ကဗျာ

ပလပ်စတစ်အရေခွံ

မြင့်မိုးအောင်

သူမရဲ့ ခန္ဓာကိုယ်ပေါ်က အ၀တ်အားလုံး ကြမ်းပြင်ပေါ်ပုံကျသွားကြပြီ။

ရုပ်ဖျက်ထားတဲ့မုန်တိုင်းတစ်ခုလို တိတ်ဆိတ်တဲ့ခြေလှမ်းတွေနဲ့ သူမ

ငါဆီ ချဉ်းကပ်လာနေရဲ့။။။။။

အဲ့ဒီခဏ၊ ငါ့ကိုငါ မေ့လျော့သွားခဲ့တယ်

သူမ ပြုံးလိုက်ရဲ့

နှင်းဆီပွင့်ဖက်လေးတစ်ခုကို မနက်ခင်းလေပြည်က နိုးထစေသလိုမျိုး

ငါ့နှလုံးသားထဲမတော့ တောမီးလောင်သွားစေမယ့် မုန်တိုင်းတစ်ခုလိုမျိုး

ထားလိုက်၊ ဘယ်သူမှ မငြိမ်းသတ်လိုက်ကြပါနဲ့။။။။။။

သူမရဲ့ အနမ်းတွေကို ငါယုံကြည်တယ်

ကောင်းကင်ဘုံရဲ့ အိပ်မက်တချို့ကို ငါ့နှလုံးသားထဲမှာ စိုက်ပျိုးခဲ့လိမ့်မယ်လို့

ငါ မျှော်လင့်ထားခဲ့တယ်

ရေခဲတောင်တစ်ခုကိုတောင် အရည်ပျော်သွားစေမယ့် နှုတ်ခမ်းတစ်စုံနဲ့

သူမ ငါ့ကိုနမ်းပစ်လိမ့်မယ်လို့။။။။။

တကယ်တော့ ငါထင်သလိုမဟုတ်ခဲ့ပါဘူး

ငါ့နှုတ်ခမ်းတွေက ငါ့ကို ပြန်ပြောနေရဲ့

သူတို့ တကယ်နမ်းရှိုက်လိုက်မိတာက

ပလပ်စတစ်အရေခံတတ်ထားတဲ့ အေးစက်စက်နှုတ်ခမ်းတစ်စုံကိုတဲ့။။။။။။

ရုတ်တရက် တွန်းဖယ်ပစ်လိုက်တဲ့ ငါ့လက်ချောင်းတွေကို

သူမ တအံ့တသြကြည့်နေရဲ့

ပြီးတော့၊ အဖျားတက်တုန်ရီနေတဲ့ မေးခွန်းတွေ

သူမရဲ့ နှုတ်ခမ်းဖျားကနေ ထွက်ကျလာတော့တယ်။။။။။။

မြစ်တွေထက်ရှည်လျားတဲ့ စကားလုံးတွေနဲ့ ငါ ရှင်းပြနေသေးရဲ့

သူမရဲ့ ခန္ဓာကိုယ်ပေါ်ရောက်နေတဲ့

အဲ့ဒီ အေးစက်စက် ပလပ်စတစ်အရေခွံတစ်ခုအကြောင်း

ဒါပေမယ့်၊ သူမကတော့ အခိုင်အမာယုံကြည်နေဆဲပေါ့

ဒါတွေဟာ သူမခန္ဓာကိုယ်ရဲ့ တောက်ပတဲ့အသားစတွေလို့။။။။။။။။

အဲ့ဒီနောက်တော့ သူမရဲ့ကိုယ်ပေါ်က ပလပ်စတစ်အရေခွံတစ်ခုက

သူမနဲ့ ငါ့ကြားမှာ မိုင်ပေါင်းများစွာ ဝေးကွာစေတော့တာပါပဲ။

နောက်ထပ်လည်း နှလုံးသားပေါင်းများစွာ ။။။။။။

မှန်တစ်ချပ်ရဲ့ရှေ့မှာ သူမရပ်နေရဲ့

သူမကိုယ်သူမ စူးစမ်းနေပုံပါပဲ

မျက်နှာပေါ်က အညစ်အကြေးတချို့ကို ရေနဲ့သန့်စင်လိုက်တယ်

ဒါပေမယ့် ဒါဟာ သူမရဲ့ ပလပ်စတစ်အရေခွံကိုတော့

ကွာကျမသွားစေနိုင်ဘူးပေါ့

စိတ်ရှုပ်ထွေးစွာနဲ့ ငါ့ကို တစ်ချက်လှမ်းကြည့်လိုက်ရဲ့

အဲ့ဒီနောက် အရင်နေ့များစွာအတိုင်း အခန်းအပြင်ကို ထွက်သွားတော့တယ် ။။။။။။

သူမ ဘယ်ကိုသွားလိမ့်မယ်ဆိုတာ ငါ မသိဘူး

စာသင်ကျောင်းတွေဆီကိုလား၊ ဒါမှမဟုတ် ဘုရားကျောင်းတွေဆီကိုလား

ရုပ်ရှင်ရုံတွေ၊ ဒါမှမဟုတ် ယဉ်းကျေးမှုအခမ်းအနားတစ်ခုခုဆီ

သူမ ရောက်ရှိနေမှာလား။။။။။။။

သေချာတာတစ်ခုတော့ ငါသိနေရဲ့

သူမပြန်ရောက်လာတဲ့အခါ၊ ပိုပြီးထူထပ်ရှုပ်ထွေးတဲ့ ပလပ်စတစ်အရေခွံတွေ

သူမကိုယ်ပေါ် ကပ်ပါလာမယ်ဆိုတာပါပဲ ။။။။။။။။။။

အခန်းတံခါးဖွင့်သံကြားလိုက်ရတယ်၊ သူမပြန်ရောက်လာပြီထင်ရဲ့

မဟုတ်ဘူး၊ သူမပြန်ရောက်လာတာမဟုတ်ဘူး

ဒါ အေးစက်တဲ့ ပလပ်စတစ်အရေခွံတစ်ခု ပြန်ရောက်လာတာ

နောက်ဆုံးတော့ ငါ ရွံရှာဖူးတဲ့ တခြားသောသူတွေအတိုင်းပေါ့

သူမကိုယ်ပေါ်မှာလည်း ထူထပ်တဲ့ ပလပ်စတစ်အရေခွံတစ်ခုက

အခိုင်အမာရောက်ရှိနေခဲ့ပြီ ။။။။။။။။

သူမလျှောက်လာတယ်။ အိပ်ရာပေါ် လဲကျနေတဲ့ ငါဆီ

သူမပြောနေရဲ့၊ ပလပ်စတစ်အရေခွံတတ်ထားတဲ့ စကားလုံးတချို့နဲ့

သူမနမ်းလိုက်ရဲ့၊ ပလပ်စတစ်အရေခွံတတ်ထားတဲ့ နှုတ်ခမ်းအစုံနဲ့

သူမဖတ်ထားရဲ့

ပလပ်စတစ်အရေခွံတတ်ထားတဲ့ အေးစက်စက်လက်ချောင်းရှည်တွေနဲ့

ပြီးတော့ ငါ့ကိုချစ်နေရဲ့၊ ပလပ်စတစ်အရေခွံတတ်ထားတဲ့ နှလုံးသားတစ်ခုနဲ့ ။။။။။။။

ငါလိုချင်တာ မိတ်ကပ်လိမ်းထားတဲ့ နှင်းဆီပွင့်တွေ မဟုတ်ဘူးလို့

သူမကို အော်ပြောလိုက်မိရဲ့

ပြီးတော့ သူမကိုယ်ပေါ်က ပလပ်စတစ်အရေခွံကို ငါ့လက်ချောင်းတွေနဲ့

ဆုတ်ဖြဲပစ်လိုက်တယ် ။။။။။။။

ဘယ်မှာလဲ

သူမယုံကြည်ထားသလို လူ့ခန္ဓာကိုယ်ရဲ့ သွေးတစ်စက်မှ ထွက်ကျမလာဘူး

ဒါပေမယ့် သူမကတော့

အသားစတွေစုတ်ပြဲသွားသလို နာကျင်စွာအော်ဟစ်နေလေရဲ့ ။။။။။

ပြီးတော့ ငါ့ကိုအတင်းအကျပ် ဖက်တွယ်ထားရင်းက သူမ ငိုကြွေးနေ

နောက်တော့ ငါ့ပုခုံးပေါ် သူမရဲ့ မျက်ရည်တချို့ လိမ့်ဆင်းလာတော့တယ်

ဘယ်လောက် စိတ်ရှုပ်ထွေးစရာပါလဲ

အဲ့ဒီမျက်ရည်စက်တွေကတော့ ပလပ်စတစ်အရေခွံမဲ့တဲ့

လူသားရဲ့ အစစ်အမှန် မျက်ရည်စက်တွေ ဖြစ်နေပြန်ရဲ့ ။။။။။။။။။။။

မြင့်မိုးအောင်

(မှတ်ချက်။ ။ ဆရာမြင့်မိုးအောင်ရေးသားခဲ့သော ၁၉၉၀-၁၉၉၁ မှ ကဗျာများကိုစုစည်းထုတ်ဝေသည့် “အမဲလိုက်အက” ကဗျာစာအုပ်မှ “ပလပ်စတစ်အရေခွံ” ကဗျာကို ပြန်လည်ဖော်ပြထားခြင်းဖြစ်ပါသဖြင့် ကိုးကားချက် ကိုဖော်ပြပြီး လွတ်လပ်စွာ ကူးယူဖော်ပြနိုင်ပါသည်။)

======================

ငရဲပြည်အကြောင်း

အံ့ဘုန်းမြတ်

ဒီနေ့ ငရဲပြည်က ပြန်လာတဲ့ သူငယ်ချင်းတစ်ယောက်က

ပြောလာတယ်……

ငရဲပြည်မှာ

အသားဈေးငါးဈေးပေါတယ်တဲ့….

ငရဲသားချင်းချင်း ကိုယ့်အသားကိုယ်ပြန်စားလို့လေတဲ့ ။။။။

အင်း

အဲ့ဒါက ကဗျာပဲဗျ ။။။။

နောက်ပြီး မျှော်လင့်ချက်တွေလည်း ဈေးပေါတယ်ဗျ..

အငြှီအဟောက်အနံ့တွေထွက်လို့

ဝယ်လိုအားနည်းတာနဲ့

ပုတ်သိုးကုန်တဲ့ မျှော်လင့်ချက်တွေကို

ဘယ်သူမှ ၀ယ်မစားကြတော့လို့လေတဲ့။။။။

ဟားဟး

ဒါတော့ ကဗျာတပုဒ်စာရှိပြီ ။။။။

ဒါပေမယ့် ငရဲပြည်ကို ငရဲပြည်လို့

ဆင်ချင်သိနဲ့ သိနေတာထက်

ငရဲပြည်ကို အာရုံသိနဲ့သိဖို့က ပိုအရေးကြီးတယ် ။။။။

ငရဲပြည်မှာ သားငါးဈေးပေါရတဲ့အကြောင်းအရင်းနဲ့

မျှော်လင့်ချက်တွေ ပုတ်သိုးနေတယ်ဆိုတာ..

ဆင်ချင်သိနဲ့ မသိနိုင်ဘူးလေ..

အာရုံသိနဲ့မှ ခံစားနိုင်မယ်..။။။။

အာရုံသိနဲ့ ငရဲပြည်ကို မခံစားတက်မချင်း

ငရဲပြည်အကြောင်းရေးတဲ့ သတင်းတွေက

သတ္တမကမ္ဘာစစ်ပွဲအကြောင်း

လှမ်းရေးထားတဲ့ သတင်းတွေကို ဖတ်နေရသလို နေမှာပဲ။။။။

======================

ဗုံလုံသီး သို့……………

အံ့ဘုန်းမြတ်

မျှော်လင့်ချက်တွေကို
ခံစားချက်တွေနဲ့ မြှားယူနေကြရတဲ့အချိန်တွေမှာ
မင်းနှလုံးသားဟာ
မာကြောနေလိမ့်မယ်ဆိုတာ
မင်းမျက်ဝန်းတွေက
သက်သေထူပြီးသားပါ ဗုံလုံသီးရေ…….။။

ခရမ်းနုရောင် ပျဉ်းမပန်းတွေ ကြွေကျနေတဲ့
အဲ့ဒီပေတရာလမ်းပေါ်က
မင်းရဲ့ အသက်ရှူသံမျှင်မျှင်လေးကို
ငါ့နားမှာ ကြားယောင်နေမိပါသေးရဲ့…
ငါ့အလွမ်းတွေ ပန်းအဖြစ်တောင် မပွင့်နိုင်သေးဘူး….။

ကျစိမ့်တစ်ခွက် ကိုယ်စီနဲ့
ဖင်ကို သံရိုက်ပြီး ငါတို့ထိုင်နေခဲ့ကြဘူးတဲ့
(အိုင်တီ) နေရက်တွေက (လှည်းတန်း၊ အင်းစိန်လမ်းမရှိ အိုင်တီလက်ဘက်ရည်ဆိုင်)
ဘ၀မှာတော့ အစားထိုးစရာကင်းမဲ့သွားတဲ့
ကွက်လပ်တစ်ခုပဲပေါ့…..။

ငါကိုယ်တိုင်က
ယုံကြည်မှုတပိုင်းတဆနဲ့
လွတ်လပ်မှုတိုက်ပွဲထဲ
မင်းရဲ့တွဲလက်ကို ဆွဲဖြုတ်ရင်း
ခုန်ဝင်ခဲ့မိတာလေ….
အဲ့ဒါ မင်းအတွက်လည်းပါသလို
ငါ့အတွက်လည်းပါတယ်
ယုံကြည်မှုတပိုင်းတဆနဲ့ ထင်ရာဆိုင်းနေကြရတဲ့
ငါတို့ မျိုးဆက်တွေအတွက်လည်းပါတယ် ဗုံလုံသီးရယ်…..။

တစ်ချို့မျှော်လင့်ချက်တွေကို
ခံစားချက်နဲ့မြှားယူ
တစ်ချို့မျှော်လင့်ချက်တွေကိုလည်း
လှောင်ချိုင့်ထဲက ဆွဲမထုတ်နိုင်ကြတဲ့
ငါတို့မျိုးဆက်ရဲ့ သင်္ကေတကို
မင်းနဲ့ သက်သေထူရစေ့မယ် ဗုံလုံသီး….။

စက်တင်ဘာလရဲ့ မိုးရေစက်တွေကြား
ယုံကြည်မှု ခံစားချက်တွေကို
သံပြိုင်ကျူးရင့်ရင်း
မျှော်လင့်ချက် ဆန္ဒတွေပြည့်စုံအောင်ု
အတူတူမြှားယူခဲ့ကြဘူးတယ်နော်……
ဆူးလေဘုရားလမ်းမှာ ကျွတ်ကျန်နေခဲ့တဲ့
မင်းဖိနိပ်လေးတစ်ရံကို
ငါပြန်ကောက်ပေးချင်တယ်
ဗုံလုံသီးရယ်……။

ဗုံလုံသီးရေ…..
ဝင်္ကပါ သီအိုရီတွေထဲ
လူဖြစ်နေကြရတဲ့ ငါတို့ဘ၀မှာ
ယုံကြည်ချက်ဆိုတာ
သောက်နေကျ ဘီယာတစ်ခွက်လောက်တောင်
တန်ဘိုးရှိရဲ့လား…..
ဒီလိုနဲ့
ငှက်ငယ်တွေ အိမ်တန်းပျောက်နေကြတာ
ရပ်စေသား…..။။။

အဲ့ဒီ ခေတ်သစ်ဖန်စီဇာတ်လမ်းတစ်ခုရဲ့
ပြဇာတ်ဆန်ဆန် ဇာတ်လမ်းတစ်ပုဒ်ထဲမှာ
ပြည်လမ်းမကြီးပါတယ်….
စိမ်းလန်းစိုပြေပန်းခြံလေးပါတယ်….
Moon Bakery ပါတယ်….
ကျွန်တော် ကျွန်တော်နဲ့ပြောတက်တဲ့
ပျဉ်းမနားသူ ညိုစိမ့်စိမ့်
ကောင်မလေးတစ်ယောက်ပါတယ်…
နှုတ်ခမ်းပါးပါးလေးပါတယ်….
ရန်ကုန်ဘဆွေပါတယ်…
ကြည်အေးပါတယ်….
လူတန်းစားတိုက်ပွဲတစ်ချို့ရဲ့
သရုပ်မှန်ပန်းချီးကားတွေပါတယ်….
ဖက်ရှင်ဒီဇိုင်နာဖြစ်ချင်တဲ့
လမင်းနဲ့ မြှားယူနေရတဲ့
မင်းရဲ့မျှော်လင့်ချက်တွေပါတယ်လေ……။

ငါမှတ်မိနေသေးတယ်
ဗုံလုံသီးရေ…..
ဆူပွက်ညံနေတဲ့
မော်ဒန်ရောခ့် ဂီတတွေနဲ့
ပြေးလွှားနေတဲ့ မီးရောင်တွေကြားမှာ
စည်းချက်ကျကျ ယိမ်းနွဲ့ပေါက်ကွဲနေတဲ့
မင်းရဲ့ ကကြိုးကကွက်တွေပေါ့…..
ဘ၀ရဲ့ အလိုမကျမှုတွေကို
ငါတို့တွေ ဒီလိုနည်းမျိုးနဲ့
ဖောက်ထုတ်ပစ်နေရတဲ့
လူဖြစ်လာရတာနဲ့တောင် မတန်ဘူး…..။

နောက်ဆုံးတွေ့ဖြစ်ခဲ့တဲ့ညနေက
လှည်းတန်း YKKO ရဲ့ ဒေါင့်တစ်နေရာမှာ
ရီဝေနေနဲ့ ငါမျက်ဝန်းတွေကြည့်ရင်း
ဆုံးဖြတ်ချက်တွေပျက်သားဖို့
အားပေးခဲ့တဲ့ မင်းစကားသံတွေကြားယောင်နေမိတယ်
ဗုံလုံသီးရယ်…..
ငါတို့အသွေးအသားတွေနဲ့ မြှားယူနေကြရတဲ့
မျှော်လင့်ချက်တွေ
ပြည့်စုံပါစေသား…..။

ဗုံလုံသီးရေ…..
စနစ်ဆိုးတစ်ခုရဲ့ ဆန်းသပ်ကာလထဲမှာ
ချအစားခံထားရတဲ့
ယုံကြည်ချက်တွေက
ဗို့အားနည်းနေတဲ့ မီးသီးတစ်လုံးလိုပဲ….
ကိုယ်ကိုယ်ကိုယ် လင်းအောင်တောင်
မနည်းကြိုးစားနေရတာ….
မှောင်မှိုက်နေတဲ့
မင်းမြို့ရိုးကို ငါ အလင်းမပေးနိုင်ခဲ့တာ
ခွင့်လွှတ်ပါ…..

ဒီလိုနဲ့ ဗုံလုံသီးရေ….
နွေဦးလေပြေတွေလည်း
ငါဆီတကျော့ပြန် ရောက်လာခဲ့ပေမယ်
မနှစ်ကလောက် မလှတော့တာတော့ အမှန်ပါပဲ…
မက်မွန်ပန်းတွေလည်း မပွင့်နိုင်သေးလို့
နွေဦးရဲ့ ရသဟာလည်း
ငိုကြွေးဝမ်းနည်းလို့ပေါ့…..
မင်းဆီကိုရောက်လာမယ့် နောက်နောင် နွေဦးတွေမှာတော့
မက်မွန်ပန်းတွေနဲ့
နွေဦးလေပြေတွေက
ငါ့ ညီမရဲ့ နွေဦးတွေ ပီပြင်ပါစေသား….။

နှင်းဆီရနံ့တွေရဲ့ မွှေးထုံသင်းပျံမှုတွေကြားမှာ
ပန်းနုရောင်ပွင့်ဖက်စတွေရဲ့ နူးညံ့သိမ်မွေမှုတွေကြားမှာ
ဖြာကျနေတဲ့ မျှော်လင့်ချက် လရောင်ရဲ့အောက်မှာ
ဆွတ်ပျံကြည်နူးဖွယ် ဘ၀ကို ပိုင်ဆိုင်ပါစေသား……

အံ့ဘုန်းမြတ်
(2009.MARCH 4)

(2009. FEB 27 23:00 PM  ပြည်လမ်းမပေါ်တွင် ကားအက်စီးဒန့်ဖြင့် ဘ၀တပါးကူးပြောင်းသွားသော ညီမငယ် ဗုံလုံသီး ကောင်းရာသုပတိလားစေသား)

======================

နောက်ဆုံးညစာ (၁၉၉၀)

မြင့်မိုးအောင်

(၁)

ရုတ်တရက်၊ ရေခဲသေတ္တာတစ်ခုထဲက အပုပ်နံ့ထွက်လာတယ်။

ဒါက၊ သူ့ကို ပြင်းပြင်းထန်ထန် ထိတ်လန့်တုန်လှုပ်သွားစေတယ်။

အဲ့ဒီမှာ သူနေ့စဉ်စားသုံးနေတဲ့ သူ့မျှော်လင့်ချက်တချို့ ရှိနေလေရဲ့…..။

ဒါတွေကို ဘယ်လိုနည်းနဲ့မှ သူ အစားပြန်မရနိုင်တော့ဘူး။

မျှော်လင့်ချက်တွေ ရောင်းဝယ်နိုင်တဲ့ ဈေးလမ်းမတွေဆီ သူရောက်ခဲ့ဖူးပါရဲ့။

သူတို့အားလုံးဘဲ အညှီအဟောက်တွေကို

အလုအယက် ရောင်းဝယ်နေကြတယ်။

ပြီးတော့…. သူတို့ရဲ့ ညစ်ပတ်တဲ့ စားပွဲတွေပေါ်တင်ပြီး

အငမ်းမရ စားသောက်ပစ်ကြတယ်။

သူတို့အားလုံး ခံတွင်းတွေ့သလောက် အဲ့ဒီညှီစို့တဲ့ မျှော်လင့်ချက်တွေကို

သူကတော့ စက်ဆုတ်ရွံရှာနေခဲ့ပေါ့။

ဘုရားသခင်က သူ့ကို ဘယ်လိုဖန်ဆင်းခဲ့ပါလိမ့်

သူ့အဖို့ မျှော်လင့်ချက်သေးသေးလေးတစ်ခုကို ရဖို့

နှစ်ပေါင်းများစွာ စုဆောင်းခဲ့ရတယ်။

တချို့ဆိုရင်

သူ့ရဲ့ဦးနှောက်ကို အစားလုပ်ပြီး ရက်ပေါင်းများစွာ မျှားယူခဲ့ရတယ်။

တချို့ကိုလရဲ့ မျှောင်နေတဲ့ တဘက်ခြမ်းကနေ သူ တူးဖော်ယူခဲ့ရတယ်။

တချို့ကိုတော့ တစ်ခုထဲသော သူ့အသည်းနှလုံးနဲ့ လဲလှယ်ခဲ့ရတယ်။

အခုတော့ သူမှာကျန်ရှိသမျှ ဒီမျှော်လင့်ချက်အားလုံး ပုပ်သိုးကုန်ပြီတဲ့။

နောက်ထပ်လဲယူဖို့ သူမှာ ဘာမှမကျန်တော့ပါ။

ဈေးပေါတဲ့ မျှောင်လင့်ချက်အညှီအဟောက်တွေဆီကိုများ သူသွားရမလား။

ဒါလည်း ဖြစ်နိုင်မယ် မထင်ပါ။

ပွင့်နေတဲ့ ရေခဲသေတ္တာကိုကြည့်ရင်း သူရဲ့နောက်ဆုံးညစာကို

ဘယ်လိုပြင်ဆင်ရမလဲဆိုတာ သူ စဉ်းစားနေတော့တယ်…..။

(၂)

ပြတင်းပေါက်တံခါးကို ဖွင့်လိုက်တဲ့အခါ ပြိုကျနေတဲ့ သူ့ရဲ့နန်းတော်ကို

မီးတောက်တွေထဲမှာ တွေ့လိုက်ရတယ်။

သူအခိုင်အမာတည်ဆောက်ထားခဲ့သမျှ အရာအားလုံး

မြေပြင်ပေါ်မှာ လဲပြိုနေကြရပြီ။

အချက်ပြခေါင်းလောင်းသံတွေက သူ့ဆီကို အော်ဟစ်ပြေလွှားလာကြတယ်…။

မကြာခင် သူရပ်နေတဲ့ ကြမ်းပြင်တစ်ခုလုံး ကျွံကျသွားပေတော့မယ်…။

ကောင်းကင်မှာတော့ သူ့ရဲ့အနာဂတ်ဟာ ရွှေတောင်ပံအသစ်တစ်စုံနဲ့

လဆီကို ပျံသန်းနေဆဲပေါ့….

ဒါပေမယ့် သူကြည့်နေဆဲမှာပဲ မုဆိုးတချို့ပစ်ခတ်လိုက်တဲ့ မြားဒဏ်ရာနဲ့

နန်းတော်ရဲ့အမိုးတစ်ခုပေါ် လဲကျသေဆုံးသွားတော့တယ်…..။

(၃)

“ကကြ၊ ကလိုက်ကြ”

သူ့ပါးစပ်က ရေရွတ်လိုက်တဲ့အခါ မျက်နှာဖုံးစွပ်ထားတဲ့ သူ့အိပ်မက်တွေက

ရူးသွပ်တဲ့အကနဲ့ သူ့ကိုဖော်ဖြေကြတော့တယ်……

အခုတော့ သူ့အခန်းတံခါးတွေအားလုံး အပြီးအပိုင်ပိတ်ပစ်လိုက်ခဲ့ပြီ…

အချက်ပြခေါင်းလောင်းသံတွေလည်း သူ့ဆီရောက်မလာနိုင်တော့ဘူးပေါ့…

ပြိုကျနေတဲ့ နန်းတော်ဆိုတာလည်း မရှိခဲ့သလိုမျိုးပေါ့….

သူ့မှာ တံခါးတွေအလုံပိတ်ထားတဲ့

အနက်ရောင်အခန်းလေးတစ်ခုသာကျန်ရှိတော့တယ်…

နာရီတွေအားလုံးရပ်တန်းနေတဲ့

အခန်းကျဉ်းလေးတစ်ခုကိုပဲ သူပိုင်ဆိုင်နိုင်တော့တယ်…..။

ပျင်းရိတဲ့အချိန်တွေမှာတော့ မိုးတိမ်တွေဖြန့်ခင်းထားတဲ့ အိပ်ရာခုတင်ပေါ်မှာ

သူလဲလျှောင်းနေတတ်တယ်…

ပြီးတော့… ဟောင်းနွမ်းနေတဲ့ လိမ်ညာနည်းတချို့နဲ့ လုံးထွေးရစ်ပတ်ရင်းက

အိပ်မက်အကျိုးအပဲ့ကိုသာ ဖန်ဆင်းနေရပေါ့…..။

(၄)

ရုတ်တရက်၊ သင်္ချီုင်းဂူဟောင်းတစ်ခုက သူ့ရှေ့မှာပေါက်ကွဲသွားတယ်

ရပ်နေတဲ့ သူ့နာရီတွေကလည်း ကမ္ဘာလောကရဲ့အချိန်ဆီကို

ချက်ခြင်းခုတ်မောင်းသွားကြတယ်…။

မီးခိုးငွေတွေရဲ့ကြားမှာ

ပုပ်ပွနေတဲ့အလောင်းကောင်တစ်ခုက သူ့ကိုပြုံးပြနေတယ်…။

ဒါ၊ သူကိုယ်တိုင် မြေမြှုပ်သင်္ဂြီုလ်ခဲ့တဲ့

ရုပ်ပျက်ဆင်းပျက်နဲ့ သူ့ရဲ့အတိတ်ကာလပေါ့….။

သူနားမလည်နိုင်ပါ

ဟောင်းနွမ်းဆွေးမြေတဲ့အရာတွေကို သူတို့ဘာကြောင့် တူးဖော်နေကြသလဲ…

သေဆုံးပြီးသားအရာတွေကို ဘာကြောင့်များ အသက်သွင်းချင်ကြသလဲ…

သူ တိတ်တဆိတ် ကြောက်ရွံ့ထိတ်လန့်နေခဲ့တဲ့ သူရဲ့မှားယွင်းမှုတစ်ခုက

သူ့ကိုဒဏ်ခတ်ဖို့ ရောက်ရှိလာခဲ့ပြီ….။

သူ ဘယ်လိုနည်းနဲ့မှ ဖုံးကွယ်မထားနိုင်တော့ပါ။

ပုပ်သိုးနေတဲ့ မျှော်လင့်ချက်များ၊ ပြိုကျနေတဲ့ နန်းတော်…

မြားဒဏ်ရာနဲ့ သူ့အနာဂတ်၊ အားလုံး သူ့ရှေ့ကို ပြန်လည်ရောက်ရှိလာကြတယ်…

သူ့ကို ကခုန်ပြီးဖျော်ဖြေခဲ့ကြတဲ့ သူ့အိပ်မက်တွေလည်း

အခန်းထောင့်တစ်ခုမှာ စုပြုံပြီး ငိုကြွေးနေကြပေါ့….။

သူ ငြင်းဆန်ကန်ကျောက်နေဆဲ….

အတိတ်ကာလအလောင်းကောင်ရဲ့ ချွန်ထက်တဲ့လက်ချောင်းတွေက

သူ့လည်မြိုပေါ် နစ်ဝင်သွားတဲ့အခါ

ခါးသက်နီရဲတဲ့ အမှန်တရားဟာ သူ့ပါးစပ်ပေါက်ကျဉ်းကျဉ်းလေးထဲကနေ

ပျို့အန်ပြီး ထွက်ကျလာရတော့တယ်…။

မြင့်မိုးအောင်

(မှတ်ချက်။ ။ ဆရာမြင့်မိုးအောင်ရေးသားခဲ့သော ၁၉၉၀-၁၉၉၁ မှ ကဗျာများကိုစုစည်းထုတ်ဝေသည့် “အမဲလိုက်အက” ကဗျာစာအုပ်မှ “နောက်ဆုံးညစာ” ကဗျာကို ပြန်လည်ဖော်ပြထားခြင်းဖြစ်ပါသဖြင့် ကိုးကားချက် ကိုဖော်ပြပြီး လွတ်လပ်စွာ ကူးယူဖော်ပြနိုင်ပါသည်။)

======================

ဘုရားခေတ်က ကလေးတစ်ယောက်၏ မျက်လုံး

(၁)

နာမကျန်းသော ခန္ဓာကိုယ်မှာ

လွတ်လပ်ရေးကျောက်တိုင်တစ်တိုင် စိုက်ထူဖို့၊

သွေးကြောအပိုတွေကို ဖျက်ဆီးပစ်ဖို့၊

မိန်မတစ်ယောက်နဲ့

လိင်ဆက်ဆံမှုအနုပညာအကြောင်းပြောဖို့၊

ဒီတိုင်းပြည်က

သတ္တိနည်းသူနဲ့ ဥာဏ်နည်းသူများဖတ်ဖို့

ဒီကဗျာကို ရည်ရွယ်လိုက်ပါရဲ့..။

(၂)

ရိုင်းပြတဲ့ခေါ်သံနဲ့

ခေတ်ရဲ့ ပညာရှိကြီးများခင်ဗျား.

ဂျင်းရှပ်ကို သိပါသလား၊

ဆိုဖီရဲ့ ကမ်ဘာကို ဖတ်ဖူးပါသလား၊

ဒါလီရဲ့ အရည်ပျော်နေတဲ့ နာရီတွေကို

ကြည့်ဖူးပါသလား၊

လမ်းပေါ်မှာ ဆာလောင်နေတဲ့ ကလေးတွေနဲ့

မျှော်လင့်ချက်အကြောင်း ဆွေးနွေးဖူးပါသလား။

တတိကမ္ဏာ

တတိယလှိုင်း

တတိယလိင်

အိုငါတို့ဟာ ယဉ်ကျေးမှုစစ်ပွဲမှာ

မရှုမလှ ရှုံးနိမ့်ခဲ့ပါပြီ။

ဒီနေ့ရဲ့ကောက်ကွေးတဲ့ မြစ်ကမ်းဘေး

ငါထိုင်ငေးနေမိတယ်၊

အရင်တုန်းက လူငယ်တွေဟာ

ဆံပင်ရှည်နဲ့၊ တက်တူးနဲ့၊

ရော့ခ်အင်ရိုးလ်နဲ့

အခုလူငယ်တွေက

ဟစ်ဟော့နဲ့၊ စိတ်ကြွဆေးနဲ့၊

ဆံပင်ရောင်စုံနဲ့.

တူတာတစ်ခုက

တော်လှန်ရေးကို သူတို့မေ့နေခဲ့ကြတယ်

ဆင်ခြင်တုံတရားဟာ

လျှာပြတ်နေတဲ့ ဂီတမှာ

အရိုးပေါ် အရေတင်ပဲ။

နားလေးနေသော အဖိုးအိုပဲ။

(၃)

ငါတို့မျိုးဆက်ရဲ့

ပါရမီရှင်များ

သူရဲကောင်းများ

အမည်နာမများ

ဝင်းဖေတဲ့

မောင်ချောနွယ်တဲ့

ခင်ဝမ်းတဲ့

တင်မိုးတဲ့

ဖော်ဝေးတဲ့

မင်းကိုနိုင်တဲ့

ထူးအိမ်သင်တဲ့

လှသန်းတဲ့

ရွှေဘုန်းလူတဲ့

မိုးသီးဇွန်တဲ့

ပိုင်သတဲ့

ရက်စက်သော နှလုံးသားတွေနဲ့

စစ်ဖိနပ်သံများနဲ့

ထောင်နံရံပေါ်က ပဲ့တင်သံနဲ့၊

အမှန်တရားဟာလည်း

လွယ်လွယ်လေးပဲ စုတ်ပြဲသွားခဲ့တယ်။

စာသင်ခန်းထဲက မိန်းကလေးတွေလည်း

နိုက်ကလပ်များဆီ ထွက်ခွာသွားကြပေါ့။

ချာတိတ်တွေ

ချဲထီးရောင်းသူရောင်း

ဘောလုံးပွဲလောင်းသူလောင်း၊

ယူနီဖောင်းဝတ်တချို့က

ဇိမ်ခန်းမှာ စီးကရက်ခဲနေရဲ့..။

ဒီလိုအခြေအနေတွေမှာ

ငါက ကဗျာရေးလိုက်

ခဲပြားတွေကို မီးရှို့လိုက်

ကမ္ဏာာကြီးကို အမဲလိုက်.လိုက်

ဖြစ်တည်မှုပဓာန၀ါဒကို အရသာခံလိုက်.

ခေတ်ကြီးကလည်း

အပြောင်းအလဲမြန်လွန်းတယ်၊

မနေ့တုန်းက ၀န်ကြီးချုပ်ဟာ

ဒီနေ့တော့ ၁၀၉၊ ၁၁၀။

(၂၆) နှစ်လုံးလုံး ပြည်သူတွေကို

ခပ်တည်တည် လိမ်ညာခဲ့သူကြီးလည်း

ရန်ကုန်မြစ်ထဲမှာ နိဂုံးချုပ်ခဲ့ပြီ။

မျက်စိတစ်မှိတ်

လျှပ်တပြက်မှာပဲ

အရာရာဟာ လူသားဆန်စွာ ကျဆုံးခဲ့ပြီ

(၄)

သူရဲကောင်းတိုင်းဟာ

ရိုးသားမှုရှိလိမ့်မယ်လို့ ငါယုံတယ်၊

မရိုးသားသူဆိုတာ

ဘယ်တော့မှ သူရဲကောင်းမဟုတ်ဘူး

ပွင့်လင်းလွတ်လပ်တဲ့ လူ့ဘောင်ကို

ထူထောင်ရမယ်၊

ပညာရှင်တွေအခန်းကဏ္ဍဟာ

ကြီးကျယ်ခမ်းနားရမယ်၊

ဖျက်ဆီးခံထားရတဲ့ ပညာရေးစနစ်ကို

ပြန်တည်ဆောက်ရမယ်၊

သွေးစွန်းခဲ့သော သမိုင်းစားမျက်နှာတွေအတွက်

ကျောင်းသားသမဂအလံကို

ငါတို့ ဦးညွှတ်ကြရမယ်။

ဘရာဇီးဟာ

ဘောလုံးသမားတွေ ထုတ်လုပ်တယ်၊

ဗင်နီဇွဲလားဟာ

ကိုယ်ဟန်ပြမယ်တွေ ထုတ်လုပ်တယ်၊

ငါတို့ကရော

ဘာတွေကို ဘယ်လို ထုတ်လုပ်ပြီး

ခမ်းနားတဲ့လူ့အဖွဲ့အစည်းဆီ ချီတက်ကြမလဲ။

(၅)

ကိုလံဘီယာ ကုတ်ကင်းဘုရင် ကားလို့စ်က

ကုတ်ကင်းဟာ တတိယနိုင်ငံများအတွက်

အဏုမြူဗုံးတဲ့။

ရုရှားအာဏာရှင် ခရူးရှက်က

နိုင်ငံရေးဆိုတာ

အညစ်ပတ်ဆုံး မီးဖိုချောင်ပဲတဲ့။

အကြမ်းဖက်သမား အိုစမာဘင်လာဒင်က

မြင့်မြတ်သော ဘာသာရေးစစ်ပွဲကို

ဆင်နွှဲရမယ်တဲ့၊

အားလုံးဟာ ကိုယ့်အမှန်တရားနဲ့ကိုယ်

လှပနေတာပဲ.ဲ။

ရန်ကုန်ဟာ ဘဂဒက်လို

အဆောက်အအုံ မပျက်ဆီးတာကလွဲရင်

ကျန်တဲ့ ပျက်ဆီးမှုက

ဘယ်သူမှ လိုက်မမီတော့ဘူး

အာရှဂုဏ်ဆောင် ငြိမ်းချမ်းရေးနိုဗယ်ဆုရှင်

အမျိုးသမီးယောက်နဲ့

ငရဲသားတွေမွေးမြူထားတဲ့ စစ်တပ်ဟာ

ကြည့်လို့တော့ ကောင်းနေပါပြီ

(၆)

နိုင်ငံတကာအရေးအခင်းများ၊

အပေါစား ကျော်ကြားမှုများ၊

မအောင်မြင်သော အာဏာသိမ်းပွဲများ၊

နန်းကျဘုရင်လို စိတ်ဓာတ်များ၊

တူညီဝတ်စုံနှင့် လူပြိန်းများ

သင်တို့သွေးသားဟာ

ကြေးစားဆန်လှချည်လား.။

ဟိုးအဝေးကြီးဆီမှာ

အမြင့်ပျံငှက်တစ်ကောင်

မီးလောင်နေတဲ့ အရေပြားပေါ်

မွေးထားတဲ့ ဒဏ်ရာတစ်ခု၊

သွေးဆာနေသော ဓားမြောင်တစ်ချောင်း၊

သေနက်ပြောင်းတွေကို

မကြာခဏ ချောင်းကြည့်တတ်တဲ့ မျက်လုံးတစ်လုံး၊

ကဗျာဆရာလုပ်ဖို့

အားလုံးကို ကြက်ခြေခတ်ထားသူတစ်ယောက်

သူ့မှာ စိတ်ဓာတ်ကလွဲလို့

ကျန်တာဘာမှမရှိဘူး။

ပြီးတော့

အကြောက်လွန်နေတဲ့ ပြည်သူတွေကို အားမရဘူး

ဘယ်လိုဖြစ်ဖြစ်

မုန်တိုင်းတွေကို ငါချစ်မိပေါ့.။

(၇)

ရန်လိုနေသော အနုပညာနဲ့

ဘုရာသခင်ရဲ့ ဟန်ဆောင်မှုနဲ့

သွေးပြန်ကြောထဲက အနီရောင်မိန်းမတစ်ယောက်နဲ့

အာခေါင်ကို မီးမြှိုက်ထားသောကဗျာတွေနဲ့

ငါ့ခေတ်ကို

ငါပြဌာန်းရမယ်.။

နောင်အခါ

ယုံကြည်မှုအသားတံဆိပ်နဲ့ ငါ့မျက်နှာကို

လူငယ်တွေက

တီရှပ်မှာ ရိုက်ဝတ်ကြပါစေ။

(၈)

ထူးဆန်းသော လိပ်ပြာတစ်ကောင်

အနက်ရောင်သွေးစက်များ

အစဥအလာအခက်အခဲတွေ

ကြယ်ရောင်၊ လရောင်တချို့နဲ့

လူသားဟာ

နှစ်ကာလတို့ကို ဖြတ်ကျော်လာခဲ့ပြီ

ကိုးကွယ်မှုများစွာ

အယူအဆများစွာ

မုန်းတီးခြင်းများစွာမှ

တစ်နေ့တော့ ဖြစ်လာမှာပါ..အထိ

ငါက တင်ဆက်နေမိတယ်

ဖြစ်နိုင်မယ်ဆို

မြန်မာနိုင်ငံမြေပုံကို

ငါပြန်ပြင်ချင်တယ်။

မန်ချက်စတာယူနိုက်တက်အသင်းမှာ

နည်းပြလုပ်ချင်တယ်။

ယက်ဖ်တူရှင်ကိုနဲ့

လက်ဆွဲနှုတ်ဆက်ချင်တယ်။

နီးကိုးကစ်မင်းရဲ့ လိင်ဆန္ဓအတွက်

တစ်ညလောက် အဖြည့်ခံဖြစ်ချင်တယ်။

ထစ်ချုန်းနေတဲ့ မနက်ဖြန်တွေမှာ

ခေတ်ကို ဦးဆောင်သော ကဗျာများနဲ့

ကမ္ဏာ့မြို့ကြီးတွေကို ကြေငြာလိုက်ပါရဲ့။

အပျော်တမ်း ဖဲကစားဖို့

အပျော်တမ်း ငရဲသွားဖို့

အပျော်တမ်း တော်လှန်ရေးလုပ်ဖို့.။

(၉)

အလိုဟိုမှာ

ဘုရားခေတ်က

ကလေးတစ်ယောက်ရဲ့ မျက်လုံးနဲ့

ငါ့ကို သူတို့

ချောင်းကြည့်နေကြရဲ့……

ဒဗလျူအမ်တီ (DEC,2004)

======================

ဖြောင့်ချက်အနှေး

သော်ဒီဝေ

ရူပဗေဒဘာသာစကားအရ

စက်၏သာရည်ခပ်ညံ့ညံ့

နံရံမှာ ချိတ်ဆွဲထားတဲ့

ချိုင်းနားမိတ် တိုင်ကပ်နာရီဟာ

သူ့စကန့်တံအရွေ့ကို

ရင်ကွဲမတတ်

တအားအော်မြည်

တွန်းတွန်းပြီး တင်နေရတယ်…..

ငါ့အနုပညာက…

ဒီလိုပါပဲ…အထနှေးတယ်….

မောဟစိတ်ခပ်များများ

တစ်ခါတစ်ခါ….

မစ္ဆရိယလည်းများများ

ကိုက်ခဲမှ ကဗျာရေး….

ပိုက်ဆံမရှိမှ ပန်းချီရေး….

အချစ်ရှိမှ သီချင်းရေး….

ဒဂုံမြို့သစ်တောင်ပိုင်းကိုပြေးတဲ့

စစ်ကြိုခေတ် (၃၄)

ဗိုက်ပူဘတ်စ်ကားကြီးထက်

ငါ့အနုပညာက…ပိုလို့

နှေးသေးရဲ့….။။။။

သော်ဒီဝေ

(မှတ်ချက်။ ။ 2009 ခုနှစ်၊ ဖေဖော်ဝါရီလထုတ်၊ အမှတ် (၂) အတွဲ (၁) “လှိုင်းသစ်” မဂ္ဂဇင်းတွင်ဖော်ပြပါရှိသော ဆရာသော်ဒီဝေ၏ ဖြောင့်ချက်အနှေး ကဗျာကို ပြန်လည်တင်ပြ ထားခြင်းဖြစ်ပါသည်။)

======================

ကိုယ်တို့တစ်ခေတ်

ကြည်ဇော်အေး

အဆက်စပ်မဲ့တဲ့ ဘ၀တွေကလို့ အော်လိုက်

အာခေါင်နွေးလာပြီ

ဂစ်တာအိုးထဲမှာ တစ်တိုင်ကျန်သေးတယ်

ကမ္ဘာမြေကြီး

ဘယ်လိုသာယာနေတယ် ကိုယ်မသိတော့ဘူးလို့ အော်လိုက်

အရေပြားပေါ်က အရုပ်တွေလှုပ်လာပြီ

ပြီးရင် ရေတိုက်ထား

ထပ်အော်

ကုန်ဖလှယ်သလို ဈေးကစားပြီး မင်းဘ၀ကိုဆောက်တည်လို့

မီးသီးတွေကျွမ်းကုန်ပြီ

အပျောက်ဆွဲလိုက်တော့

ပြီးရင်

နွေလယ်နေရဲ့လမ်းဟာ ရက်စက်လွန်းတယ်လို့အော်စမ်း

အခန်းတံခါးတွေ တဒိုင်းဒိုင်းပိတ်ကုန်ပြီ

ပလိန်းသာရိုက်လိုက်

နောက်ထပ်

အချစ်ဟာ ခါးခါးခါးလို့အော်

နောက်ထပ်

ကျဉ်းမြောင်းတဲ့ ရုပ်ကမ္ဘာကို

စိတ်အားနဲ့ဖြတ်ကျော်ရင်းလို့ သံကုန်အော်

ကြိုးတွေပြတ်ကုန်ပြီ….။

ကြည်ဇော်အေး

(မှတ်ချက်။ ။ 2009 ခုနှစ်၊ ဖေဖော်ဝါရီလထုတ်၊ အမှတ် (၂) အတွဲ (၁) “လှိုင်းသစ်” မဂ္ဂဇင်းတွင်ဖော်ပြပါရှိသော ဆရာကြည်ဇော်အေး၏ ကိုယ်တို့ခေတ် ကဗျာကို ပြန်လည်တင်ပြ ထားခြင်းဖြစ်ပါသည်။)

======================

ဒီနေ့ကျေးလက်

မောင်စိမ်းသစ်

နေပူဆာ ၀၀လှုံနိုင်တဲ့

ဟောဒီ ဂုဏ်သရေရှိ ကျေးလက်မှာ

ပင်အပ်ကမ္ဘာနဲ့ မဟာမိတ်ဖြစ်ခဲ့တဲ့

ဆောင်းဥတုစစ်စစ်ကြီး ရှိတယ်….။

ငံရမှာကို လုံးလုံးမေ့ပစ်လေ့မရှိတဲ့

ချွေးစက်စစ်စစ်တွေရှိတယ်…။

သစ်ပင်ချုံထိပ်ဖျားတွေမှာ

အပျံစားသီးနေတဲ့

စာဗူးတောင်း စစ်စစ်ကြီးတွေလည်းရှိတယ်…။

ကောက်ရိုးပန်းပန် ရွာစည်ရိုးဆီမှာ

ညနေရီ ချိုးကူသံစစ်စစ်ရှိတယ်….။

ဟောဟိုရွာဦင်္း မူးကြီးရိုးလက်တံမြောင်းမှာတော့

ထနောင်းကိုင်းခြောက် စစ်စစ်တွေရှိနေလေပေါ့…။

နောက်ပြီးတော့

ထောပတ်ပဲပြု ငရုတ်သီး ငပိထောင်းစစ်စစ်နဲ့

မန်းကျဉ်းရွက်ချဉ်ရည်ဟင်းစစ်စစ်လည်းရှိရဲ့…..။

မောင်စိမ်းသစ်

(မှတ်ချက်-၂၀၀၇ ခုနှစ်၊ ဖေဖော်ဝါရီလထုတ်၊ အတွဲ (၂၃)၊ အမှတ် (၂) “ရုပ်ရှင်တေးကဗျာမဂ္ဂဖင်း” တွင် ဖော်ပြပါရှိခဲ့သော ဆရာမောင်စိမ်းသစ်၏ “ဒီနေ့ကျေ်းလက်” ကဗျာကို ပြန်လည် ကူးယူဖော်ပြထားခြင်းဖြစ်ပါသည်။)

======================

ရေဦး

မျိုးနေနွယ်

ငါ့ရဲ့မြစ်ဖျားခံရာ

ငါ့ငယ်သွားများ ကျိုးခဲ့ရာ

ငါကျန်ခဲ့တဲ့ခြေရာ….။

လေကောင်းလေသန့်တွေက

ငါ့ကိုလာနမ်းတော့

ငါ့မှာလတ်ဆတ်ရ….။

ရေဦး မူးရေမှာ ရေတွေကူးခဲ့ကြ

ကမ်းနဖူးမှာ မြေလူးငှက်လို

မြေမှာလူးခဲ့ကြ….။

နာရီစင်၊ ပန်းခြံ၊ ဈေး

မြင်သမျှကြားသမျှမှာ

သွားတက်များပေါ်အောင်ကြည်နူးရ…။

အဝေးပြေးကားပေါ်

ချိန်ခွင်လျှာများ ခေါင်းငိုက်စိုက်ကျလို့

မုံရွာလမ်းက တမာတောဟာ

ငါ့ကိုမေ့ဆေးထိုးလိုက်ဖို့ရာ

သတိမေ့လို့

ရေဦးဟာ

ငါ့ငယ်သွားများ ကျိုးခဲ့ရာ….။

မျိုးနေနွယ်

(မှတ်ချက်။ ။ ၂၀၀၇ ခုနှစ်၊ ဖေဖော်ဝါရီလထုတ်၊ အတွဲ (၂၃)၊ အမှတ် (၂) ရုပ်ရှင်တေးကဗျာရသစုံမဂ္ဂဇင်းမှ ကူးယူဖော်ပြသည်။)

======================

လူစိမ်း

ဝေမှူးသွင်

ရွေ့လျားကမ်းခြေတစ်ခုလို

ကာလသုံးပါးစလုံး

ငှက်တွေနဲ့ ပျော်ရွှင်နေချင်တယ်….။

ဘယ်ကလာတာလဲ

ဘယ်သူနဲ့တွေ့ချင်လို့လဲ

ဘယ်ကိုသွားဦးမှာလဲ

ရှိသမျှမေးခွန်းတွေ

ငါဆီစုပုံရောက်လာရဲ့….။

ခွင့်လွှတ်ပါနှင့်

တခြားသောအဓိပ္ပာယ်များထံ

ဒိုင်ဗင်ထိုးခလိုက်ပါတယ်….။

ပြီးတော့

ခပ်တည်တည်နဲ့ မျက်နှာလွှဲလိုက်

လမ်းလျှောက်လိုက်

ဘ၀တစ်ပါးက မိတ်ဆွေဆီ စာရေးလိုက်…

ကိုယ့်ကိုယ်ကိုယ်လည်း

ရုပ်ဖျက်ထားတဲ့ဘုရားသခင်လို့

ခံယူထားပြီးပြီ….။

ဒါက ငါ့ဖို့

ဟောဒါ မနက်ဖြန်နံနက်နေထွက်ရင်

တွေ့ရမယ့် ငါ့အရိပ်ဖို့….။

ဝေမှူးသွင်

(မှတ်ချက်။ ။ ၂၀၀၇ ခုနှစ်၊ ဇွန်လထုတ်၊ အမှတ် ၂၇၀ ၊ မဟေသီမဂ္ဂဇင်းတွင် ဖော်ပြပါရှိခဲ့သော ဝေမှူးသွင်ရဲ့ လူစိမ်းကဗျာကို ကျွန်တော်ခံစားချက်နဲ့ တိုက်ဆိုင်လို့ မူရင်အတိုင်း ပြန်လည်တင်ပြပေးလိုက်ရပါတယ်။)

======================

အနိစမမြဲခြင်းတရားရဲ့ ရှေ့မှာ

အံ့ဘုန်းမြတ်

အချစ်ကို ချစ်ကြသူတွေထဲ

အလှတရားကို ချစ်ကြသူတွေထဲ

အနုပညာကို ချစ်ကြသူတွေထဲ

အမှန်တရားကို ချစ်ကြသူတွေထဲ

သစာတရားကို ချစ်ကြသူတွေထဲ

ကျုပ်…..

တစ်ယောက်လောက်အဖြစ်ပါရစေ….။

အချစ်ကို မုန်းကြသူတွေထဲ

အလှတရားကို မခံစားတက်ကြသူတွေထဲ

အနုပညာကို မချစ်တက်ကြသူတွေထဲ

အမှန်တရားကို ဖုံးကွယ်ထားကြသူတွေထဲ

သစတရားကို ဖောက်ပြားသူတွေထဲ

ကျုပ်

တစ်ယောက် မပါရစေနဲ့….။

အမုန်းတွေ… အချစ်ဖြစ်ဖို့

အလွမ်းတွေ… ပန်းဖြစ်ဖို့က

အချစ်တွေ အမုန်းဖြစ်တာ

အလှတရားတွေ အကြည်းတန်တာ

သစတရားတွေကို ဖောက်ဖျက်ရတာလောက်တော့

ဘယ်လွယ်ကူမှာလဲ….

ကြည့်လိုက်စမ်းပါ…. စာဥရာ…

ကျုပ်တို့

နေညိုချိန်တောင်

တိမ်တောင်ကောင်းကောင်း မတောက်နိုင်သေးတာ

အလွမ်းတွေ ပန်းဖြစ်ဆိုတာ အဝေးကြီးရှိသေးတယ်….။

ကြည့်လိုက်စမ်းပါ….စာဥရာ….

ကျုပ်တို့

ရေခက်တောင် မဆင်းနိုင်ခဲ့တာ

အမောပြေဖို့ဆိုတာ အဝေးကြီးရှိနေဦးမယ်…..။

ဒီလိုနဲ့ စာဥရေ….

အနိစဆိုတဲ့ မမြဲခြင်းတရားရဲ့ ရှေ့က

ဘာလာမလဲဆိုတာ

ကျုပ်တော့ သွားကြည့်ချင်တယ်….။

အံ့ဘုန်းမြတ်

(2008 ခုနှစ်၊ ဒီဇင်ဘာလ 16 ရက် ချင်းမိုင်မြို့ရဲ့ ညတစ်ညမှာ စိတ်ကူးပေါက်ရာ ရေးသားမိခဲ့းခြင်းဖြစ်ပါတယ်။)

======================

ထပ်ပျက်ဆီးစရာမရှိ

အံ့ဘုန်းမြတ်

နုပျိုခြင်းအတိုင်းအတာ အချိန်ဆိုတာဘာလဲ

ကျဆိမ့်တစ်ခွက်ကိုမှာလို့

ဖင်ကိုသံရိုက် ထိုအခိုက်မှာ

နားမှာ ရိုက်ခက်နေတဲ့ ပန့်ခ်ဂီတတွေ….။

အရိုးခေါင်းတွေကိုမှ အလှတရားလို့

ငါတို့ ရသပြောင်းလဲနိုင်ခဲ့တော့

အသတ်အဖြတ်တွေက

ငါတို့အတွက်

အပျင်းပြေဆော့ကစားရာဖြစ်လာခဲ့တယ်

အိမ်မက်တွေထဲမှာတော့ ငါတို့ဟာ

ခံစားမှုအတိုင်း

နေထိုင်ရှင်သန်ကြစေသား….

စစ်မက်တွေကို မဖြတ်သန်းခဲ့ဘူးကြပေမယ့်

သွေးသံတွေရွှဲရွှဲဆိုနေတာကို

ငါတို့ ရွံမုန်းခဲ့ကြတယ်

ဒါပေမယ့် ငါတို့သွေးတွေဟာ

မျှော်လင့်ချက်တွေအတွက်

နီမြန်းနေတုန်းပဲ ရှိကြသေးတယ်….။

ငါတို့ဟာ

အနက်ရောင် ကင်းဘတ်စတွေပေါ်က

ဆေးဖြူနဲ့ရေးသားထားတဲ့

စုတ်ချက်ရာကြမ်းကြမ်းတွေကို

နှစ်ခြိုခုံမင်နေကြတယ်

စိတ်အာရုံတွေထဲ

အရာအားလုံးဟာ တစစီဆုတ်ပြဲ

ကိန်းအောင်းလို့ နေရာယူထားပြီသားလေ…

ငါတို့အတွက်

ဘာကိုမှ ထပ်ပြီးဖျက်ဆီးနေစရာမလိုတော့ဘူး…..

အံ့ဘုန်းမြတ်

(ခေတ်သစ်လူ့အဖွဲ့အစည်းအတွင်းမှာ ရှင်သန်ကျင်လည်လျှက်ရှိကြတဲ့ ခေတ်ပြိုင်လူငယ်တွေရဲ့ ဘ၀ကို သရုပ်ဖော်ရေးသားထားခြင်းဖြစ်ပါတယ်။ ဒီကဗျာဟာ လူငယ်အားလုံးကို ကိုယ်စားမပြုပါ။)

======================

အချစ်ညနေရီ

နိုင်ဝင်းဆွေ

မိုးမှုန် နှင်းငွေ့ တိမ်

အလင်းပြေး ကလေးတွေ

သူတို့ နိမ့်ဆင်းလို့လာလိုက်

သူတို့ ပြန့်ကျဲလို့ ပျယ်လွင့်သွားလိုက်

ကားဝိုင်းတောင်မကြီးထိပ်ပေါ်မှာ

တိမ်ထဲက ဒိုင်နယ်ရုံကလေးရှေမှာ…..။

အဲ့ဒီတုန်းကပေါ့

ရင်ထဲမှာတော့

နောက်တော့လည်း ပျောက်ပျက်သွားအုံးမယ့်

အချစ်မီးလေးတခဲ

တွဲလွဲခိုလို့

သည်အချစ်ကလည်း

ငါ့ကို နှောင်ဖွဲ့ဆဲလေ…..။

ဟုတ်ပါတယ်

အချစ်ကို ချစ်တယ်

အမှန်တရားကိုချစ်တယ်

အလှတရားကို ချစ်တယ်

အနုပညာကိုချစ်တယ်….။

ဟုတ်တာပေါ့

မုန်တိုင်းနီကို ချစ်

တိုက်ပွဲမီးပြင်းကို ချစ်

မီးရှို့ဖျက်ဆီးခြင်းများကို ချစ်

သူရသတ္တိရဲ့ အလင်းရောင်ကို ချစ်

ယုံကြည်ချက် ပြင်းပြသူတွေကို ချစ်

ဓားတစင်း မြင်းတစီးနဲ့

တကိုယ်တော် ခရီးသည်ကို ချစ်တယ်…..။

သူဟာ

မုန်တိုင်းကို ဖောက်ထွက်လို့…..

သူက

လောကအတွက်

ခွန်အားတွေ ပေးဆက်သွားတယ်…..။

ဟုတ်တာပေါ့

ဝေေ၀ဆိုတဲ့ကောင်မလေးကို

ကျွန်တော်ချစ်ခဲ့တာပေါ့….။

ကွန်မြူနစ်လောကရဲ့ ကုန်ရောင်းဈေးကွက်မှာတော့

အနာဂတ်မဲ့ အနုပညာသမား

တနေ့မှာ သေဒဏ်ပေးခံရမယ့် အတိုက်အခံသမား

ခြောက်ချားစရာလူ

အပယ်ခံလူ….။

ယမ်းငွေထဲမှာ

လမ်းကွေ့ထဲမှာ

မြူထဲမှာ

အမှောင်ထဲမှာလေ….

မှန်ပါတယ်လေ

အချစ်ရဲ့ ချစ်သူ

အမှန်တရားရဲ့ ချစ်သူ

အလှတရားရဲ့ ချစ်သူ

အနုပညာရဲ့ ချစ်သူ

လူမိုက်များရဲ့ ချစ်သူ ချစ်တဲ့လူ….။

ကျနော့်ရှေ့က

နေခြည်အလင်းကွက်ကလေးထဲမှာ

ခွေးသူငယ်လေးတကောင်ဟာ

ခုန်ပေါက်ရောက်လာ ကနေတယ်

ကျနော်ကို တိုးလိုက် ဝှေ့လိုက် မြူးလို့….။

ကျနော်လေ

ဒီခွေးသူငယ်လေးကိုလည်း ချစ်တယ်…။

အချစ်ကို ချစ်

အမှန်တရားကို ချစ်

အလှတရားကို ချစ်

အနုပညာကို ချစ်

ခွေးကလေးရဲ့ မြူးတူးကနေတဲ့

သန့်ရှင်းတဲ့ ပျော်ရွှင်မှုကလေးကိုလည်းချစ်

အချစ်ကြောင့်ပဲ

ကွန်မြူနစ်လည်း ဖြစ်လာတယ်….။

နိုင်ဝင်းဆွေ

(၁၉၈၂ ခုနှစ်၊ ဇွန်လ ‘၀’ တောင်ပိုင်းခရိုင်၊ ပန်ဆန်းအထူးမြို့နယ်၊ ကာဝိုင်းဒိုင်နယ် ဒိုင်နယ်ရုံးတွင် ရေးခဲ့သည့် “အချစ်ညနေရီ” ကဗျာကို “မဟူရာမေတ္တာရှင်၏ တော်လှန်ရေးစာပေမှတ်တိုင်” စာအုပ်မှ ကူးယူဖော်ပြထား ခြင်းဖြစ်သည်။)

======================

ဒါကဗျာမဟုတ်ဘူး

နိုင်ဝင်းဆွေ

(၁)

ဒါ ကဗျာမဟုတ်ပါဘူး…

ဝနယ်ရဲ့ အမှောင်ထုထဲမှာ

ကွန်မြူနစ်ခန်းမကြီးထဲက

စားပွဲပေါ်မှာ စီးကျနေတဲ့

ငါ့ရဲ့ မျက်ရည်ပါ…

ကဗျာလို မလှဘူး။

ကဗျာလို မ၀င်းပဘူး။

(၂)

ညဥ့်ဦးယံတုန်းကပေါ့

သံလိုက်စက်ကွင်းတွေ ရှုတ်ထွေးနေတဲ့

ရေဒီယို အသံလှိုင်းတွေထဲမှာ…

ရန်ကုန် ညနေခင်းရဲ့

ဆေးရုံကြီးရှေ့ လူသတ်ကွင်းထဲမှာ

ဂျင်မခါနာ

သားဖွားခန်းလေးတခုရဲ့

စပရိန် သံကုတင်ပေါ်မှာ

အမေက တတိယသားသားလေးကို

မီးရှုးသန့်စင်အပြီးမှာ

သူ့သားငယ်လေးရဲ့ ဘ၀တေးသံဟာ

ဆေးရုံနံရံအဖြူကို အသာအယာလှုပ်နိုးလို့

အဲ့ဒီအချိန်တိုကလေးထဲမှာပေါ့

ကိုးနှစ်အရွယ်သားကြီးဟာ

ပုဆိုးစိမ်းစိမ်း အကျီင်္ဖြူဖြူကလေးနဲ့

အမေနဲ့မဝေးကွာလှတဲ့ ဆေးရုံကြီးရှေ့ ပလက်ဖောင်းပေါ်မှာ

ရင်အုံပွင့်ထွက် လဲကျသွားလေရဲ့

သွေးအိုင်ထဲမှာ

ပြီးတော့

မဟာဗန္ဓုလပန်းခြံထောင်မှာ

ပြီးတော့

ရွှေဂုံတိုင်အ၀ိုင်းကြီးရှေ့မှာ

ပြီးတော့

မြေနီကုန်း ရုံးအဆင်း

ပြည်ရန်ကုန် ကားလမ်းမကြီးပေါ်မှာ

မိုးရေစက်တွေအောက်မှာ“

ဘရင်းကယ်ရီယာ ကားဘီတွေအောက်မှာ

ပုဆိုးစိမ်းစိမ်း အင်္ကျီဖြူဖြူ သားသားလေတွေ။။။

(၃)

ဒီလိုအချိန်မှာပဲ

ကျုပ်လို လူမိုက်ကြီးတွေရဲ့ ရင်ထဲ

ဒေါသပေါက်ကွဲနေတဲ့ ဆင်ရိုင်းကြီးတွေ အောင်းလို့…..

ပစ်လိုက်စမ်းဟေ့….ဖက်ဆစ်တွေ

မီးရှို့လိုက်ကြ

ပစ်လိုက်စမ်းဟေ့….

သက်သာပစ်လိုက်

ပစ်လိုက်စမ်းဟေ့….

မွေးတနေ့

သေတနေ့

ပစ်လိုက်စမ်းဟေ့….

ဆင်ရိုင်းကြီးတွေဟာ

မုန်တိုင်းလို မွှေယမ်းလို့….

ရေဒီယိုထဲက

သံလိုက်လျှက်စစ်လှိုင်းတွေထဲမှာ

ကျုပ်ကြားနေပါတယ် နားထောင်စမ်း…။

မြောက်ဥကလာပ ၀င်္ကဘာလမ်းမှာ

ပုလိပ်သားခေါင်းပြတ် ခန္ဓာကိုယ်ကြီးရဲ့

သွေးစက်တွေဟာ ကတ္တရာလမ်းပေါ်မှာ

သူမရပ်ဘူး…

ငရဲဆီကို ပြေးနေ….

တာမွေမှာ

သူလျိုတယောက်ရဲ့ခေါင်း

ရေပုပ်မြောင်းထဲ လိမ့်ဆင်းသွားနေ….

အပုပ်နံတွေ လှိုင်သွားပေါ့….။

ကြည့်လိုက်စမ်းဟေ့

လူမိုက်တသန်းရဲ့

ကြမ်းရမ်းတဲ့ ပွဲခင်းရဲ့ ဗဟိုမှာ….။

(၄)

ရေဒီယိုထဲမှာတော့

သားသားတို့ မေမေလေးရဲ့အသံဟာ

ဆို့နစ်စွာနဲ့ တိုးတိတ် တိမ်ဝင်သွားလေရဲ့

ကလေးတို့ရေ

ဘဘနိုင်ဝင်ဆွေလေ

စားပွဲပေါ်မှာ မျက်နှာမှောက်ချ

မှောင်မဲနေတဲ့ ကွန်မြူနစ်ခန်းမကြီးရဲ့ အလည်မှာ

ကတ္တရာလမ်းမပေါ်က ဂျူလိုင်ညနေ မိုးရေစက်တွေထဲမှာ

လူကလေးတို့ရဲ့ ၀ိညာဉ်မဲ့ ခန္ဓာကိုယ်ကလေးတွေ….

သင်တို့ရဲ့

မျက်တောင်ခတ်နေတဲ့ စကားပြောနေတဲ့

ရှင်းနေတဲ့

ကမ္ဘာနှလုံးသားကို ကိုင်လှုပ်နေတဲ့

မသေတဲ့ကျောက်ရုပ်ကြွင်းအလောင်းတွေပေါ်မှာ

ဝဲကာ ဝေ့ကာ ကျလာနေတယ်လေ….

ဘဘပို့သလိုက်တဲ့ ပန်းခွေ

မျက်ရည်တွေဟာ

လွမ်းသူပန်းခွေဖြစ်လို့…..

ကဗျာလို့တော့ မလှဘူး….

ကဗျာလိုတော့ မ၀င်းပဘူး….။

နိုင်ဝင်းဆွေ

(မှတ်ချက်။ ။ 1988၊ ဇူလိုင်လတွင် ဗမာပြည်ကွန်မြူနစ်ပါတီ၏ အရှေ့မြောက်စစ်ဒေသ “တပ်မဟာအဆင့် နိုင်ငံရေး၊ စစ်ရေးကေဒါ” ကျောင်းမှာ ကျော်ဇောဦး ဦးစီးထုတ်ဝေသောကဗျာစာအုပ်တွင် ရေးသားခဲ့သည်။ ထိုကဗျာစာအုပ်သည် 1988 လူထုတိုက်ပွဲကြီးအား ကြိုဆိုဂုဏ်ပြု ဖွဲ့ဆိုခဲ့သည်။ ထိုကဗျာအမည်သည်လည်း မေ့ကျန်နေခဲ့ပြီး မူရင်းကဗျာလည်း မပါရှိတော့ပေ။ ထို့ကြောင့် ပြန်လည်ရေးဖွဲ့ခြင်းဖြစ်သဖြင့် မူရင်းနှင့် အနည်း အပါး အတိမ်းအငဲ့ရှိပေလိမ့်မည်။)

======================

မကြာမီ….ရွာဆီရောက်တော့မည်

မောင်လင်းကြည်

မြောက်ပြန်လေမှာ၊ ကောက်နံ့ပါသည်

ဆောင်းလာနေပြီထင်ပါရဲ့…..။

ငှက်တော်ငှက်တို့

ကွင်းထက်မှာပျံ၊ တညံညံနှင့်

လေချွန်သံလို၊ သီချင်းဆိုကာ

ဆောင်းဦးလာပြီထင်ပါရဲ့…..။

ထန်းတောဆီက၊ မီးမြင်ရသည်

မှောင်စမှာပင်၊ အချမ်းဝင်လို့

ယာပြင်ကုန်းထက်၊ တဲနောက်ဘက်မှာ

ထန်းလက်မီးထည့်၊ လှိုရော့သလား…..။

လူသံ၊ လှည်းသံ၊ တောလုံးညံကာ

တောပြန်လှည်းများ၊ ဒုံးစိုင်းသွားပြီ

နွားရောလူပါ ချမ်းလို့ထင့်…..။

တောင်ပေါ်ကနှင်း၊ ဖော်တသင်းနှင့်

လေညင်းထဲမှာ၊ လွင့်ပျံလာသည်

မကြာမီ…..ရွာဆီရောက်တော့မည်…..။

မောင်လင်းကြည်

(ဆရာမောင်လင်းကြည်ရဲ့ “မကြာမီ…..ရွာဆီရောက်တော့မည်” ကဗျာကို ၂၀၀၇ ခုနှစ်၊ ဖေဖော်ဝါရီလထုတ်၊ အမှတ် (၁၃) ကဗျာမှ ထုတ်နှုတ်ဖော်ပြေထားပါသည်။)

======================

ဆောင်းဦးပုံပြင်

ရွှေညာခိုင်စိုး

အခုလို ဆောင်းညချမ်းဆို

မြေရိုင်းဖော်ရင်း အဖေတူးလာတဲ့

ဧရာမ သစ်မြစ်ဆုံကြီးကို မိသားစု မီးညှီလှုံကြရင်း

ဆီးနှင်းတွေ တဖွဲဖွဲကြား

ထန်းမြစ်ကလေးတွေ ဖုတ်စားရင်းပေါ့

အညာဆောင်းကို အံတုကြတယ်….။

မီးဖိုနံဘေးမှာ

အဖေဟာ ထန်းလက်လျှော်သပ်ရင်း

စစ်အတွင်းတုန်းက ဗုံးကြဲဖို့လာတဲ့ ကျွဲညီနောင်

ရွာပေါ်ဝဲရင် ရှောင်ရ ရှားရပုံတွေ

ရွာအနီး မန်းကျည်းပင်ကြီးအောက်

ကာကွယ်ရေးလက်ကျန် ဗုံးထအပေါက်မှာ

ဖိုးသာအောင် လက်တစ်ဖက်ပြတ်ရရှာပုံတွေ

အင်္ဂလိပ်နယ်ချဲ့ခေတ်မှာ

သားသတ်နဲ့ အရက်လိုင်စင်ချပေးတဲ့ကြား

လယ်တီဆရာတော်ဘုရားက

အမဲသားမစားဖို့၊ အရက်မသောက်ဖို့ မေတ္တာစာ

ရွာအနီးတ၀ိုက် လိုက်လံဝေခဲ့ပုံတွေ

စုံပေသပ တစ်ညတစ်မျိုး

မရိုးနိုင်တဲ့ ဆောင်းပုံပြင်တွေ….။

အမေက မနက်ဖြန် ဆွမ်းလှည့်ဆိုပြီး

ပဲကြီးတွေ အခွဲညှစ်

ကောက်သစ်ပေါ်ရင် အလှူရက်သတ်မတဲ့

ဝက်သားကြွေးမဟုတ်တောင်

မှန်ရောင်ဟင်းချို၊ ငါးခြောက်ထောင်း

ပဲဟင်း၊ ပဲတီချဉ်ဆို မကောင်းလား

ကျောင်းရှိ သံဃာကုန်လျာထား

တစ်ပါး ပရိက္ခရာရှစ်ပါးလှူမတဲ့….။

အမေ့စကားရပ်အသွားမှာ

ထန်းမြစ်တွေစားရင်း ကျုပ်မေးမိ

“အမေ…ထန်းမြစ်တွေ ဘယ်ကရလဲ”

အမေက ပြန်ပြောတယ်

သမုဒ်စား လယ်တရိုး

မိုးထိုးမတတ် ထန်းတောကြီးဟာ

မင်းဘိုးစိုက်ခဲ့တာ

ငါတို့စားမကုန် သုံးမကုန်ပ

ဒါတင် ဘယ်ကမလဲဟယ်

ရွာ့အနောက် လယ်ကြီးကန်သင်း

မင်းအဖေစိုက်ထားတဲ့ ထန်းရာကျော်

အိမ်မိုး၊ တဲမိုး၊ ကြိုးကျစ်ရောင်းလို့ရပြီဟဲ့….။

ရုတ်တရက်ပါပဲ

ကျုပ်ခေါင်းထဲ လက်ကနဲလင်းသွား

ရွာမြောက်ဖက် လိန်ပင်အိုင်လယ်ခြားရိုးမှာ

ကျုပ်လဲ ထန်းပင်တွေ စိုက်မယ်….။

ရွှေညာခိုင်စိုး

(ကိုရွှေညာကြီးရေ…. ကျွန်တော်ခင်ဗျားကဗျာလေးကို ချင်းတွင်းမဂ္ဂဇင်း၊ အမှတ် (၁၃) ဖေဖော်ဝါရီလ၊ ၂၀၀၇ မှာတွေ့လို့ ကူးပြီး ကျွန်တော့်ဘလော့ခ်ပေါ် တင်ထားလိုက်ပါတယ်။ ၀င်ကြည့်ဖြစ်လို့ တွေ့ခဲ့မယ်ဆိုရင်လည်း ကျွန်တော်ဒီလို တင်ထားတဲ့အတွက် ခင်ဗျား စိတ်ဆိုးမယ်မထင်ဘူးဗျာ။)

======================

အိပ်မက်စီးချင်း

Sunday, September 14th, 2008

ကိုယ့်ရဲ့ ဖြစ်တည်မူကို

ပြားချပ်နေတဲ့အိပ်ကပ်ထဲ

အသည်းအသန်ရှာဖွေခဲ့ရ

အရေးပါမူ မပါမူကိုက

ဘ၀ရဲ့  ခါးသီးတဲ့ခြောက်လှန့် မူ

မမက်ပဲမက်ခဲ့သလိုနဲ့  အိပ်မက်အတု

ေ၀၀ါးခြင်းရဲ့  နောက်ကွယ်မှာခပ်လျလျ

ငါ့မျက်လုံးတွေက ဖွင့်ထားရဲ့ နဲ့ မမြင်ခဲ့

အရာရာတိုင်းက နွေးထွေးမူကင်းမဲ့

မယုံရဲပါဘူး ဘာကိုမှငါမယုံရဲ ခဲ့ဘူး

ချိုမြိန်မူကင်းတဲ့ နေ့ ရက်များကို

အခါတစ်ရာလောက်မက်တဲ့ အိပ်မက်ဆိုးလို

ငါမုန်းတီးကြောက်ရွံ့ မိပါရဲ့ 

ခြားနားမူရဲ့  တစ်စိမ်းဆန်ခြင်းက

ငါ့နှလုံးသားကို အေးစက်ထုံထိုင်းစေခဲ့

ချစ်ခြင်းမုန်းခြင်း နာကျင်ဝမ်းနည်း

ဘာဆိုဘာမှမသိ ခံစားမူမဲ့ခဲ့ပေါ့ ……..

လေရူး flurry

http://www.mysuboo.com/index.php?option=com_blog&name=pyae90&task=view&pid=11337&Itemid=

======================

ချစ်တတ်ခဲ့ခြင်းတစ်ခုမှာ

Monday, October 6th, 2008

အဆုံးမဲ့ချစ်ခြင်းတွေ

အက္ခရာတင်မိတဲ့ အချိန်ကပေါ့

အလွမ်းတွေ တစ်ခုနဲ့ တစ်ခု

ညင်သာစွာပေါင်းစည်းနေလေရဲ့ 

အလွမ်းတွေ ကန့် သတ်နေရင်းနဲ့ ကို

ခပ်နက်နက်ပျော်ဝင်နေမိ

အေးစက်စက် ဆွတ်ပျံ့ ခြင်းတွေထုံလွမ်း

အလွမ်းတွေ နေမ၀င်သေးဘူးချစ်သူ…..

မရှိမဲ့ရှိမဲ့ သတိရခွင့် လေးကိုလည်း

ရုတ်သိမ်းမသွားလိုက်ပါနဲ့ ဦး

မင်းရဲ့ ချစ်ခြင်းမှာ

အလွမ်းမဲ့ ဇုံတစ်ခုတော့….. ချစ်သူရယ်

ဖန်ဆင်းပေးခဲ့ပါဦး

သံစဉ်မဲ့ သတိရ ခြင်းတွေက

သက္ကရာဇ်တွေကို တိုက်စား

ဥတုတွေကို ပြတ်ရွေ့ စေခဲ့ပေါ့

ချိုမြိန်တဲ့ ကွဲလွဲခြင်းတွေနဲ့ အတူ

ငါက… မင်းရဲ့ ချစ်ခြင်းမှာ

ပေါ့ပါးစွာဝေးလွင့်ခဲ့ရတဲ့

ကျောရိုးမဲ့ပြဇာတ်တစ်ပုဒ်ပေါ့

ငါ့ကဗျာတွေရဲ့  လွတ်လပ်ခွင့်ကို

ချစ်တတ်ခဲ့ခြင်းတစ်ခုမှာ

ဘောင်ခတ်ပစ်မိခဲ့ပါရဲ့ 

ခပ်ဖျော့ဖျော့အလွမ်းတွေ

တောက်ပချိန်တုန်းကပေါ့….

လေရူး flurry

http://www.mysuboo.com/index.php?option=com_blog&name=pyae90&task=view&pid=13494

======================

မိုးတွေက ရစ်သမ်နဲ့မရွာဘူး

အိပ်မက်တွေ အခြေမကျသေးသရွေ့
“အိမ်” ဆိုတာကလည်း
“မက်” လောက်ဖွယ်ရာ လွမ်းဆွတ်မှုကြီးတစ်ခုပဲ ။
စိတ်ကူးထဲမတော့
နလံထလာမယ့်ဒွန္နယာ
အာဃာတတွေ ခ၀ါချတော့မယ့် ဒွန္နယာ
ခပ်ရဲရဲသာ
ကိုယ့်လမ်းကိုယ် ဆက်ဖောက် ဆက်လျှောက်ရဲ့ ။
မိုးစက်ရိုင်းတွေ လုယက် တိုးဝှေ့နေတဲ့
” ၁၃ ” ရက်ဖွား မွဲမွဲမှိုင်းမှိုင်းတစ်ကောင်ကို
အမှောင်ထဲမှာ လင်းခွင့်ပြုကြပါ ။
အဆီဝေ့ဝေ့ ၊ ပြုံးတမိန့်မိန့် ၊ သိမ့်သိမ့်တုန်ခါ
လျှောက်ခဲ့ဖူးသောလမ်းအသွယ်သွယ်နောက်မှာ
ရက်စက်မှုကံတရားတွေ ကပ်ပါလာတယ် ။
အဲသလိုနဲ့
ကိုယ့်အကြာင်းပဲ ကိုယ်တွေးကာ
ကိုယ့်ကဗျာ ကိုယ်ရေးတတ်ခဲ့ ။
ငါ့ လက်မောင်းသွေးနဲ့
ချစ်သူရဲ့ မျက်ရည်စတွေလည်း
ပန်းပွင့်စေရမယ်ကွယ် ။
လာ…..
လိုက်ခဲ့
ထာဝရငြိမ်းအေးမှုနဲ့နီးရာ
ရွှေ့ပြောင်းထွက်ခွာတော့မယ့် …..
ပြီးတော့
တိမ်တိုက်တွေကြား ပြေးလွှားနေတဲ့
ဂျစ်ပစီလူရမ်းကားတစ်ယောက်ရဲ့
နောက်ဆုံးဈာပနကို ။ ။
ဥက္ကာကိုကို(သံတွဲ)

==============

ကြေကွဲတေး

အဲဒီလိုနဲ့ …
ငါချစ်တဲ့သူက
ငါနဲ့ဝေးရာ
ထွက်ခွာသွားတဲ့အခါ
ငါ ကြေကွဲရပါတယ် ။
လွမ်းခဲ့သမျှ အလွမ်းတွေက
ငါ့ကို ပြန်မလွမ်းကြတဲ့အခါလည်း
ငါ ကြေကွဲတယ် ။
ကြေကွဲမှုဗေဒကို အလွတ်ရနေတဲ့
ငါက
အရာအားလုံးကို မေ့ပစ်ပါ
တို့ကို နားလည်နိုင်အောင် ကြိုးစားပါ …..ဆိုပေမယ့်
ကြေကွဲခြင်းနိယာမကို
အသေအလဲ ဆုပ်ကိုင်
အလွမ်းမှတ်တိုင်တွေသာ စိုက်ထူချင်နေတဲ့ကောင်ပါ ။
ကိုယ်တိုင် ကပြခဲ့တဲ့ ဇာတ်တော်ထဲမှာ
လမင်းတွေ အစင်းစင်း လင်းခဲ့
ပန်းခင်းတွေ တညှင်းညှင်း သင်းခဲ့
မင်းရဲ့
ရန်ငြိုးမဲ့ဖြတ်စာမှာ သံယောဇဉ်တွေ ဝေေ၀ဆာဆာ
ငါ မြင်ရရဲ့
ငါ မောရရဲ့ ။
ပါးချိုင့်ကလေးတစ်စုံရဲ့ စိမ်းကားမှုအပေါ်
ပျော်ပါးဖို့ ၊ မော်ကြွားဖို့ရာ ဖယ်ရှားပေးပြီး
အလွမ်းတွေကို ရင်စည်းခံလို့
ကြေကွဲတေးသံ တညံညံနဲ့
ငါ ပြန်ခဲ့တယ် ။ ။
ဥက္ကာကိုကို(သံတွဲ)

==============

“နင်အတွက်”

ငါ့ မျက်ရည်တစ်ပေါက်ဟာ

မိုးရေလေးတစ်စက်ဖြစ်ခွင့်ရရင်

နင် ရင်မှာအေးမြစေချင်တယ်….

ငါ့ နှလုံးသားလေးဟာ

ခင်းကျင်းခွင့် ရခဲ့မယ်ဆိုရင်

နင်လျှောက်လှမ်းမဲ့ လမ်းလေးဖြစ်ချင်တယ်….

နောက်ဆုံး

ငါ့ ရဲ့ထွက်သက်ဟာ

အနှိုင်ဆိုတဲ့ မှတ်တိုင်အဖြစ်သတ်မှတ်ခဲ့ရင်တောင်

နင် သွားရမဲ့ ပန်းတိုင်လေးဖြစ်ချင်တယ်….

ကလေး

=======================================

အချစ်ကြောက်သူ


  • လိပ်ပြာတစ်ကောင်ရဲ့ 

ရိသဲ့သဲ့ပျံဝဲမှုတွေနဲ့ 

တပ်မက်တဲ့စည်းဝိုင်းအတွင်းမှာ

ရင်ခုန်ခြင်းဆိုတာသေဆုံးနေခဲ့ ။ ။

  • မဲညစ်ညစ်ကောင်းကင်အောက်မှာ

အစွန့် ပစ်ခံလိုက်ရတဲ့

အပြာရောင်စာရွက်တစ်စကို

ငါ …………အခုထိအမှတ်ရနေရဲ့ ။ ။

  • နာရီလက်တံတွေလည်နေသရွေ့ 

စိတ်နာမှုကိုမျိုထားရတာ

ကိုယ်ကိုယ်ကိုယ်တော့

ပြစ်တင်ဝေဖန်ကဲ့ရဲ့ မိပေါ့ ။ ။

  • စဉ်းစားကြည့်မယ်လို့ 

ရောင်စုံကာလာတွေကြားက

ဟောဒီမာယာလွင်ပြင်ကြီးထဲမှာ

ဥပေကာလှိုင်းဒဏ်

အပါယ်ခံနှလုံးသားနှင့်ကျင့်သားမရသေးတဲ့

စိတ်အမာရွတ်တွေရှုပ်ပွနေဆဲ ။ ။

  • ချစ်သူရေ ! ! !

မင်းရဲ့ အသည်းစကားများ

ပြခန်းထဲကိုသွားကြပါ

မိုးခါးရေတစ်ပေါက်

အချစ်ကြောက်သမို့ 

အများလိုမသောက်ပါရစေနှင့်တော့ ။ ။

နွေမိဿအိမ်

=======================================

Discussion

13 thoughts on “ကဗျာ

  1. အစ်ကိုရေ….ကဗျာတွေနည်းနေတယ် …..လုပ်ပါဦး…ကျွန်တော်လဲပို့ပေးဦးမယ် ။

    Posted by ဥက္ကာ | October 26, 2008, 2:38 am
  2. အချစ်အကြောင်းပဲရှာထားတာလား
    ကဗျာကောင်းတွေရှိရဲ့သားနဲ့
    တင်ပေးပါဦးဗျ
    ဖတ်ရအောင်

    Posted by khinpyi | December 20, 2008, 9:31 am
  3. စာဥ လဲခုချိန်မှာ ကြည့်ဖို့မအားပဲ
    ချက်ဖို့အားခဲနေတဲ့ထဲ ပါနေရင်ဘယ်လိုလုပ်မလဲ ကဗျာဆရာရယ်

    Posted by ယံယံ | December 23, 2008, 6:55 am
  4. good

    Posted by နှင်းစက် | March 20, 2009, 2:51 pm
  5. ကဗျာတွေလာဖတ်ပါတယ်

    Posted by ကလျာ | June 23, 2009, 1:03 pm
  6. သိပ်ကြိုက်တယ်။ ကျေးဇူးပဲ။

    Posted by ကိုလင်း | October 18, 2009, 2:42 pm
  7. i really like that god damn poem

    thanks a lot brother

    have a nice girl fri

    Posted by htoomyataung | December 3, 2009, 4:54 am
  8. ကဗျာကိုမြတ်နိုးတယ်..ချစ်တယ်..အခုလိုခံစားချက်တွေကိုဖွင့်အံချပြတဲ့အတွက်ကျေးဇူးပါ…သူငယ်ချင်း

    Posted by maylay | June 6, 2010, 3:48 am
  9. ကဗျာတွေက နည်းတယ်နော်…ဒါပေမဲ့ တင်ထားသမျှကဗျာတွေကိုအကုန်ကြိုက်တယ်..နောက်ထပ်တင်ပေးပါနော်…..ကျေးဇူးတင်ပါတယ်.

    Posted by maylay | June 12, 2010, 2:20 pm
  10. All people deserve good life and mortgage loans or term loan will make it much better. Because people’s freedom relies on money.

    Posted by CharityBERG | July 13, 2010, 5:03 am
  11. All the porms are so nice.But i woult like to read to BOGYOKE AUNG SAN porms. Please find and send for me. Thank.

    Posted by Aung San Tun | February 23, 2011, 1:01 pm
  12. ကဗျာတွေလာဖတ်ပါတယ် …အမြတ်နိုးဆုံးက ကဗျာတွေထဲက
    ကဗျာတွေပါပဲ…ကျေးဇူးအထူးတင်ရှိပါတယ် ကဗျာတွေရယ်…

    Posted by newday | April 2, 2011, 6:38 am
  13. ဆရာမောင်ခိုင်မာ ရဲ့ကဗျာတွေ ရှိရင်တင်ပေးပါအုံး
    ကျေးဇူးအထူးတင်ပါတယ်အစ်ကို

    Posted by konay | April 16, 2011, 5:46 am

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Categories

%d bloggers like this: