေသည်။ နိုင်ငံသားတိုင်း  အတွက် တူညီသော ဘ၀အစမျိုးကိုမူ မပေးနိုင်ကြသေးပေ။

ယနေ့ကမ္ဘာကြီး၏ အကြီးမားဆုံး မမျှတမှုမှာ ချမ်းသာသော ဖွံ့ဖြိုးပြီးနိုင်ငံများနှင့် ဆင်းရဲသော မဖွံ့ဖြိုး (ဖွံ့ဖြိုးဆဲ) နိုင်ငံများ တနည်းအားဖြင့် အောင်မြင်ထွန်းတောက်သော နိုင်ငံများနှင့် ကျရှုံးနိုင်ငံများ( Failed State) ကြားရှိ ဥစ္စာဓန အဆမတန် ကွာဟချက် ကျန်းမာရေးအခြေအနေ ခြားနားချက် ၊ ပညာရေး အဆင့်အတန်း မတူညီမှုတို့ဖြစ်သည်။ ကမ္ဘာပေါ်ရှိလူများစုတို့သည် ဥရောပ အမေရိကနှင့် ဂျပန်နိုင်ငံတို့ရှိ အဆင်းရဲဆုံးလူများ လောက်ပင် စီးပွားရေး အခြေအနေမကောင်းကြ ၀င်ငွေမရှိကြ၊ ပိုမိုကောင်းမွန်အောင် လုပ်ဆောင်ဖို့အခွင့်အလမ်းလည်း မရှိကြပေ။ ဤသို့သောကြီးမားလှသည့် ကွာခြားချက် မမျှတမှုသည် ထိုနိုင်ငံ အသီးသီး၌ လူဖြစ်လာရသော ကံကောင်းမှု ကံဆိုးမှုအပေါ်တွင်မူတည်သလော၊ သို့တည်းမဟုတ် လူသားတို့၏ ဖန်တီးမှု ပယောဂကြောင့်လော။ ယင်းသို့ပမာဏ ကြီးမားလှစွာသော ခြားနားချက်မမျှတမှုများကို ခလုတ်တိုက်ပြီး တစ်ပြေးတစ်ညီတည်းဖြစ်အောင် လုပ်နိုင်ဖို့ ခဲယဉ်းလှသော်လည်း ခြားနားချက် လျော့ပါးနိုင်သလောက် လျော့ပါးသွားစေရန် လူသားတို့ မစွမ်းဆောင်နိုင်ကြပြီလော။ ဘာလုပ်ကြသင့်သနည်း။

ဤကိစ္စနှင်ပတ်သက်၍ စဉ်းစားရာတွင် အချက်နှစ်ချက်ကို အဓိကထားရပေမည်။ ပထမအချက်မှ မမျှတမှုကို ဖြစ်ပေါ်စေသည့် အကြောင်းတရားနှင့် ပတ်သက်ပြီး နောက်တစ်ချက်မှာ ယင်းမမျှတမှုကို ဖယ်ဖျောက်ရန် သို့တည်းမဟုတ် လျော့ပါးသွားစေရန် လိုအပ်သည့် ကုထုံးနည်းလမ်းဖြစ်ပေသည်။ ပထမ အချက်နှင့် ပတ်သက်သော အဓိကမေးခွန်းမှာ မမျှတမှုကို ဖြစ်ပေါ်စေသည့် မည့်သည့်အကြောင်းတရား အမျိုးအစားများသည် မှားယွင်းနေသနည်း ဟူ၍ဖြစ်၏။ ဒုတိယအချက်ကုထုံးနှင့် ပတ်သက်သော အဓိကမေးခွန်းမှာ မမျှတမှုကို ကုသပေးနိုင်သည့် မည်သည့်နည်းလမ်းများသည် မှန်ကန်သနည်း ဟူ၍ဖြစ်ပေ သည်။

မောင်ကြည်သစ်

ပြည်သူ့ခေတ်ဂျာနယ် အတွဲ ၁ အမှတ်၃၃

၂၄ ဖေဖော်ဝါရီ ၂၀၁၁

About ahuntphonemyat

Journalist.

Discussion

One thought on “တရားမျှတမှု ဒဿန

  1. ကောင်းပါတယ်……အကို့ စာတွေ….

    Posted by မျိုးမျိုးသူ | August 13, 2013, 7:16 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: