အံ့ဘုန်းမြတ်
Archive for
အမေးရှိလို့ ဖြေကြည့်မိတဲ့ အဖြေများ (၁)
အမေးရှိလို့ ဖြေကြည့်မိတဲ့ အဖြေများ (၁)
အံ့ဘုန်းမြတ် (2009 ခုနှစ်။ ဇွန်လ 24 ရက်)
ကျွန်တော်စာမရေးဖြစ်တာကြာပါပြီ။ ဒါပေမယ့် သူငယ်ချင်းတစ်ယောက်နဲ့ အနုပညာနဲ့ ရသပညာအကြောင်း စကားစပ်မိရင်းပြောမိကြတော့ အနုပညာနဲ့စပ်ဆက်နေတဲ့ ရသပညာနဲ့ပတ်သက်တဲ့ ကိုယ့်ထင်မြင် ယူဆချက်လေးတွေကို စာချပြီးရေးချင်စိတ်ပေါ်လာမိလို့ စာရေးဖြစ်ခဲ့ပါတယ်။
ထုံးစံအတိုင်းပေါ့ဗျာ သတ်ပုံတွေမှားမယ် အတွေးအခေါ်တွေက ကသောင်းကနင်းတွေနဲ့ဖြစ်နေမှာပါ။ ဒါပေမယ့် လူငယ်တစ်ယောက်ရဲ့ စည်းကမ်းတကျထွက်ပေါ်လာတဲ့ အတွေးအမြင်တွေပါ။ အကြောင်းအရာတွေနဲ့ပတ်သက်ပြီး သဘောထား မတိုက်ဆိုင်တာတွေရှိရင်လည်း ဝေဖန်အကြံပေးပေါ့။ ဆဲတဲ့ဆိုတဲ့ ကွန်းမန့်တွေကလွဲလို့ ကျွန်တော်တို့က ပွင့်လင်းတဲ့ လူ့အဖွဲ့အစည်းတစ်ခုကို မျှော်လင့်နေကြတဲ့မျိုးဆက်ဆိုတော့ အားလုံးကိုအပြုသဘောဆောင်ပြီး လက်ခံ သွားမှာပါ။
Artist: Dinh Y Nhi Title: Security (5)
(၁) အနုပညာတစ်ရပ် အနုပညာမြောက်တယ် မမြောက်ဘူးဆိုတာကို ဘာနဲ့သတ်မှတ်မလဲ။
ကျွန်တော်ကတော့ အဲ့ဒီအနုပညာလက်ရာတစ်ကို ကြည့်ရူ့သူ ခံစားသူရဲ့ စိတ်ခံစားမှုပေါ်မှာမူတည်တယ်လိုထင်ပါတယ်။ ဒါကြောင့် အနုပညာမြောက်တယ်မမြောက်ဘူးဆိုတာကလည်း ခံစားသူအပေါ်မှာမူတည်ပါတယ်။ ဘာကြောင့်လဲဆိုတော့ မော်ဒန် စာပေမှာ (မက်မွန်ပန်းဆိုတာ နွေဦးရာသီမှာ ပွင့်လေ့ရှိတဲ့ ပန်းတစ်မျိုးပါ၊ အဲ့ဒီပန်းရဲ့ အလှတရားကို နားလည်နိုင်တဲ့လူမှ နွေဦးကို မက်မွန်ပန်းတွေနဲ့ တင်စားတာကို သိနိုင်ပါမယ်။) ဒီလိုပါပဲ အနုပညာဖန်တီးသူ တစ်ယောက်တည်းက လောကအမြင်၊ ရသအမြင်နဲ့ အနုပညာမြင်ရှိနေယုံနဲ့ သူဖန်တီးတဲ့အနုပညာ တွေဟာ တန်ဘိုးရှိတယ်မရှိဘူး သတ်မှတ်လို့မရဘူးပါဘူး။ ခံစားသူဘက်ကလည်း အနုပညာနဲ့ပတ်သက်တဲ့ လောက အမြင်တွေရှိမှ အနုပညာဆိုကိုလက်ခံ ခံစားနိုင်မှာဖြစ်ပါတယ်။ ဆိုတော့ ကျွန်တော်ဆိုလိုချင်တာက ခေတ်သစ်ဂီတမှာ လှိုင်ဦး မော်ရဲ့ သီချင်းတွေကောင်းတယ်ဆိုတာ လှိုင်ဦးမော်သီချင်းတွေကို နားထောင်ဘူးတဲ့သူတွေအတွက်တော့ အမှန်တရားဖြစ်နေနိုင်စေ ပေမယ့် လှိုင်ဦးမော်သီချင်းတွေကို နားမထောင်ဘူးတဲ့လူ တစ်ယောက်အတွက်ဆိုရင်တော့ ဒီကောင်ဘာတွေ ပြောနေလဲ ဖြစ်နေဦးမယ်။ နောက် နေမျိုးရဲ့ ရုပ်ရှင်ဝတ္ထုကကောင်းတယ်လို့ ပြောတာနဲ့ လူ့အဖွဲ့အစည်းတစ်ခုလုံးက နေမျိုးရဲ့ ရုပ်ရှင်ဝထ္ထုကို ကောင်းတယ်လို့ တပြေးညီသတ်မှတ်ကြမှာမဟုတ်ပါဘူး။ အဲ့ဒီတော့ ကျွန်တော်တို့ လူ့အဖွဲ့အစည်းနဲ့ ကျွန်တော်တို့လူမျိုးရဲ့ အနုပညာမှာ ဒိုင်ယာလက်တစ်ဝါဒဟာ လိုအပ်နေ တယ်လို့ထင်ပါတယ်။ အနုပညာရှင်ကလည်း လူ့အဖွဲ့အစည်းမှာ ရသ၊ အနုပညာသက်ဆိုင်တဲ့ လောကအမြင်တွေနဲ့ ပတ်သက်ပြီး စာဖတ်သူ (၀ါ) ပရိသတ်တွေ ရေချိန်မြင့်လာဖို့ ကြိုးစားကြရပါမယ်။
