စာနယ်ဇင်း, စီးပွားရေး, သတင်း

‘အမ်အာရ်တီဗွီ ၃’ ကို ‘မြန်မာအင်တာနေရှင်နယ်’ ရုပ်သံလိုင်းအဖြစ် ပြောင်းလဲ


‘အမ်အာရ်တီဗွီ ၃’ ကို ‘မြန်မာအင်တာနေရှင်နယ်’ ရုပ်သံလိုင်းအဖြစ် ပြောင်းလဲ

အံ့ဘုန်းမြတ် ၁၁ ဖေဖော်ဝါရီ ၂၀၁၀

http://burmese.dvb.no/news.php?id=9929

(၂၀၁၀ ခုနှစ်၊ ဖေဖော်ဝါရီလ ၁၂ ရက်။ ဒီမိုကရက်တစ်မြန်မာ့အသံ နံနက်ပိုင်းအသံလွှင့်အစီအစဉ်)

ပြန်ကြားရေးဝန်ကြီးဌာန၊ မြန်မာ့အသံနှင့် ရုပ်မြင်သံကြားက ထုတ်လွှင့်နေတဲ့ MRTV-3 အစီအစဉ်တွေကို Myanmar Internatioanl အဖြစ် ဒီနေ့ကစပြီး စတင်စမ်းသပ် ထုတ်လွှင့်နေပါတယ်။ မြန်မာနိုင်ငံရဲ့ တခုတည်းသော အင်္ဂလိပ်ဘာသာ ရုပ်သံလိုင်းဖြစ်တဲ့ MRTV-3 ကို Myanmar Internatioanl သံလိုင်းအဖြစ် ပြောင်းလဲပြီး ဒီနေ့ ဖေဖော်ဝါရီလ ၁၁ ရက်နေ့စတင် စမ်းသပ် ထုတ်လွှင့်နေတာပါ။ လာမယ့် မတ်လ ၂၇ ရက်နေ့မှာတော့ တရားဝင် စတင်ထုတ်လွှင့်မှာ ဖြစ်ပြီး မနက်ပိုင်း MRTV အစီအစဉ် အပြီး မနက် ၉ နာရီကနေ ၁၁ နာရီအထိ ၂ နာရီကြာ ထုတ်လွှင့်မှာ ဖြစ်ပါတယ်။ နိုင်ငံတကာ ဂြိုလ်တုလိုင်းမှာတော့ ဒီအစီအစဉ်ကိုပဲ ၂၄ နာရီ ပတ်လုံး ပြန်လည်ပြသနေမှာ ဖြစ်တယ်လို့ ဒီနေ့ မြန်မာ့အလင်း သတင်းက ဆိုပါတယ်။ ဒီလို ရုပ်သံလိုင်း အစီအစဉ်ကို ပုံသဏ္ဍာန်အသစ်နဲ့ ပြောင်းလဲထုတ်လွှင့်တဲ့အပေါ် ပြည်တွင်းက သတင်းဂျာနယ် အယ်ဒီတာ တစ်ဦးက အခုလိုပြောပါတယ်။

“အဓိကကတော့ တရုတ်ကို ကူးချတဲ့သဘောပါပဲ။ တရုတ်မီဒီယာတွေမှာလည်းရှိတယ်၊ စီစီတီဗွီ၊ ချိုင်းနားဒေးလီး တို့မှာလည်း ဒါလိုမျိုးတွေ အကုန်လုံး ငှားထားတဲ့ ဟာတွေပဲ။ အဲဒီပုံစံအတိုင်း လိုက်လုပ်တာပဲ။ ကျန်တာ သိပ်ထူးထူးခြားခြား မရှိပါဘူး။ ဒီဘောင်ထဲကပဲ သွားရမှာပဲ။ ပရောဖက်ရှင်နယ် သတင်းသမားကိုတော့ ခေါ်မှာ မဟုတ်ပါဘူး။ ပရီစင်တာ (Presenter) ခေါ်တဲ့ သဘောပါပဲ။ အဓိကက သူတို့ဆီက လိုချင်တာက အသံထွက်လောက် လိုချင်တာ။ ဒီက ၀န်ထမ်းတွေ ကြော်ငြာတဲ့ ဟာတွေ တချို့ဟာတွေက အလွဲတွေရှိတယ်။ သရီးမှာ လွင့်တဲ့ဟာတွေ တော်တော်လွဲတယ်လေ။ ဘယ်လိုမှကို နိုင်ငံခြားသားတယောက် နားလည်မှာ မဟုတ်ဘူး။ အဲဒီအတွက်ပဲ လုပ်တာပါ။”

အခုလို အင်္ဂလိပ်ဘာသာအစီအစဉ်ကို တိုးချဲ့ပြောင်းလဲ ထုတ်လွှင့်တာဟာ နအဖ အစိုးရအနေနဲ့ မကြာခင်မှာ ကျင်းပတော့မယ့် ရွေးကောက်ပွဲအတွက် နိုင်ငံတကာကို ၀ါဒဖြန့်ဖို့ ပြင်ဆင်မှု တစ်ခုပဲလို့လည်း ဆိုပါတယ်။ အရင်က ဒီရုပ်သံလိုင်းဟာ ထုတ်လွှင့်ချိန် ၁ နာရီလောက်ရှိပြီး နိုင်ငံခြားသား ခရီးသွားတွေအတွက် ဆွဲဆောင်မှုအဖြစ် မြန်မာ့ရိုးရာယဉ်ကျေးမှုတွေနဲ့ အထိမ်းအမှတ် ပွဲတော်တွေအကြောင်း အဓိကထားပြသပြီး အစီအစဉ်တွေထဲမှာ အစိုးရအာဘော် သတင်းထုတ်ပြန်ချက်တွေကို ထည့်သွင်း တင်ဆက်ခဲ့တာလည်း ဖြစ်ပါ တယ်။ ၀ါရင့်သတင်းစာဆရာကြီး တချို့ကတော့ မြန်မာနိုင်ငံမှာ နိုင်ငံခြားဘာသာနဲ့ ထုတ်လွှင့်နိုင်တဲ့ ဂုဏ်သိကာ ရှိတဲ့ သတင်းဌာနတွေရှိမှသာ မြန်မာပြည်သူတွေ ကြံတွေ့ရင်ဆိုင်နေရတဲ့ အခြေအနေတွေကို ကမ္ဘာက သိရှိနိုင်ကြမှာ ဖြစ်တဲ့အတွက် ပေါ်ပေါက်စေချင်တယ်လို့လည်း သုံးသပ်ပါတယ်။

ဒီလိုပြန် ကြားရေးဝန်ကြီးဌာနလက်အောက်က Myanmar Internatioanl ရုပ်သံလိုင်းအနေနဲ့ အသွင်သဏ္ဍာန်ရော အနှစ်သာရပါ ပြောင်းလဲဆန်းသစ် ထုတ်လွှင့်မယ်ဆိုတဲ့အပေါ် မြန်မာ့သတင်းသမဂ္ဂ ဒုဥကဌ ဦးဇင်လင်းက ခုလို ဝေဖန် လိုက်ပါတယ်။

“အသွင်သဏ္ဍာန်ကော အနှစ်သာရပါ ပြောင်းမယ်လို့ သူတို့ပြောထာတဲ့ ဝေါဟာရအတိုင်း စမ်းစစ်ကြည့် မယ်ဆိုရင် အသွင်သဏ္ဍာန်ဆိုတာက ဘယ်လို ပြောင်းမှာလဲ။ အပေါ်ယံအသွင်သဏ္ဍာန် ပြောင်းတာမျိုး ပြောင်းလို့ကတော့ အလကားပဲလေ။ သူတို့ အနှစ်သာရက ဘာလုပ်မှာလဲ မီဒီယာကို မီဒီယာနဲ့ ပြန်ပြီးတော့ တုံ့ ပြန်ဖို့လုပ်တဲ့ အနှစ်သာရလား၊ သူတို့ ၀ါဒဖြန့်မှာလား။ ဒါမှမဟုတ် နိုင်ငံတကာထိ လွှင့်မယ် နိုင်ငံတကာကလည်း နားထောင်လို့ ရအောင် လုပ်မယ်ဆိုတဲ့ အခါကျတော့ Investment (ရင်းနှီးမြုပ်နှံမှု) အသစ်တွေရအောင် ဖိတ်ခေါ်ဖို့ လုပ်တာလား။ ဒါမှမဟုတ် Tourists ကို စိတ်ဝင်စားလာအောင် လုပ်မှာလား။ ဆိုလိုတာက သူတို့ရဲ့ အကျိုးစီးပွား ရည်ရွယ်ချက်တွေအတွက် အနှစ်သာရမျိုးဆိုရင်တော့ ဒါက အလကားပဲ။”

မြန်မာနိုင်ငံမှာ မြန်မာ့ရုပ်မြင်သံကြား MRTV နဲ့ မြ၀တီရုပ်မြင်သံကြား MWD တို့ရှိပြီး MRTV လက်အောက်မှာတော့ MRTV-4 အခုပြောင်းလဲလိုက်တဲ့ MRTV-3  (Myanmar Internatioanl) စတဲ့ ရုပ်သံလိုင်းတွေ ရှိပါတယ်။ ဒါ့အပြင် ဖျော်ဖြေရေးဦးစားပေး MOVIES-5 ရုပ်သံလိုင်းတချို့ ရှိပါသေးတယ်။ ဒီရုပ်သံလိုင်း အားလုံးဟာ ပြန်ကြားရေးဝန်ကြီးဌာန၊ တပ်မတော် ပြန်ကြားရေးနှင့် ပြည်သူ့ဆက်ဆံရေး၊ အစိုးရ အကြီးအကဲတွေနဲ့နီစပ်တဲ့ စီးပွားရေးလုပ်ငန်းရှင်တွေကပဲ ပိုင်ဆိုင်ကြတာပါ။ လက်ရှိအခြေအနေမှာ ဒီရုပ်သံလိုင်းတွေဟာ ကုန်ပစည်းကြော်ငြာတွေ ကနေ လစဉ်ကျပ်ငွေ သိန်း ၂ ထောင်ကနေ သိန်း ၃ ထောင်ကြား ရရှိနေကြပါတယ်။

Advertisements

About ahuntphonemyat

Journalist.

Discussion

One thought on “‘အမ်အာရ်တီဗွီ ၃’ ကို ‘မြန်မာအင်တာနေရှင်နယ်’ ရုပ်သံလိုင်းအဖြစ် ပြောင်းလဲ

  1. လာဖတ်၏။

    Posted by kom | February 14, 2010, 5:55 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: